الموضوع: فشل M11 في اجتياز اختبارت التصادم Euro NCAP

المشاركة الأصلية كتبت بواسطة augast

يا جماعه m11 دخلت ولامدخلتش encap مش المشكله
الكلام كله فى الاختبار كان فى cncap وديه مؤسسة اختبار السيارات الصينية ودة فى روسيا ودة طبقا لمعايير اوربا ( دة كلام الوكيل )
(اللى اعرفة) ----مع اختلافات طبعاً----
(( السرعة اقل 10 كم ولاكن الاختبار فى الجنب و الامام تقريبا واحد ))
والمنظمة ديه بتختبر عربيات كتير فى اوروبا وامريكا


نيجى لنقطة الصناعه الصينية و اقوانين والذى منة
انا بسافر الصين كل اربع اشهر وعارف الصناعة بتاعتهم
بس يا جماعه احنا المصريين اللى بنروح وبنجيب ازبل حاجة وانا من ضمنهم للأسف
لاكن الصناعة بكل اختصار محترمة جداً ( اللى عايز يستفسر ابقى اشرحلة)
انا مثلاً بجيب كل شئ يخص البصريات
هناك يقولك دة هيكلف 5 قروش التاجر بيقول لا اعملهولى ب نص قرش
بنفس الطريقة
لاكن كل التوكيلات هناك عالمية بتفتح فى الصين فقوانين حمايا المستهلك موجودة بس فى شركات التصدير المحترمة
انا مبدافعش عن الصين بس احنا اللى عملنا فى نفسينا كدة - ورغم كدة البصريات فى ايطاليا افضل بكتييييييير من الصين بس انا طلعت مرة واحدة هناك لما جيت بعت هدومى وراهم كلة على قد فلوسة و اللى مش عاجبة الصناعة الصينية ميشتريش اى شئ من السوق المصرى اشترى من برة
اسف على الاطالة

احييك على كلامك وصراحتك ودى وجهه نظرى بس للاسف الناس بتفهمها كانك بتدافع باستماته عن الصين
معلش لو هنتعب حضرتك ياريت تشرحلنا فروق الصناعه فى الصين عشان كلنا نستفيد ونعرف اكتر عن الموضوع دا

المشاركة الأصلية كتبت بواسطة augast

مفيش تعب ولا حاجة
الصناعة الصينية من اعظم الصناعات فى العالم
و معترف بيها فى العالم كله (اوروبا - امريكا - اسيا - ... )
و الدليل على كدة الشركات العالمية كلها قفلت فى المركز الام وفتحت فرع رئيسى فى الصين ده حتى dell الامريكية
ناس ليهم قوانين بأكد قوانين
يعنى العمل هناك من 9 صباحاً الى 6 مساءاً (شغل من حديد ) بعد كدة بيتابعو يومهم الترفيهى مفيش عمل بعد الساعة ستة
الصناعة ليها قوانين
يعنى انا اتفقت على شغل ( شحنة جرابات نظارات ) بمواصفات معينة بعد ال 20 -30 يوم وصلت مصر لقيت فيها جزء مخالف للمواصفات
الشحنة رجعت الصين وجت بعديها سليما بدون اى مصاريف وده ان دل سيدل على المصداقية بتاعتهم
راح واحد صحبى وكان بيجيب اجهزة تليفون محمول تقليد النوكيا
انا شوفتو وهو بيطلب المواصفات وكانت طبعا كالعادة مواصفات عالية جداً مع سعر مستحيل ودة على حساب الخامات المستخدمة
يعنى انا كنت مرة بجيب نظارات شمس فطلبت موديل ايطالى عالشان يعملوه بس made in chena فطلبت خامات عالية و خامات رضيئة والله معرفتش الفرق بينهم بس بعد ما رجعت وبعت دة بسعر ودة بسعر اقل ولما البضاعة مشيت فى السوق الفرق كان واضح الhigh مفيش اى تغيير عليها كأنها جديدة ومدبنش عليها انها مش اصلى
بس ياجماعة فى فكر خاطئ عند المصريين وهو كالئاتى
بتطلب اللى انت عايزة مع سعر مستحيل
والصين اجدع ناس يقفلو ودة انا مستعد للجدال مع اى شخص لان ده عن خبرة صابقة
المستهلك بيشوف الشئ ممتاز ممتاز مين فوق الممتاز يستخدمو يبوظ على طول وده مش زنب الصناعة الصينية
لكن بعد كل الرغى ده الحاجة اللى المستورد المصرى مش هيتحكم فى مكوناتة وسعرة ( يكون فى سعر دولى ) ( الطيارات - الصواريخ - الاسلحة - العربيات طبعاً ) فالمستهلك يتأكد ان زى مهو شايفها هيبقى الكواليتى بتاعها كدة ( فى عربات كتير صينى شكلها واقع فعلاً طلعت كدة والعربيات اللى شكلها ماسك نفسه على الطريق فعلاً بتسبت انها مممتازه)
وكلنا شفنا العربيات الكويسة واللى ثبتت نفسها
spr a516/ brilli galena/ spr a113/ brilli frv
وكلنا شفنا عربيات مشخشخة وطلعت زبالة
انا مش عايز اقول اسماء لأحترامى لأصحاب العربيات ديه
اسف على الاطاله

كل الشكر لحضرتك يا استاذ augast
وحبيت بس اعلق على الجمله الى حضرتك قولتها والى بتقول
( ياجماعة فى فكر خاطئ عند المصريين وهو كالئاتى
بتطلب اللى انت عايزة مع سعر مستحيل )
انا فعلا متفق معاك فى كدا والناس فى مصر اغلبها تطلع تقول العربيات الصينى وخصوصا الاسبرانزا مفيهاش كذا وكذا وكذا وحاجات بتمن العربيه ونسوا ان العربيات دى سعرها فى الخمسينات والسبعينات يعنى امكانيتها كدا دا طبعا غير شماعه الامان الى بيعلقوا عليها الناس المهاجمه للاسبرانزا كلامهم وهم الى حد ما صادقين لان فعلا العربيات مفيهاش مواصفات امان قد كدا بس متنساش ان فئتها السعريه فى السوق كلها اقل منها وفى عربيات بتوصل ل 120 الف من غير abs حتى والى عايز امان و 10 ايرباج والكلام دا كل دا موجود بس يدفع
اسف على الاطاله
ةشكرا لحضرتك مره تانيه

المشاركة الأصلية كتبت بواسطة augast

لا شكر على واجب
بس معلش انا معترض معاك فى حكاية الامان
لان انت لو جبت a516 ودخلها وش فى وش مع اي عربية تانية حط اى اسم شوف الفرق
والدليل على كدة هاتلى عربية تدخل فى الحاجز الاسمنتى على 100 كم وتطلع سليمة

المشاركة الأصلية كتبت بواسطة augast

فعوامل الامان تتدرج
من aps مع epd , esp, 10 air bags ....
وتنزلل وحدة وحدة يعنى الشاسية مع جسم للعربية قوى مع امالة لعجلة القيادة اثناء الحدثة ممكن تغنى فى الحوادث بتاعت الطرق المصرية

حضرتك معنى كلامى مش ان الاسبرانزا مفيهاش امان لا قصدى انها فبها امان افضل من كل السيارات المنافسه و 10الايرباجز والكلام دا بينزل مثلا فى الباسات والاسعار المرتفعه بس انا بتكلم على ابعد الحدود للناس الى بتهاجم الصينى واكبر دليل زى ما قلت صوره الحادثه الى فى المنتدى هنا وكمان صاحب العربيه هو الى عمل حادثه واتكلم هنا مشكورا عنها عشان الناس متقولش ايش عرفك ان الناس الى فى العربيه كويسين
وعلى اقل تقدير فى الاسبرانزا فيها abs فى حين ان الهيونداى الانترا الى معديه 100 الف مفيهاش والناس بتشتريها ومنتشره جدا ومحدش بيعلق عليها