الموضوع: كان عندنا بونتياك

المشاركة الأصلية كتبت بواسطة eng.octooo

العربية دى جميلة اوى بس مالهاش توكيل (تقريبا) مالهاش قطع غيار مالهاش سوق علشان الضريبة ومالهاش امان من ناحية البنزين هنا فى مصر لو على طريق صحراو فين وفين لما تقابل بنزينة

البنزين مش مشكلة نبقى نسيب جركن ولا اتنين في شنطة العربية للمسافات الطويلة، أنا فاكر كنا بنسافر بيها ممكن 400كم متصل من غير استراحة قبل ما نزود بنزين و التانك بتاعها بياخد كمية كبيرة مش فاكر كام. مش الزمزميات اللي هنا

المشاركة الأصلية كتبت بواسطة yah

شكلها من بره جميل
بس انت متاكد انها مريحه فى السواقة

مريحة طبعاً. مريحة لو راكب أو سايق، كفاية إحساس المطبات و الفرامل كأنك راكب موجة بحر
مريحة في السواقة عندك موتور 8 سلندر و فتيس أتوماتيك عصايته في الدركسيون و باور ستيرنج للكاوتش الضخم و مرايات كهرباء يمين و شمال و كراسي أمامية كهرباء و فتح (وقفل) الشنطة من الداخل ده بالنسبة للسائق غير باقي الكماليات زي التكييف الجبار و سنتر و زجاج كهرباء و فرش قطيفة و خشب و كروم و حاجات كتير كده ماتفكرنيش

المشاركة الأصلية كتبت بواسطة gemy215

العربيات دي مش بس مريحه انتا بتحس انك قاعد علي فوتيه في البيت قدام التليفزيون كمان
حاجه كدا يعني لازم انتا الي تجرب علشان تعرف اول لما تقعد تلاقيك نزلت في قلب الكرسي وحسيت بالراحه وممكن تنام بدل ما تكمل المشوار
هههههه
انا بعشق العربيات دي بس مش لاقتنائها بس هيا سياره مرفهه وماتور حاجه عظيمه يعني

أنا بانتهز أي فرصة أركب فيها حاجة مماثلة. أيام الجامعة و احنا في انتظار الميكروباص كنت باسيب الميكروباص التويوتا هاي إيس و أركب الشيفروليه الكبير ده اللي الناس بتقرف منه أو الفورد إيكونولاين و أستمتع باقوة السحب و الراحة و الوسع إلخ..
ساعات كمان آخدها مشي من كوبري القبة لغاية عمارات العبور و في الطريق ده بلاقي العربيات دي راكنة بالترتيب:
1- شيفروليه كابريس كلاسيك سوداء ثمانينات
2- شيفروليه فان أسود مش عارف الموديل (للبيع) :)
3- بويك مش فاكر الموديل
4- كابريس كلاسيك بيضاء ثمانينات
5- كابريس كلاسيك بوكس ذهبي تسعينات

و في الشغل عندهم عربيتين إسعاف فورد جديدة

المشاركة الأصلية كتبت بواسطة Hegazio

فعلا كانت العربيات دي زمان بتتعمل بمزاج

+1

المشاركة الأصلية كتبت بواسطة seqoia

فعلا كانت عربيات راااااائعة

انا اول عربية سقتها كانت كابريس بوكس 80
وانا لحد دلوقتي باحترمها جدا

اسأل مجرب :)

المشاركة الأصلية كتبت بواسطة Tayer

موديل سنه كام ؟

موديل 1979

من يومين شفت العربية تحت بيتنا لكن حالتها








شفت لها شوية صور على كار دومين

سوال بره الموضوع حضرتك ابو حسني من منتدي جوالالعرب ؟

:) و الله مبسوط اني شفتك ... انا مسلم لو فاكرني بتاع السوني اريكسون :)

العربيات دى اكيد ركوبتها ممتعة بس للاسف مش فى مصر

المشاركة الأصلية كتبت بواسطة Kazzaz

سوال بره الموضوع حضرتك ابو حسني من منتدي جوالالعرب ؟

ياااااااااااااااااااه الدنيا ضيقة
طبعاً فاكر muslim-sol من غير ما أدور و ال w810 إلخ... إلخ....

و الله العظيم انا سعيد اني لقيتك هنا لا و كمان من موضوع عن عربيات بحبها جدا و هي الامريكاني .. الطيور علي اشكالها هههههه