السلام عليكم يا حبايبي الجينتاويين والبروتوناويين.... :8_8_13:
أنا "محمد مختار" .. بروتوناوي و جينتاوي من زمااااان ... بس من بعيد لبعيد.. :ma:
لأني مكانش معايا تمن العربية بس والله بعشق الـ Gen2 من أول نظرة.. ولما باشوفها في الشارع قلبي بيتخطف ...:B4_007::B4_007::B4_007:
وأنا دخلت المنتدى ده علشان هو فيه مجموعة كبيرة من عشاق الـGen2 و البروتون مثلي... يعني حسيت إني في بيتي ووسط أهلي و اخواني... :120105~352:
المهم... مش حاطول عليكم... أنا محتاج أجيب عربية محترمة .. وبقالي كتير بدور ومحتار و حلم حياتي كان الـ Gen2 الجمييييلة بس مكانش معايا فلوسها...
وخلاص كنت حاسترخص وأشتري (لانوس) :shyy: لأني قلت طالما مش حاقدر أركب عربية باحبها يبقى أركب أرخص و أوفر حاجة وأوفر...
لغاية ما بالصدفة أكتشفت إن المستعمل في الـGen2 ممكن يكون في أول الستينات كدة..
:hlopaet_prv: :hlopaet_prv: :hlopaet_prv:
وأنا معايا 50 وممكن أتصرف في الباقي إن شاء الله...
بسسسسس..........
أنا واقع في عرضكم تساعدوا أخوكم علشان دي تحويشة العمر يعني مش هزار..:shyy:
1- أولاً إزاي أعرف مواصفات العربية؟؟ يعني مثلاً في قدامي واحدة 2007 وواحدة 2008 ولسة ماشفتهمش لكن الراجل قاللي في التليفون إنها مانيوال و لما سألته هي فيها ABS قاللي آه مع إني كنت متصور إن الABS بينزل في أعلى فئة فقط ودي أوتوماتيك....
يعني ... حاجات زي دي .... خايف ينضحك عليا...:khd:
2- برضه لأن الـGen2 عربية رياضية وشبابية ممكن تكون -لا مؤاخذة- مفحوته.. وبعد ما أشتريها أتدبس في تصليحات و تغيير عفشة و خلافه و أنا مش حمل ده خالص (خاصة مع أسعار قطع الغيار المولعة :I_angr1[1]: )
3- برضه -معلش استحملوني أنا أخوكم- عاوز أعرف الفرق باختصار بين موديلات الـ Gen2...:11:
يعني أركز في موديل معين أو أبعد عن موديل معين... :11: أنا اللي أعرفه إن 2006 كان فيه مشاكل لأنه أول موديل نزل... الكلام ده مظبوط ولا إيه؟؟
ربنا يبارك لكم ... وادعولي أتوفق في Gen2 كويسة مافيهاش مشاكل وصاحبها بيتخلص منها.. وإن شاء الله حتلاقوني ناطط لكم في أي تجمع جينات... :E_braces[1]:
نسيت أضيف: :majd(4):
4- لأهل الخبرة : لو اشتريت 2007 Gen2 مثلاً..
بالخبرة كدة إيه المصاريف اللي ممكن أتوقعها؟؟؟
يعني إيه اللي ممكن يكون استهلك فيها و أجد نفسي مضطر أغيره؟؟ مثلاً الكاوتش متوقع بس حاجات تانية زي التيل مثلاً أو حاجات في العفشة ممكن تكون استهلكت في الفترة دي؟؟؟ لأني لآزم اعمل حسابي في الفلوس برضه...
:satelite:
وشكراً مقدماً...
ملاحظة: أنا مش عارف ليه معرفتش أعدل في الموضوع... فلو أحد المشرفين يقدر يضيف النقطة دي للموضوع بيقى جزاه الله خير..
تم الدمج
مشرف القسم
