تغيير الطنابير طبيعي ؟

**عبد الرحمن اسامه** · 26-10-2009 01:12 PM

سلامو عليكو،
انا ظهرتلي علامة المفك في الليون ٢٠٠٩ بتاعتي روحت هنا في الرياض للصياني قالي لسه الزيت فاضله ٢٠٠٠ كيلو، بس الفرامل عايزه تتغيير التيل كله و الطنابير امامي، انا بصراحة عمر ما سمعت عن تغيير الطنابير، قلتله ده طبيعي قالي ايوه دي بتتغير دوريا عادي و الورا بتتغير كل ما القدام بتتغيير مرتين الورا مره.
قالي تستحمل معاك كمان ١٠٠٠ كيلو. ايه رأيكو يا جماعة ده طبيعي ولا ايه ؟

و الحاجة التانية سألته يها فيها ESP قالي اه طبعا فيها، مع إنها مفيهاش زرار ESP off و مع اني شفتها علي النت فيها الزرار ده الفئات الفيها ESP زي الكانت في توب جير و داس علي الزرار و جرب، قالي لا ما هي و الTCS مع بعض في زرار واحد.

مش عارف مش مصدقه اوي برده انت رأيكو ايه ؟

**NaderNabil** · 26-10-2009 02:02 PM

المشاركة الأصلية كتبت بواسطة عبد الرحمن اسامه

سلامو عليكو،
انا ظهرتلي علامة المفك في الليون ٢٠٠٩ بتاعتي روحت هنا في الرياض للصياني قالي لسه الزيت فاضله ٢٠٠٠ كيلو، بس الفرامل عايزه تتغيير التيل كله و الطنابير امامي، انا بصراحة عمر ما سمعت عن تغيير الطنابير، قلتله ده طبيعي قالي ايوه دي بتتغير دوريا عادي و الورا بتتغير كل ما القدام بتتغيير مرتين الورا مره.
قالي تستحمل معاك كمان ١٠٠٠ كيلو. ايه رأيكو يا جماعة ده طبيعي ولا ايه ؟

و الحاجة التانية سألته يها فيها esp قالي اه طبعا فيها، مع إنها مفيهاش زرار esp off و مع اني شفتها علي النت فيها الزرار ده الفئات الفيها esp زي الكانت في توب جير و داس علي الزرار و جرب، قالي لا ما هي و الtcs مع بعض في زرار واحد.

مش عارف مش مصدقه اوي برده انت رأيكو ايه ؟

العربية عاملة كام كيلو؟

هل بتشعر برجرجة و رعشة في الدواسة أثناء دوسة الفرامل؟

بالنسبة للesp...للأسف الراجل ده مش فاهم في البطيخ...
لو زرار الtcs هو اللي موجود...يبقى مافيش esp...لكن لو زرار الesp هو اللي موجود يبقى ده متضمن الtcs معاه

يعني كده معناه ان العربية مافهاش esp

**عبد الرحمن اسامه** · 27-10-2009 02:06 AM

المشاركة الأصلية كتبت بواسطة NaderNabil

العربية عاملة كام كيلو؟

هل بتشعر برجرجة و رعشة في الدواسة أثناء دوسة الفرامل؟

بالنسبة للesp...للأسف الراجل ده مش فاهم في البطيخ...
لو زرار الtcs هو اللي موجود...يبقى مافيش esp...لكن لو زرار الesp هو اللي موجود يبقى ده متضمن الtcs معاه

يعني كده معناه ان العربية مافهاش esp

لا مفيش رعشة ولا حاجة بس قلتله طب لو غيرت التيل من غير طنابير بس.
قال هتحس برعشة لو فرملت علي سرعات عالية، و قال ممكن متغيرش الطنابير بس هنطر نحطها علي المخرطة ناخد منها طبقة او نحطلها طبقه مفهمتش منه.

بالنسبة للesp اعتقد كلامك صح، السيارة مفيهاش، بس اعتقد انه فاهم كويس بس معتمد علي ان انا مش فاهم.

شكرا علي الرد.

**mr_shims_49** · 27-10-2009 10:40 AM

حلوة فاهم كويس و معتمد علي ان انا مش فاهم دي
انا ماعتقدش الطنابير بعد 20 الف كيلو تتغير كده بدري اوي
مش انت كده دي صيانة ال 20000 الجايه ان شاء الله يا عبد الرحمن ولا ايه

**عبد الرحمن اسامه** · 28-10-2009 09:10 AM

المشاركة الأصلية كتبت بواسطة mr_shims_49

حلوة فاهم كويس و معتمد علي ان انا مش فاهم دي
انا ماعتقدش الطنابير بعد 20 الف كيلو تتغير كده بدري اوي
مش انت كده دي صيانة ال 20000 الجايه ان شاء الله يا عبد الرحمن ولا ايه

لا انا واخدها كسر زيرو، ماشية ٣٠،٠٠٠ يعني كده ٥٠،٠٠٠

يعني واضح من كلامكة إن ده امر عادي تغيير الطنابير بعد فترة.

**NaderNabil** · 28-10-2009 09:13 AM

المشاركة الأصلية كتبت بواسطة عبد الرحمن اسامه

لا انا واخدها كسر زيرو، ماشية ٣٠،٠٠٠ يعني كده ٥٠،٠٠٠

يعني واضح من كلامكة إن ده امر عادي تغيير الطنابير بعد فترة.

انا رأيي طالما هي مش بترجرج معاك يبقى غير التيل بس...
و كمل بيهم براحتك

**mr_shims_49** · 29-10-2009 01:01 PM

فعلا شوف لو مفيش رجرجة يبقي خليها شوية
انا هاقولك هو ليه عايزك تغيرهم او تخرطهم يمكن هو شايف ان الطنابير مثلا التيل القديم انت مشيت عليه شوية زيادة فا بيعمل خطوط كده في الطنابير ممكن تكون حاجة بسيطة عشان كده مفيش رجرجة دلوقت فاهو ممكن يكون خايف يركب تيل جديد الطنابير كده هاتطبع عليه و هايبقي في رجرجة فانا رايي خليه يخرطهملك بس عشان مايضحكش عليك مافيش حاجة اسمها نزودلها طبقة علي حد معلوماتي ان الخرط هو ان بيشيل طبقة صغيرة جدا بحيث انه يخلي سطح الطنبورة كله مستوي واحد لمنع الرجرجة و لو حد عنده معلومات اكتر هايفيدك اكتر مني ان شاء الله

**Tayer** · 31-10-2009 03:39 PM

المشاركة الأصلية كتبت بواسطة nadernabil

انا رأيي طالما هي مش بترجرج معاك يبقى غير التيل بس...
و كمل بيهم براحتك

و انا مع هذا الرأى

**Abdo_Eldesokey** · 31-10-2009 03:51 PM

غير التيل واخرط الطنابير

**عبد الرحمن اسامه** · 31-10-2009 09:04 PM

شكرا يا جماعة، لسه محتار بصراحة، اصل انت عارفين انا محسوك شوية و بحب امشي بالعربية و هي ميه ميه، و هو قالي كمان ان الطنابير رفيعة شوية، يعني التيل اكل منها طبقات كتير، مش عارف هعمل ايه هو قالي اجي بعد ١٠٠٠ كيلو، فات منهم حوالي ٥٠٠ كيلو.

هبقي اسألو تاني كده ساعتها، هو علي العموم قالي ممكن كده او كده عادي يعني.

هل عدم تغيير الطنابير ده ممكن يأثر علي اي من الانظمة مثل ABS or TCS ?

الموضوع: تغيير الطنابير طبيعي ؟

LinkBack

أدوات الموضوع

عرض

-

-

-

-

-

المواضيع المتشابهه

تغيير الطنابير

هل تغيير الطنابير ضمن ضمان السيارة ؟

تغيير الطنابير الخلفية الى ديسكات

تغيير الطنابير الخلفية الى ديسكات

طريقة تغيير الطنابير (فيديو)

الكلمات الدلالية لهذا الموضوع

المفضلات

المفضلات

ضوابط المشاركة