هو انا كل مااخش موضوع الاقى اتنين بيتخانقوا على عربيه وده يقول لده ياعم ماتشتمش عربيتى وماتجيبش سيرتها على لسانك
وماتقولش عليها وحشه انا عربيتى جميله !!!!!!!!!!!!!!
ايه ياجدعان معلش سورى يعنى دى قله قيمه ان الواحد يمسك فى خناق غيره عشان عربيه
عرض للطباعة
هو انا كل مااخش موضوع الاقى اتنين بيتخانقوا على عربيه وده يقول لده ياعم ماتشتمش عربيتى وماتجيبش سيرتها على لسانك
وماتقولش عليها وحشه انا عربيتى جميله !!!!!!!!!!!!!!
ايه ياجدعان معلش سورى يعنى دى قله قيمه ان الواحد يمسك فى خناق غيره عشان عربيه
والله يا أيفو كلامك صح أنا أصلا كلامى الأول كان موجة لصاحب الموضوع فا الأستاذ رد علية بطريقة مش كويسة بس أنا مردتش بنفس أسلوبة لأ كل واحد حر فى أسلوبة وأنا بتعامل مع أى حد بأحترام الحمد لله حتى لو هو أسلوبة مش كويس فى الحوار وأن شاء الله مفيش خناق ولا حاجة كل واحد حر فى رأية عن العربية ألى تعجبة بس بلاش هجوم أو التوضيح بطريقة أفضل من كدة
(لا ألة ألا أنت سبحانك أنى كنت من الظالمين)
جين2 الجميله صفقه رابحه بكل المقايس عن الفيات حاليا فى مصر الحبيبه ... :colsmil: ويوفق الماليزين دائما ويكرمهم لانهم مجتهدين جدااا :ask:
ربنا يوفق
هو ليه هنا كل واحد معاه عربية معينه او بيحب عربيه معينه ومقتنع بيها .. بيكون متعصب ويظهر كرهه لباقي الانواع . على كده بقه هنلاقي الناس بكره كلها راكبه شاهين مثلا ولا المفروض فيرنا ولا حتى مرسيدس .. اللي بيسأل بيطلب معلومات .. وبعدها هو يفاضل .. ولو طلب رأي حد .. يقول لكن المواضع متكونش للنقاش بين الاعضاء من اجل التعصب لسيارة معينه .. انت خليتو صاحب الموضوع اساسا صرف نظر عن العربيتين .. اهدوا شوية يا شباب احنا كبار برده مش كده .. وتقبلو تحياتي
يا جماعه انا يمكن مش حضيف كتير عن كلام الناس الخبراء اللي هنا بس انا اتفق مع الاستاذ توت في ان اللينيا تكسب بس في الفئه اللي فيها تربو عشان ده كلام منطقي جداً بس احب اضيف اني كان معايا جين ٢ ٢٠٠٨ و عايز اقولكوا انها عربيه جميله جداً سحبها حلو و الثبات بتاعها جميل جداً بس تقفيلها وحش فعلاً و الخامات ضعيفه جداً و في فعلاً عيوب تقفيل ظهرت معايا و ظهرت مع معظم الناس زي السنتر اللي بيعلق و زراير المالتي ففنكشن برضوا بتعلق وحاجات تانيه بسيطه لكن هيا عربيه لا غبار عليها للي مش حايضايقوا الحاجات دي و يتأقلم عليها عشان كده يا ريت بلاش حد فعلاً يتعصب لعربيه عشان هيا بس معاه لازم يكون كلامه موضوعي و يقول العيوب قبل المميزات طبعاً يا جماعه انا رأيي الفيات لينيا تربو تكسب بالقاضيه و من اول جوله...
في نقطه تانيه انا عن تجربه بالنسبه للتوكيلين انا ارتحت اكتر في توكيل فيات والله و هما فعلاً محترمين بتوع فيات و مفيش مشاكل في زي الناس ما بتقول فا يمكن لو كان في حد مضايق منوا يكونوا هما غيروا سياسة الأداره عشان يتلافوا نقطة الضعف دي في سبيل انتشار العربيه لكن توكيل عز ده بصراحه مقرف و تقعد طول اليوم هناك عشان تعمل صيانة ال ١٠٠٠ ك بس و كمان الصيانه هناك غاليه فعلاً مين قال انها ارخص من فيات لأ فيات ارخص و كمان الصيانات اقل يعني مفيش صيانه عند ال ١٠٠٠ زي الجين٢ اول صيانه ٥٠٠٠ و كمان مفيش تغيير زيت ولا حاجه دا كل ١٠٠٠٠ اللي عايز الناس تعرفوا انهم في صيانة ال ٥٠٠٠ توكيل فيات عملولي مراجعه كامله للعربيه و فحص شامل و كمان ما اخدوش مني ولا مليم و دي طبعاً حاجه لا يمكن تحصل مع عز باشا...
والله 100 100 يا أستاذ ياسر
طب يا جماعة احنا دلوائتى بنتكلم على انهى لينيا فيهم؟؟؟؟
عشان لو الكلام ده على اللينيا ال 77 حصان يبئى كل الكلام ده هبل بجد (سورى)
لكن لو ال 120 ااه ممكن تبئا احسن من الجين 2 بس سعر الجين 2 احسن بكتيييير يعنى اشترى الجين وعربية تانية مستعملة بتمن اللينيا التربو