الموضوع: إلى ملاك اللوجان...ما رأيكم فيها حتى الأن!

متابع

المشاركة الأصلية كتبت بواسطة NaderNabil

الموضوع ده موجه لملاك الرينو لوجان الحالين فقط

1-ما هو تقييمك للسيارة بعد إستخدامها و السير بها؟
2-هل صحت توقعاتك؟
3-هل ما سمعته و قرأته عنها صحيح أم هناك إختلاف؟
4-و إن كان هناك إختلاف...فهل هو للأفضل أم للأسوأ؟
5-ماذا كنت تتوقع ان تجده أو تشعر به و لم تناله في هذه السيارة؟
6-ما هو أسوأ شئ بها...و هل تستطيع التعامل معه أم لا؟
7-لو عاد بك الزمن...هل ستشتري اللوجان مرة أخرى؟
8-هل سوف تنصح بها من يبحث عن سيارة في هذه الفئة؟

برجاء من أصحاب السيارة فقط ممن إستلموها بالفعل الإجابة على هذا الإستطلاع..
برجاء إلتزام الحيادية التامة في التقييم و سرد العيوب و التفاصيل الصغيرة

شاكرين حسن تعاونكم

1- انا لسة عامل امبارح أول 100 كم لي... مش 1000 لأ 100 !!! أصلي لسة مرخص امبارح...
خلفيتي: ( بسوق من 10 سنين: سوزوكي سويفت 1994 1300 cc و 127 1985 950 cc) أول مرة أسوق سيارة بها أي من التالي: باور\إنجكشن\1600\سنتر\زجاج كهربا\تانك يمييييييننننن !!!!

كنت مستغرب القعدة واماكن الحاجات وانا بطبعي صعب اتعود على حاجة جديدة لكن على بالليل كنت أكنها معايا بقالها سنة

ملاحظاتي:

الغيارات عمرها قصير !!! يعني في السويفت ال 1300 كنت بجيب التاني 20-40 والتالت 40-60 والرابع 60-85 والخامس 85-110 وكل المشاوير دي على rpm يبدأ من 1.5 حتى 3.0

في اللوجان ال 1600 وجدت شيئ غريب:
التاني من 20- 35 والتالت من 35-50 والرابع من 50-70 والخامس يبدأمن 70 وماكملتش عشان ماقرصش عليها!!!! ده طبيعي في اللوجان ولا في ال 1600 ؟؟؟
علما بأن كل ده على RPM من 1.8 - 3.0 !!!

وعلى فكرة الmanual بيقول عن التليين:
RPM from 3.0-3.5 + top speed 130 Km/H for Petrol Engine
على غير ما الناس بتقول rpm 2.5 + top speed 90

ال manual فيه شوية حاجات كدة "للمصريين فقط مع التحية"

زي مثلا: لما تدور ماتدوسش سنة بنزين "يا مصري"
لما تدور في البرد إطلع على طول وخليك واحدة واحدة بدل ماتقعد تسخن عالواقف "يا مصري"

...
العضة اتحلت والحمدلله من الأخ عماد من ال فيسبوك
تجيب سنة ناحية الخامس وترجع عالمارشيدير عادي !!!

الرعشة دي بالنسبة لي عادية زي اللي في السوزوكي بالضبط !!!





2- توقعاتي ؟؟؟ ماكنتش متوقع حاجة بس بصراحة هي كل شوية بتعلى في نظري أكتر...

3- صحيح كل الصحة... موفرة ، اقتصادية، كبيرة، عائلية، عااااااااالية، واسعة، مابتقولش لأ !

4- للأفضل

5- عزم قوي... هو موجود لكن حاسس انه ناعم ومش بيسعفني لو عايز اطلع بسرعة من حته زنقة !!!

6- الزجاج الكهربائي... مش متعود عليه وكل اما أشيل المفتاح واجي أنزل، احطه تاني علشان أقفل الزجاج !!! بس هاتعود كمان شوية

7- أكيد !!! 1000000 مرة !

8- فعلا مافيش غيرها في الفئة دي بالامكانيات دي والسعر دة وكمان الإسم ده !!! رينوووووووووووووووو



وحاجة كده عالماشي!!!! اللي بيخاف من الحسد مايجيبهاش !!!
علشان بجد من علوها الناس بتبصلها جامد !!!
هنا في السويس الناس ماتعرفش غير الهيونداي واللانسر" مش الميتسوبيشي.... اللانسررررررر"... ومن قريب السيراتو !!!
لكن دي بالنسبالهم جديدة ومثيرة فضولهم !!!

المشاركة الأصلية كتبت بواسطة ahfares

كله تمام عربيه تستاهل اللى ادفع فيها
د حماده قال كل حاجه مسبليش غير حاجه واحده
لما بتجيب الدركسيون على الاخر بيحصل هزه بس حلها بسيط متجبش الدركسيون على الاخر

حد قاللي مش صح في الباور تجيب الدركسيون على أخره ... حد يصححلي !!!

المشاركة الأصلية كتبت بواسطة josephedward

حد قاللي مش صح في الباور تجيب الدركسيون على أخره ... حد يصححلي !!!

و أنا كمان يا جماعة كنت قريت حاجة زي كده بس مش فاهمها كانت الجملة بتقول تقريبا ...
For power steering cars don't leave the the tiers in full lock
بس مش فاهم يعني إيه ؟