اعمل صيانة فين؟؟؟

**mantoros** · 26-10-2009 04:42 PM

انا قدامي 316 موديل 1997 ما شاء الله تحفة بس غالية اوي بس تستاهل ما شاء الله
المهم انا ناوي ان شاء الله بس لما اجيبها بأذن الله عاوز ابتدي صفحة جديدة و اغير:
فلاتر
زيوت
بوجيهات
و اي سرفيس كامل اخر

اعمل ده فين و بكام؟ بس حد شاطر و يعرف ربنا و يا ريت لو في الهرم او الدقي او كده عشان معنديش وقت اروح الحرفيين او مصر الجديدة

انا بصراحة نفسي اروح التوكيل بس خايف منه!!! يا تري سرفيس كامل للعربية يكلفني كام جوة التوكيل و كام برة التوكيل؟!!
و تفرق في ايه ؟

يا ريت سرعة الرد ارجوكم

و كمان محدش يعرف اجيب منين جنط عادي بفردة كاوتش متوسطة الحالة عشان اعملهم استبن؟؟!! و يكلفوني كام ؟!!

اه معلش نسيت............اعمل نسخة من المفتاح فين (عشان حكاية الشفرة)

الصيانة(توكيل ولا برة و ايه الفرق و بكام هنا او هناك ؟ )
المفتاح
الاستبن

ارجو مساعدتي العاجلة في استفساراتي

شكراااا:10D5C8~1107:

و ادعولي

**ghabbour** · 26-10-2009 05:48 PM

لا مش مستهلا توكيل خليك براا احسن و سيب التوكيل فى المستعصيات فقط
علشان اسعارهم جميلة و كلنا عارفين
و مبروك و ربنا يكفيك شرها
معلش باا حد من الاعضاء يفيدك فى موضوع ميكانيكى فى الهرم او الدقى و المفتاح المشفر
انا الى اعرفة ميكانيكى واحد فى جسر السويس اسمة منصور
وواحد فى شارع بورسعيد غمرة خلف التوحيد و النور و مش فاكر اسمة

**mantoros** · 26-10-2009 05:53 PM

اشكرك علي الرد

يا ريت حدرد علي استفياراتي بالتفصيل ارجوكم

شكرا

**mantoros** · 28-10-2009 03:14 AM

ايه يا جدعان....................اكتر من يومين محدش معبرني ؟!!!!

مكنش العشم !!!!!!!!!!!

شكرا

**mantoros** · 29-10-2009 12:47 PM

فلاتر
زيوت
بوجيهات
و اي سرفيس كامل اخر

اعمل ده فين و بكام؟ بس حد شاطر و يعرف ربنا و يا ريت لو في الهرم او الدقي او كده عشان معنديش وقت اروح الحرفيين او مصر الجديدة

انا بصراحة نفسي اروح التوكيل بس خايف منه!!! يا تري سرفيس كامل للعربية يكلفني كام جوة التوكيل و كام برة التوكيل؟!!
و تفرق في ايه ؟

يا ريت سرعة الرد ارجوكم

و كمان محدش يعرف اجيب منين جنط عادي بفردة كاوتش متوسطة الحالة عشان اعملهم استبن؟؟!! و يكلفوني كام ؟!!

اه معلش نسيت............اعمل نسخة من المفتاح فين (عشان حكاية الشفرة)

الصيانة(توكيل ولا برة و ايه الفرق و بكام هنا او هناك ؟ )
المفتاح
الاستبن

ارجو مساعدتي العاجلة في استفساراتي

شكراااا:10D5C8~1107:

و ادعولي

**mantoros** · 29-10-2009 05:35 PM

يا جماعة هو انتم مطنشيني ليه !!!!!!!!!!
حد ابن حلال يفيدني باي حاجة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!

**demos70** · 29-10-2009 11:23 PM

هدي أعصابك يا دكتور. المشكله انك لغيت مصر الجديده و الحرفيين و المنطقتين معقل صيانة البي إم فسؤالك بقى صعب. عن نفسي معرفش أي حاجه في الهرم أو الدقي.
بالنسبه لصيانة التوكيل زي ما قالوا هتكون غاليه و انا دخلت ورشه بافاريا كتير جدا لم أرى فيها إي36 أقل موديل كان إي46. أعتقد السبب راجع لقلة تعقيدات هذا الموديل و قلة الالكترونيات فيه و تشابكها مع الميكانيكيات و الموديل قديم شويه فكثير من الميكانيكيه فاهمينه و بيتعاملوا معاه جيدا دون الحاجه لأجهزه متخصصه و برامج يصعب الوصول لها مثل ال sss أو ال dis . فرق السعر بين التوكيل و بره ممكن تعرفه بأن تسأل التوكيل و تسأل بره. بالنسبه للمفتاح بردو هيكون في الحرفيين معرفش حد في الهرم أو الدقي و لو دورت في المنتدى هتلاقي بتوع مفاتيح و بيعملوا عرض خاص لأعضاء نايل موتورز لكن مش في الهرم أو الدقي. زي مانت شايف ردي غير مفيد إطلاقا عشان كده فضلت السكوت. محدش مطنشك ولا حاجه أعتقد لو حد عنده رد مفيد كان جاوبك لأن كلنا بنحبك يا دكتور.

**mantoros** · 31-10-2009 02:21 AM

يا فندم ربنا يكرمك و كفاية ذوقك
اصلي مش فاضي اليومين دول ابعد اوي
طيب لما افضي اخر نوفمبر هروح مصر الجديدة بس اروح لمين عشان:
المفتاح
سرفيس كامل للسيارة

انا سألت محمود طه بتاع المفاتيح اللي في شارع القصر العيني بس بصراحة حرااااااق اوي........عاوز 500 جنيه عشان يعملي ممفتاح بشفرة ؟!!! انا اللي اعرفه انه كبيره 300 جنيه بس هو طماع و انا عرفه من قبل كدة...يدوب يشوف بي ام او مرسيدس يضرب سعر خرافي

و يا ريت مركز صيانة او ورشة عشان السرفيس للعربية بس يكونوا شاطرين و يعرفوا ربنا و ميعملووش علية شغل

و ربنا يكرمكم جميعا
و الله الموفق
و شكرا جزيلا

**demos70** · 31-10-2009 11:30 AM

ابالنسبه للمفتاح ده عرض المنتدى اللي قرأته:
http://www.nilemotors.net/Nile/24919-a.html

و بالنسبه للصيانه زي ما قالك الأخ أحمد مقصود هنا:
http://www.nilemotors.net/Nile/95974...-1992-a-2.html

و الاثتنين شاطرين أما عن درجة علمهم بربنا فلا أعلمها. لازم يتعمل عليك شغل دانتا راكب بي إم يا بيـــــــه. حاول أن تقرأ عن موتور عربيتك و تتصاحب عل ميكانيكيه و تدردش معاه لكن في نفس الوقت عينك على اللي بيعمله بحيث يبقى عندك خلفيه تكنيكيه و في نفس الوقت تكون ظريف و متواضع (تناوله عده أو تعزم بسيجاره) لتلافي الإصطدام بعقد النقص لأنه أولا و أخيرا هو اللي ماسك العده و نايم تحت عربيتك و عمال ينخور فلو كرهك أو حس أنك مخضوض و قلقان ليسرقك أو يبوظ حاجه هتكون العواقب وخيمه. لو الميكانيكي حبك هترتاح...ممكن لو سعادتك دكتور أطفال مثلا و سمعت لشكوى منه (هما بيرغوا كتير و عليك بالتظاهر دائما أنك مهتم بما يقول أكثر من إهتمامك بالنخوره اللي بتحصل في عربيتك) تعرض عليه إنك تكشف على إبنه أو تديله كرت العياده....يعني أرجو أن تكون الفكره وصلت.

أما لو بتحب عربيتك أوي أوي زيي يبقى إقرأ و هات عده و إعملها بنفسك. الكتاب ده مع الخبره العمليه هتبقى خبير و هيبقى عندك ثقه أكثر في عربيتك لو جريت على 200 مش هتبقى خايف ليكون بليه نسى يربط العفشه.

RapidShare: 1-CLICK ... hosting - Easy Filehosting

حظ موفق.