تجليد السيارات

**gomangy** · 27-10-2009 11:30 AM

بجد جميله جدا وبالزات عندنا لان بصراحه في ناس كتير اغبيه في موضوع التزنيق ده وبالذات في زحمه زي اللي عندنا وفي وسط سواقين ميكروباص واتوبيس نقل عام

**yousef1978** · 27-10-2009 12:10 PM

هو في الإمارات هنا بيلزقوا بلون العربية لكن مطفي وممكن يضيفوا لون تاني لعمل نوع من اللوحة الجميلة

أنا أقصد لوحة عادية يعني سيارة ألوانها حلوة مش لوحة مرسوم عليها أشكال وكده

وهي بتخلي لون العربية مطفي وجميل جدا
وكمان بتحمي دهان العربية الأصلي من أي خدش

أما بالنسبة لأنك هتغير الاستيكر لو العربية اتحكت من أي عربية تانية أو واحد بن حلال خربشلك عليها
فده بالعكس
لآنك بدل ما تصلح الدهان بالكامل كل اللى تعمله إنك تشيل الجزء اللى تعب من الفينيل أو الاستيكر وتركب واحد تاني مكانه

وبالنسبة لموضوع المرور فانا ما أعرفش في مصر العظيمة هيوافقوا ولا لأ

لكن هو مش ملحوظ إنه دهان او استيكر وكمان ده بيكون بنفس لون العربية المثبت في الرخصة

وانا شفت الفيديو الجميل اللى أخونا أضافه ولقيت فكرة لزق استيكر شفاف للحماية فكره جميلة

بس المهم فيه حد يعرف يلزقه بالدقة دي

ممكن مع الانتشار يبقى رخيص وعملي وجميل

وعلى ىفكره هو الشفاف هيتلزق بنفس طريقة لزق المخفي او الفاميه

**kh_talaat** · 27-10-2009 01:38 PM

فكرة حلوة جدا ..... بس مين في مصر بيعملها

**yousef1978** · 01-12-2009 06:33 PM

[OVERLINE]
السلام عليكم

عيد أضحى سعيد على الجميع وربنا يعيده علينا بالخير واليمن والبركات

أنا صورتلكم عربية متجلدة ويا رب تعجبكم الصور

هي طبعا فيه عربيات بيتعمل فيه شغل أكتر من كده بكتير بس لو نزلت أبو ظبي ولا العين قريب هأحاول بأمر الله أصورلكم الناس وهي بتشتغل

على العموم هي السيارة دي معمول فيها الشغل من أكتر من سنة ويمكن متربة شوية لانها في منطقة نائية وصاحبها مقاول فمش مهتم بنضافتها

لكن الصور هتوضح الزوايا بتاعة التركيب والفواصل وفيه بعض الخدوش حاصلة في الإكصدام الأمامي وكمان في مراية السيارة وهنشوف إزاي الجلاد فقط أو الفينيل هو اللى إتأثر

[/OVERLINE][OVERLINE][/OVERLINE]

**kangaro** · 01-12-2009 07:34 PM

ممكن تشوف موضوع بعنوان تغليف اللوجان تحت منتدى رينو...
ودي مشاركة منه ..

المشاركة الأصلية كتبت بواسطة elnopy

دى روابط بعض الصور وسورى الشغل كان باليلimageshack - image091v
imageshack - image090
http://img515.imageshack.us/i/image088f.jpg/http://img515.imageshack.us/i/image088f.jpg/
imageshack - image087y
http://img69.imageshack.us/img69/8959/image063e.jpg

**ابو حسين** · 01-12-2009 07:50 PM

فكرة حلوة جدا

**yousef1978** · 02-12-2009 11:05 PM

عايز أرفعلكم الصور لكن مش عارف

حاولت أكثر من مرة

لو حد عارف الطريقة يدلني وله الأجر والثواب من الله

**egytamer** · 02-12-2009 11:38 PM

فكرا حلوة جدا انا شفتها امتر من مرة بس المهم الاسعار تكون رخيصة ويكون بيستحمل الشمس وميقشرش او يشقق بسرعة

**Eng.Geo** · 03-12-2009 10:13 AM

المشاركة الأصلية كتبت بواسطة yousef1978

عايز أرفعلكم الصور لكن مش عارف

حاولت أكثر من مرة

لو حد عارف الطريقة يدلني وله الأجر والثواب من الله

هترفع الصورة علي اي موقع فيه up load وبعد ماترفع الصورة تاخد الرابط بتاعها ممكن يكون مكتوب جنبها او تقوم دايس right click علي الصورة تجيب proberties ومنها هتلاقي صفحة مكتوب فيها (address (url وجنبها لينك اعمل copy لللينك وبعدين ارجع لنايل موتورز هتلاقي فوق مكان الكتابة الشكل ده

اضغظ عليها وهتلاقي مكا فاضي تكتب فيه اللينك اللي انت عاملهcopy وبعد كدة دوس ok هتلاقيها ظهرت