تجليد السيارات

**foxtronics** · 16-10-2011 09:25 AM

انتشر مؤخرا تجليد السيارات . وفكرت انى اعمله عشان احمى لون العربيه خصوصا ان العربيه لسه مكملتش سنه وبدأ يظهر عليها عوامل التعريه الخاصه بمصر المحروسه لوحدها دون العالم
وانتم عارفين طبعا ولد صغير يضرب العربيه بطوبه ولا واحد كان نفسه يسرق العلامات يقوم يخربش العربيه بالمره وكمان واحد معدى بعربيه خشب يقوم يحك عربيته فى العربيه الغلابانه اللى واقفه اكنه يعنى مش عارف ان المساحه متكفيهوش يعدى!!!
ايه رأيكم يا جماعه ؟ وياترى فيه الوان من التجليد دا ؟ ولو فيه حد عمله فى الاسكندريه ياريت يقولى فين واتكلف كام بالتقريب كدا واكون شاكر جدا ليكم

**sheko_2000eg** · 17-10-2011 01:34 AM

بص هو موضوع جامد جدا لكن غالي جداً
ابراهيم اللي في شارع دمشق بيعمل العربية السيدان بـ 2000 جنيه متخيل !!!
و عاندو كل الالوان اللي تحلم بيها و شغله نضيف و حتي اللون الشفاف موجود عاندو.

دا اللي اعرفو يا ريت اللي يعرف حد ارخص من كده يقولنا .

**TMenshawy** · 08-12-2011 10:47 PM

السلام عليكم ,
ممكن حضرتك تقولي فين إبراهيم ده في شارع دمشق وهل عندك تليفون ليه؟
كمان هل عندك فكرة إذا كان ممكن اجلد الاكصادمين بس وبكام؟

شكرا

**zonfuly** · 09-12-2011 01:39 AM

انا سمعت من المنتدي ان في ناس بتعمله ب 700 جنيه ل 900 جنيه حسب حجم العربيه

**eldell** · 09-12-2011 06:57 PM

انا كنت سالت عليه فى الهرم فى محل فى شارع المطبعه قالى 900 جنيه العربيه كلها بس المشكله انى مش لقيت كحلى وسعات بيبقى اغلى من كده بيفرق من الورق الى مستخدم فى ورق بيبقى عامل زى الجلد وده انضف حاجه ممكن يدخل فى 2000 جنيه فعلا العربيه كلها وفى الخفيف ده هو ده الى رخيص

**aboharb** · 11-12-2011 12:38 PM

خلى بالك حضرتك التفيم مخالف لقانون المرور لو وقفت فى لجنه هيجبرك تشيله يا اما يسحب الرخص وتخش فحص جديد والحملات كبيره وبدات من امبارح شغال على الفاميه الكربون الزينون والسرينا والاستكرات الكبيره

**smsm_hamada** · 18-12-2011 05:42 PM

المشاركة الأصلية كتبت بواسطة aboharb

خلى بالك حضرتك التفيم مخالف لقانون المرور لو وقفت فى لجنه هيجبرك تشيله يا اما يسحب الرخص وتخش فحص جديد والحملات كبيره وبدات من امبارح شغال على الفاميه الكربون الزينون والسرينا والاستكرات الكبيره

على فكرة الكاربون دلوقتى فى اللجان مش بيعتبر فاميه
دى حدوته كبيرة اووى وبيعتبر ان العربيه لونين ودة طبعا مش مكتوب فى الرخصه يعنى كانك سايق عربيه مش بتاعتك او مسروقه وبيسحب العربيه ويحولك نيابه وفحص