فوجات لانسر بومه

**Ahmed Nouh** · 26-10-2009 10:02 PM

كنت عايز اسأل عن فوجات اللانسر

هل فى مشكله فى تركيبهم علما بان الكهربائى نضيف جدا , وعايز اعرف سعرها كام تقريبا

وكمان ايه اللى بيجى مع الفوجات يعنى مجرد الفوجات نفسها بس ولا فى توصيلات او فيش او حتى المفتاح بتاعهم

واخيرا طبعا لو منها نوع مضروب او مش كويس

**mada121977** · 27-10-2009 12:15 AM

بص يا احمد باشا انا الحمدلله مركب الفوجات من ساعه ماجبت العربيه وشغالين بفضل الله زى الفل .. كانوا ب 250 جنيه بالاسلاك بتاعتهم والمفتاح بتاعهم ولما الكهربائى هيشغلهم هتلاقى لمبه الفوجات اشتغلت عندك فى التابلوه وخليه يحطلك المفتاح جنب مفتاح شده اضاءه التابلوه اللى تحت الدريكسيون شمال

**Ahmed Nouh** · 27-10-2009 12:21 AM

المشاركة الأصلية كتبت بواسطة mada121977

بص يا احمد باشا انا الحمدلله مركب الفوجات من ساعه ماجبت العربيه وشغالين بفضل الله زى الفل .. كانوا ب 250 جنيه بالاسلاك بتاعتهم والمفتاح بتاعهم ولما الكهربائى هيشغلهم هتلاقى لمبه الفوجات اشتغلت عندك فى التابلوه وخليه يحطلك المفتاح جنب مفتاح شده اضاءه التابلوه اللى تحت الدريكسيون شمال

الله يكرمك يا ابو حميد على المساعده

كدا يبقى اعتقد العربيه اساسا مجهزه ليهم ومفيش مشاكل , ان شاء الله اركبهم اليومين دول لأن عندى غطاء فتحات الفوجات اتكسر والاكصدام بقا شكله وحش

**mada121977** · 27-10-2009 12:28 AM

المشاركة الأصلية كتبت بواسطة Ahmed0Nouh

الله يكرمك يا ابو حميد على المساعده

كدا يبقى اعتقد العربيه اساسا مجهزه ليهم ومفيش مشاكل , ان شاء الله اركبهم اليومين دول لأن عندى غطاء فتحات الفوجات اتكسر والاكصدام بقا شكله وحش

من المميزات الرائعه لليابانيين اللى صنعوا السياره اللانسر انهم عملوا كل توصيلات الكماليات فى موديل 1300 علشان مايتعبوش الصنايعيه اللى عندنا

هتلاقى كل التوصيلات جاهزه فى العربيه على التركيب ولما تركب الاسبويلر (اذا ماكنش عندك )هتلاقى برضه توصيلاته جاهزه وسلك اللمبه بتاعته موجود فى باب الشنطه

**eltorky** · 27-10-2009 11:11 AM

المشاركة الأصلية كتبت بواسطة ahmed0nouh

كنت عايز اسأل عن فوجات اللانسر

هل فى مشكله فى تركيبهم علما بان الكهربائى نضيف جدا , وعايز اعرف سعرها كام تقريبا

وكمان ايه اللى بيجى مع الفوجات يعنى مجرد الفوجات نفسها بس ولا فى توصيلات او فيش او حتى المفتاح بتاعهم

واخيرا طبعا لو منها نوع مضروب او مش كويس

ياريت ياباشا تدليني فين الكهربائى النضيف جدا داة يبقي جزاك الله خير

**Ahmed Nouh** · 27-10-2009 11:34 AM

المشاركة الأصلية كتبت بواسطة mada121977

من المميزات الرائعه لليابانيين اللى صنعوا السياره اللانسر انهم عملوا كل توصيلات الكماليات فى موديل 1300 علشان مايتعبوش الصنايعيه اللى عندنا

هتلاقى كل التوصيلات جاهزه فى العربيه على التركيب ولما تركب الاسبويلر (اذا ماكنش عندك )هتلاقى برضه توصيلاته جاهزه وسلك اللمبه بتاعته موجود فى باب الشنطه

تسلم يا استاذ احمد على الافاده

انا فعلا موضوع التوصيلات ده كان هيوقفنى لأنى مبحبش اخد وصلات والزق والكلام ده علشان بيعمل مشاكل بعد كدا واتقرصت منه فى عربيه سابقه , بس هو كفايه الفوجات وباركنج سنسور وكدا فل أوى :)

المشاركة الأصلية كتبت بواسطة eltorky

ياريت ياباشا تدليني فين الكهربائى النضيف جدا داة يبقي جزاك الله خير

الكهربائى فى شارع بورسعيد عند مستشفى اليوم الواحد - الزاويه الحمراء وبتعامل معاه من سنين وهى ورشه كبيره وكل الصنايعيه اللى فيها شاطرين , فى مره كان عندى ماس فى ضفيره عربيه برايد والراجل خلصلى الموضوع فى ساعتين وكان شغل رائع

لو حضرتك عايز تجربه فى مره ممكن اقولك هو فين بالظبط