-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
عرض للطباعة
-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
خشي على اللينك دا هتلاقي فيه كل الي انت عايزاه ان شاء الله
http://www.nilemotors.net/Nile/96474...sona-waja.html
أول حاجة على ما أعتقد مافيش أى فروق بين 2009 و 2010 فى أى موديل من التلاتة
1- الواجا كلاسيك شيب / أوسع صالون / أنظف خامات تقفيل / أغلى و أندر قطع غيار و ده لو بنتكلم خارج التوكيل.
ما أعرفش حاجة عن أسعارها بصراحة
2- البرسونا و الجين واحد تقريبا قطع الغيار الداخلية هى هى. التابلوه هو نفسه تقريبا الصالون واحد و لو إنه فى البرسونا أعلى فبيدى وسع أكبر و الكراسى فى الجين سبورت و فى البرسونا عادية و طبعا فرق الشنطة من ليفت باك لسيدان، وده فرق الشكل
نيجى للإمكانيات بنسبة كبيرة كماليات التلات عربيات زى بعض ماعدا إن البرسونا والواجا فيهم بيز لاين و هاى لاين أما الجين ففيها هاى لاين بس.
و لأنى مش هقدر أفتى فى الواجا فهتكلم عن البرسونا و الجين، بتختلف الجين عن البرسونا فى إنها فيها موتور بيحرك اللمبة الأمامية فوق و تحت و فوج خلفى.
أما البيز لاين فتنقص عن البرسونا الهاى لاين و الجين إن جنوطها مش سبورت و مافيهاش abs ولا epd و 2 زجاج كهربائى بدلا من أربعة. ومافيهاش مالتى فانكشن
و بالنسبة للأسعار 84900 للجين المانيوال و 89900 للجين الأوتو و 79900 البرسونا المانيوال البيز لاين و 85900 للمانيوال الهاى لاين و الأوتو البيز لاين و 90900 للأوتو الهاى لاين.
و برده للأسف مش هفى فى الواجا بس هى تقريبا أسعار قريبة أوى من نفس فئات البرسونا
-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
اولا اهلا بحضــرتك ومنــوره قســم بروتــون كلــهhttp://i122.photobucket.com/albums/o...owerysmile.gif
وبخصوص 2010 مافيش اى اختلاف عن 2009 .. الحاجه الوحيده اللى شوفتها اختلفت نوع الكاوتش
وبخصوص الـهاى والبيز لاين ... دا موجود فى البيرسونا والواجا بس
ودا توبيك مبين الفروق مابين الهاى والبيز لاين فى البيرسونا
هنـــــــا
- وزى مامحمد ماقالك بلاش فرانكو ... وممكن تكتبى انجليزى عادى -
واحنـــا تحت امرك فى اى استفســـــار
تحيــــــــــــاتــــىhttp://i122.photobucket.com/albums/o.../th_eclown.gif
نوع الكاوتش بأه ايه يااستاذ ايمن بعد اذنك
الاولاني كان سيلفر ستون
تحياتي ليك يااستاذ ايمن
هو ممكن اعرف انى احسن
Gen 2 or M11 Speranza
هي اه m11 دي شكلها عامل ازاي
الصور فى المرفقات
مع احترامى ل m11 عشان ناس كتير بردوا بتشكر فيها
بس مفيش مجال للمقارنة
جين 2 طبعا
انا شايف ان شكلها حلو بس مركبتهاش ولا سقتها قبل كدا بس الصيني عاما ثبات زبالة و خامات اي كلام
hmmmmmmmmm
wut about Getz
???????
ال getz حلوة بس تمنها غالي على الامكانيات الي فيها و مفيهاش اي اوبشن
ليه ال Getz
1.6 F/O A/T S/R
b 81500
بس مفهاش ABS ولا air bags
هى الحاجات دى ممكن نزودها ؟
هي ليها عيوب تانية
لا طبعا ماينفعش ازود abs ولا ايرباج لانهم بيحتاجوا تعديل مستحيل حد يعملوا في مصر
انا رايي لو انتى دماغك رايحه للصينى يبقى تحطى فدماغك البريليانس مش الاسبيرانزا
ولو دماغك رايحه للهيونداى يبقى النيو اكسنت مش الجيتز
وانا كنت بقارنبينهم وبين البرسونا وقت مكنت بشترى بس طبقا لاحتياجاتى ووجهه نظرى انا جبت البرسونا الهاف اوبشن
انا رايي انتى روحى الاول اتفرجى على التلاته وبعد متتفرجى شوفى انتى هتبقى راحتك النفسيه لانهى فيهم والتلاته حلوين بس انا رايي الجين 2 هتبقى احسنهم وبعديها البريليانس وبعديها النيو اكسنت البريليانس والجين فنفس رنج التمن وفرقهم بسيط جدا والنيو اكسنت كانت ب 79
كل ده مانيوال طبعا
وربنا يوفقك بعربيه كويسه يارب
gen 2
مافيش اي مشاكل جوهريه ظهرت والحمد لله
انا اعرف انهم خلاص هينزلوا الــ
(i 20)
مكانها يعني بلاش عربيه خلاص اخر موديل ليها
لو هيونداي يبقى نيو اكسينت افضل
وزي ما الاخوه نصحوكي اتفرجي بنفسك عليهم وربنا يهديكي لـ الافضل
جين 2 طبعا
طيب بالمره وانتى بتتفرجى على العربيات ابقى بصى على الياريس (تويوتا) عربيه حلوه اوى وهتبقى ناعمه معاكى عن الجين عفشتها اطرى والباور بتاعها انعم وموفره فالبنزين موتورها 1300 واعتقد هتبقى مناسبه ليكى كبنت يعنى مش هتسافرى كتير وكل تنقلاتك فالبلد فالياريس هتبقى حلوه عشان هى فالمقام الاول سياره مدينه انما الجين عربيه رياضيه وانتى كبنت مش هتحتاجى للشد والجرى والسرعات العاليه بقدر مانتى محتاجه عربيه سهله وناعمه فسواقتها
بصى عليها مش هتخسرى حاجه انا عن نفسى بحبها جدا
وعندك برضو العربيه السيريون (دايهاتسو) حلوه وبناتى بصى عليها برضو
بس بصراحه انا اميل اكتر انك تقارنى بين التويوتا الياريس والبروتون الجينالاتنين كويسين جدا بس هى بتفرق حسب احتياجاتك الخاصه
يعنى لو بتسافرى كتير وبتحبى تجرى بالعربيه وتشدى وكده يبقى الجين
لو بتسوقى على الهادى ومش فرقه معاكى سحب ولا شد ومش بتسافرى كتير وكل تنقلاتك جوه البلد يبقى الياريس والعربيه دى شكلها حلو جدا برضو
واى استفسار انا تحت امرك
على فكره انا مش قصدى انى احطك فحيره ولا انى ازعزعك عن اللى فدماغك انا بس بحطلك كل البدائل قدامك عشان لما تشترى حاجه تبقى مقتنعه بيها ومتقوليش ياريت كان حد قالى على العربيه دى او العربيه دى
وربنا معاكى
هو كلامك جميل جدا بصرحا اشكرك
و الجينا معلهاش كلام اصلا بس المشكلة قطع غيرها غالية اوى
بس انا مش عارففة مش بارتح للياريس خالص اه هى ناعمه و كل حاجة بس مكنتش مبسوطة لما ركبتها :T_thum1[1]:
انا كنت لسه بتفرج على كليو 2008
عاجبتنى اوى و تمانها حلو :verygood:
و شوفت 2005
بس مش عارفا لسه تمنها
دا انا دماغى ساحت من كتر العربيات اللى شوفتها :majd(4):
انتى لو نويه على المستعمل يبقى عليكى وعلى البيجو 206 وانتى مغمضه عنيكى
لو عوزه حاجه روشه وبناتى يبقى شوفى البيكانتوا او السيريون صغيره وكويسه بس هى الجين احسنهم يعنى ده لو هتجيبى جديد لو مستعمل يبقى البيجو 206
وبخصوص قطع الغيار متقلقيش منها انتى لما بتجيبى عربيه جديده مش بتحتاج حاجه لفتره كبيره سنتيين ولا حاجه وعلى السنتيين دول ميفوتوا تكون قطع الغيار ملت البلد وهى اصلا انتى ممكن كده او كده تجيبى من بره التوكيل هتبقى ارخص كتيييييييييير وتبقى تركبيها فالتوكيل وكمان بينى وبينك مفيش عربيه جديده قطع غيارها رخيصه بس هى المشكله بقى فالمرايات والفوانيس والاكصدام وكده دى الحجات اللى مش بيبقى معمول حسابها فالجين غاليين جدااا يعنى المرايا اللى بموتور كانت ب 950 تقريبا والاكصدام ب1000 والفانوس ب 1000وحاجه ده فالتوكيل بره ارخص كتييييييييير نفس نظام اى توكيل الدنيا جوه التوكيل الحجات غاليه وبره هتبقى ارخص
انما هو بصى انا من وجهه نظرى قطع غيار الموتور والعفشه والحجات دى مش هتفرق اوى عشان العربيه هتبقى زيرو فمش هتحتاج حاجه انشاء الله لفتره طويله طالما انتى محافظه عليها المشاكل كلها بقى بتكمن فالحجات اللى بره مرايات اكصدامات الحجات اللى ممكن تتخبط من بره دى هى اللى تخوف عشان هتبقى غاليه شويه نسبه بعربيات تانيه
ولو عوزه ارخص قطع غيار بقى يبقى النيو اكسنت هيونداى قطع غياره اقل قطع غيار حسب مكنت اعرف
بصى دى اسعار قطع غيار البروتون موضوع فى غايه الجمال وبصراحه مجهود رائع جدا اتبذل فيه
http://www.nilemotors.net/Nile/73013-a.html
وهبقى اجيبلك اسعار النيو اكسنت وباقى العربيات اللى اقترحتها عليكى انشاء الله
::::::: سيـــــــــــــــــــــــ ريـــــــــون 2007 :::::::
اكصدام امامي =================== 620.5 جنيه مصري ( فابريكة )
اكصدام خلفي =================== 535 جنيه مصري ( فابريكة )
كشاف امامي =================== 646.8 جنيه مصري
كشاف خلفي =================== 1350.58 جنيه مصري
زجاج امامي =================== 1017.27 جنيه مصري
زجاج خلفي =================== 1146.6 جنيه مصري
مراية كهرباء ================== 420.85 جنيه مصري
مراية عادية ================== 397.19 جنيه مصري
فلتر زيت =================== 42.72 جنيه مصري
فلتر هواء =================== 144 جنيه مصري
تيل فرامل امامي ================ 360.8 جنيه مصري
سير المجموعة ================ 96 جنيه مصري
طلمبة الميه ================== 617.4 جنيه مصري
ده منقول من موضوع الاخ ابوعبد الله
الموضوع ده فى كل حاجه عن الياريس اسعار قطع الغيار واسعار الصيانات الدوريه وكل حاجه
http://www.nilemotors.net/Nile/6932-a.html
ده موضوع حلو اووووى عن البيجو 206 بتاع استاذ عمرو مختار ربنا يباركله فعربيته
http://www.nilemotors.net/Nile/30335-206.html
دى اسعار قطع غيار وصيانات الكليو
http://www.nilemotors.net/Nile/2757-a.html
مجهود رائع من استاذ شاركى ربنا يجازيه خير
لا انا مش عايزة مستعمل خالص نفسى فزيروو فعلا المشكلاة اكتر فى المريات و الحجات دى دا عربيتنا كنت مركونا مرة الريا مكسورة و مرة مخبوطة مالجنب هى الجين بصراحة مالهاش حل مش هقدر اتكلم اصلا وهمبس ب 90 :sو دا كتير عاليا هاحول اضغط على راس المال :d مش بحب الاكسنت خااااااااااااالص بشوف ال m11 مميزتها تحفااااااااااااااااااااكل اللى ركبوها بيشكورو فيها اووووووووووووى بس هاشوف لو في منها اوتوماتيك تبقى جامدة جداااااا
انا رايي حضرتك اتوكلى على الله فالجين انا شايفها عجباكى وانتى مقتنعه بيها وده اهم حاجه لما تيجى تشترى عربيه الاقتناع الداخلى فسيبك من كلام الناس كل واحد هيبقى معجب بعربيته عشان هى بتاعته وهيقولى انها احسن عربيه فانتى احسن حل انك تشوفى انتى ميلاه لايه وفالاول والاخر العربيات الزيرو كلها مش بتحتاج مصاريف فالاول فاتوكلى على الله فالعربيه اللى انتى مرتاحالها نفسيا وعجباكى
وربنا يوفقك ويرزقك بعربيه كويسه(ابقى صلى صلاه استخاره هى اللى هتحللك الموضوع)