السلام عليكم ورحمة الله وبركاته

معقولة يا جماعة 33 مشاهدة
واربع اصدقاء فقط هم اللى عملوا التصويت

واحيانا اكثر من 300 مشاهدة
وعشر اصدقاء هما اللى كتبوا رايهم

موش عارف "هو يعنى اختيار احد الخيارات فى اى استطلاع صعب قوى للدرجة دى

طبعا انا شاكر جدا للاصدقاء اصحاب الرأى والفكر على مشاركاتهم واكيد هما نفسهم اللى بيعملوا التصويت ... وهما كمان اللى بيشاركوا بشكل اجابى

وكمان انا شايف كثير من الاصدقاء "بيتحايلوا" على المشاركين بأنهم يقولوا رايهم
يعنى اغلب المشاركات تحتوى على :
ارجوكم ساعدونى
يا ناس مساعدة
ممكن مساعدة
يا جماعة ساعدونى


احس ان فيه نسبة كبيرة من المشاهدة دون مشاركة ... يعنى واحد بيتفرج وممكن يكون عارف معلومات كويسة ومكسل يساعد بالمعلومات دى

طيب لحد امتى ... الله اعلم
كثير من الاستطلاعات لا تحتاج منك الا اختيار انت تفضله فقط لا غير حتى ولو لم تكتب رايك ... صعب دى موش صعبة ابدا

وفين الاصدقاء الحاصلين على العضوية الفضية .. واصدقاء قديمة وخبرة فى المنتدى ... فين مشاركاتهم فى الاستطلاعات ... امال هو عضو فضى على ايه على عدد المشاركات ولا على الخبرة اللى هانستفيد بيها منه

ارجوا الايجابية اكثر من كده وبلاش سلبية

ارجوكم ما تزعلوش منى

مع اطيب التمنيات
اخوكم حسين غزالة