مبروك على الغطاء يا سيدى :Ta_clap[1]:
أيوة كده عشان تغطيها وتدفيها فى الشتاء :s1[1]:
عرض للطباعة
ده انطباعى عن العربية السيريون :Y_hi_3[1]:السلام عليكم جميعا ...
وشكر جامد جدا للمهندس محمود اللى سمحلى بتجربة حبيبة القلب (دايهاتسو سيريون) النهاردة بكل روح رياضية بعد كل اللى قولته عليها قبل وبعد ما اشتراها :B4_048:
طبع العربية من الخارج كلنا عارفينها وبنشوفها فى الشوارع كتير
حجمها صغير مدمج تصلح للقيادة داخل المدينة بجدارة وتوفر وقت كبير لصاحبها عند ركنها فى أى مكان ضيق او قيادتها فى منطقة مزدحمة
اقدر اسميها فوريييييييييييرة
من الداخل بقى مساحات ضخمة فى جميع الاتجاهات وجيوب وأماكن تخزين وحوامل أكواب وخلافه بالعبيط متوزعة بين الامام والخلف والابواب
يعنى حدث ولا حرج وبسم الله ماشاء الله تشيل أوزان أفيال مستريح وأطوال كمان عن تجربة 3 فى الخلف و2 فى الامام غير السواق
يعنى من الآخر نقدر نكتب على الشنطة عبارة: (مصرح بركوب أطوال وأوزان) :3_3_102[1]:
وده اللى مستغربله أن محمود زى ما هاتشوفوه فى الصورة جسمه صغير يعنى مش محتاج المساحة دى كلها
ولا يمكن بيعمل حساب للمستقبل واحنا مش واخدين بالنا :U_thin1[1]:
فى المجمل عربية جميلة لذيذة وكتكوتة ومكببة برضه وتحب تبصلها من برة يعنى طول ما انت ماشى بيها تلاقى المعجبين حواليك :Y_hi_3[1]:
بس أنا ليا كام ملاحظة كده ع الماشى وتفاصيل دقيقة مش عاجبانى شخصيا لأنى بصراحة بأهتم بالتفاصيل جدااااااااااااا
فأتمنى أن حضراتكم تتقبلوها بصدر رحب
أنا قصدى لو كانو موجودين يبقى تمام التمام وخير وبركة وهى كالآتى:
1. مفتاح العربية صغير وقديم شويتين غير مزود بنظام مانع السرقة ولا مشفر للحماية
يعنى فى الميدالية زى أى مفتاح تانى أى حد يشوفه مايقولش عليه مفتاح عربية خالص غير لما يقرا كلمة دايهاتسو عليه بشكل لا يليق بالسيارة ولا حجمها (حاجة تغيظ):whtauwant:
وكمان من غير ريموت كونترول
2. وضعية زرار التحكم فى ضبط المرايات الجانبية غير ملائم على الاطلاق فى الجهة اليمنى بين الكونتاكت والكونصول الوسطى
أتمنى لو كان على اليسار جهة باب السائق :N_no[1]:
3. عدم وجود Foot Rest أو سنادة للقدم اليسرى فى العربية الاوتوماتيك لراحتها خاصة على المسافات الطويلة مع ان الدواسة دى موجودة مثلا فى الاكسنت القديمة المانيوال (مش عارف ليه مش موجودة) :mahf(5):
4. العدادات صغيرة وبالكاد تشغل حيز خلف المقود وأهم ما فيها (من وجهة نظرى) كومبيوتر الرحلات ومؤشر الوقود الديجيتال
بصراحة كده مش ممتع للنظر بالنسبة لى زى عربيات تانية تحب تبص كل شوية فيها على التابلوه والعدادات سواء السرعة أو RPM
5. الدلايات الخلفية فعلا حاجة تحرق الدم لما تقع وتلاقى الواحدة ب200 ج على حته بلاستيكة سوداء متثبتة بكلبسات
وعلى فكرة واحنا بنشوفها عن قرب قبل اما نركب العربية لقينا كلبس منهم مفكوك عكس الدلايات الأمامية متثبتة بمسامير (مش عارف ليه) :N_no[1]:
6. عزل الصوت والضوضاء الخارجى والزجاج مغلق بالكامل أديله (3 درجات من 5)
بصراحة عربيات كتير يمكن أقل منها فى الفئة والسعر وأكبر حجما عزلها أفضل من كده بمراحل لدرجة خليتنى أشك للحظة أنى راكب كيا برايد مو97 مش دايهاتسو سيريون مو2009
7. عدم وجود تصفيح أسفل المحرك ونظام التعليق الامامى
مش ضرورى أوى بس مطلوب فى حالة السير على طرقات غير ممهدة كتير أو طرق فرعية وما أكثرها فى بلدنا العزيزة
8. الاطار الاحتياطى مقاسه أصغر من القياسى :U_thin1[1]:
أكيد بسبب ضيق مساحة تحميل الصندوق الخلفى ولا توفير ولا ايه بالزبط
المهم أن الواحد لو ركبه فى حال انثقاب احد الاطارات شكله هايبقى مستفز جداااااااا وهاتضطر تغيره فى اسرع وقت ممكن :whtauwant:
9. نظام التعليق أو العفشة ليست مريحة (من رأيى) ومحتاجة تمشى بيها على طريق سريع نضيف و حرير عشان تستمتع بيه خاصة أن العجلات قريبة من صالون السيارة عكس السيارات السيدان :L_bhuhhh[1]:
فأقل حصوة او نتوءات على الطريق - وما أكثرها - تترجم إلى رجرجة ملحوظة يشعر بها من يجلس داخلها
10. وأخيرا وليس آخرا ..
ينقص هذه السيارة فرامل ABS مانعة للانغلاق حتى تكتمل منظومة الامان فى السيارة مع الوسائد الهوائية
ملحوظة:
الحكم على قوة المحرك والفتيس الاتوماتيك وقدرة السيارة على التسارع والمراوغة واللذى منه لم يتعين بعد لأن السيارة مازالت فى التليين :36_9_4:
------------------------------------------------
وفى النهاية
يارب :ask: أكون ما زعلتش حد من الاخوة السيريوناوية وخاصة محمود آخر العنقود وللأسف ماغيرتش رأيى ولا هاشترى واحدة :stink[1]:
ودى صورة الحبيبة الغالية الفضية اللى جوة القلب مستخبية
وسلاااااااااااااااااااااا اااااااااااام :Y_hi_3[1]:
http://4image.info/images/daihatsuserionini.jpg
تقييم رائع يا يوسف بيك :)
وانا معاك في معظم الملاحظات اللي قلتها على العربية.
اسلوب محترم فى تقيم حضرتك للعربية
:vctry: أشكرك جداااااااااااا
دى شهادة أعتز بيها ووسام على صدرى
:U_thin1[1]:
على فكرة أنا ملاحظ حاجة غريبة بجد
أن كل أصحاب السيريون بيجمعهم صفات مشتركة كتير من أهمها أنهم ناس جديرين بالإحترام :36_1_37[1]: وده بجد مش كلام فض مجالس يعنى
لأنى ما باعرفش أذوق الكلام وصريح جداااااااا:049:
احسنت ودى حاجات موجودة واحنا شايفينها واتكلمنا عليها(عشان الحلو مابيكملش)
زيها زي اي حاجة فى الدنيا مافيش حاجة كاملة الكمال لله وحده
بس كل واحد بيشوف اهم حاجة هو محتاجها من العربية ويقارن بين مميزاتها وعيوبها
وبعدين اكثر النقط اللى اتكلمت فيها فى الكماليات اما الاساسيات لحد دلوقتى شايفها عاجبة حضرتك(زي مثلا كبر حجمها الداخلي) دى اكبر من نيو سيراتو لو كنت ركبتها
اما من حيث باقى الاساسيات(قوة الموتور-الفتيس-القدرة علي التسارع والمحاورة-التكييف)
فهنستنى تقييمك لها قريبا ان شاء الله(لانك هتخليك تنسى كل العيوب اللى ذكرتها):3mla:
وانا عارف اللى هتقولوا:S_thum1[1]: