عملت حادثة بالبونتو(ربنا يحفظكوا)

كنت فى اسكندرية على الكورنيش و ماشى على 90, بعدى بين عربيتين, اللى على يمينى خبطت فى و خلانى خبطت فى اللى على شمالى , العربية عومت منى و مشيت يمين فى شمال (ثباتها مش حلو و كنت عارف كدة لأنها هاتش باك و خفيفة وكمان عالية عن الأرض) لحد ما رشقت فى الرصيف اللى فى النص و الاير باجز فتحوا :36_1_2[1]:

الخساير كتير طبعا, من مقصات و سكاترا و خلافة (كفاية الاير باجز لوحدهم) . على فكرة أنا كنت لوحدى ساعتها و بصراحة الاير باجز ملهومش أى لازمة لأنى كنت رابط الحزام الحمد لله, بالعكس الاير باج عورونى فى يدى الشمال لما طلع! (حاجة بسيطة)
العربية فيات بونتو كلاسيك 2008 . نقلتها على كساحة لحد تحت البيت و لسة مش عارف حاعمل فيها اية.
أنا بس نفسى أعرف حاتتكلف كام ؟ لسة ما جبتش حد يشوفها لأنى خايف أتصدم من الرقم :120146b
العربية مش مأمن عليها للأسف و مافكرتش أروح التوكيل أساسا لأن أسعارهم فلكية!
بصيت على شوية حاجات فى ebay.co.uk و لاقيت الأسعار هناك غير هنا خالص , بس المشكلة فى الشحن و الجمارك , دة غير انها مش مضمونة 100% لأنى مش شايف القطع بعينى.

شكرا

ربنا يخلف عليك ان شاء الله ..... فداك اى حاجة الحمد لله انك سليم

فداك أي حاجة اهم حاجة إنك كويس

الحمدلله على كل شىء وان شاء الله ترجع احسن من الاول

الله يخليكوا, شكرا
عايز أبقى أروح الحرفيين أشوف اية النظام هناك و كدة , و حابقى أقول الأخبار أول بأول

ياساتر يارب الحمد لله ان انت كويس وكله جه في الحديد طمنا عليك وقولنا تصلحها عامل ايه معاك

حمدا لله علي سلامتك وربنا يعوض عليك انشاء الله

مش انت زي الفل تغور العربية و كل قرش راح يتعوض يا صاحبي المهم انت بخير

انا كنت حعمل واحد شبهها كدة برضة في اسكندرية واحد جحش بنوبيرا رمي عليا في الشمال في الحتة اللي بتتصلح في الكورنيش و كان حيلبسني في الحديد بس ربنا ستر

يا باشا ربنا يعوضك خير ان شاء الله و الف حمد الله عالسلامة
انا من رأي ان التأمين بيغلي الحاجة جداااا يعني انا دخلت في الرصيف بالأكسيل جابت مساعد و بطاحة و مقص و كوبلن داخلي يمين و المفروض ال الأكسل حاجتها رخيصة جدا
اه زائد لحام في فردة الشاسيه اليمين بيقولولو 8000 جنيه لييييييييه يعني
فحضرتك ادامك حل من دول
يا تشوفلها الحاجات ديه استيراد عند الكيلاني او تشوف اسعار الجديد كام
يا اما تبيعها حوادث و انا مفضلش كده
و روح لسمكري محترم او محطة بنزين معروفة زي موبيل الأوتوستراد اللي جنب نادي الزهور و يتكشف عليها بالكامل و من تحت

حمدا لله على السلامة يا باشا
و ربنا يعوض عليك احسن منها ان شاء الله
و ان شاء الله في ميزان حسناتك
هي فعلا العربية خفيفة و ده عيبها ان لو عربية تانية عادية خبطتها هتتأثر بسهولة جدا
انا كمان كان هيحصلي نفس السيناريو بس على الطريق الصحراوي و انا راجع من اسكندرية
كانت ميتسوبيسي لانسر و طبعا اللانسر تقيلة اوي
خلاني اعوم جامد و العربية عرضت مني في نص الطريق بعد ما لمتها بصعوبة و بحمد ربنا ان مكنش حد ورايا

انا رأي لو لقيت ان تصليحها صعب عليك فككها و بيعها قطع غيار لوحدها
و طالما هي 2008 يبقى مش هتكون قديمة اوي فا هتجيب سعر معقول ممكن تكمل عليه و تجيب واحدة جديدة
بس لو الموضوع ملموم و تقدر تصلح يبقى طبعا اهرب من التوكيل تماما بس الخوف انه اللى يصلحهالك ميرجعهاش زي الاول و خصوصا العفشة

ربنا يوفقك يا رب و بجد زعلتلك اوي
بس الحمد لله ان انت سليم الحمد لله

مش عرف ليه مش بحسها خفيفة لو افترضناه إنها خفيفة على الطريق عمال الفرنا تبقى إيه :s

الحمد لله انك سليم

اقتباس:

---

مش عرف ليه مش بحسها خفيفة لو افترضناه إنها خفيفة على الطريق عمال الفرنا تبقى إيه

---

وانا كمان معاك
انا ببقي ماشي بيها 160 وبتاخد غرز تحفه
وانا راكب برضه a4 وببقي عارف يعني ايه ثبات
بس المهم انك سلييييييم يا معلم
بس متقلش خفيفه

اقتباس:

---

المشاركة الأصلية كتبت بواسطة eng_ahesham

وانا كمان معاك
انا ببقي ماشي بيها 160 وبتاخد غرز تحفه
وانا راكب برضه a4 وببقي عارف يعني ايه ثبات
بس المهم انك سلييييييم يا معلم
بس متقلش خفيفه

---

حرام عليك, يعنى البونتو اللى وزنها مش محصل 900 كيلو (دة غير انها عالية) تيجى اية جنب ثبات الa4 اللى وزنها معدى ال1200 :eee:
والدى عنده فكترا 2001 ولما باسوقها بحس بفرق الثبات

عموما أنا لسة سايب العربية تحت البيت , لحد لما أفضى لها

اكيييييييييد البونتو مش زي الاوكتافيا
والاوكتافيه علي فكره وزنا 1650 كجم مش 1200
والبونتو 970كجم مش 900
وانا طبعا مبقارنش بس اقصد اقلك ان يعني كل واحده ثابته علي قد حجما
ووالله قبل ما اكلمك بنص ساعه من دلوقتي كنت راجع علي الدائري 160 وماشي لذيييييذ
واكيد انا مواريش مصلحه علشان اقلك الكلمتين دول ولا هبعلك العربيه
ولا انا شغال في اوماترا مثلا انا بحكيلك تجربه
وعلي فكره البونتو كلاسيك (الفوانيس الجديده) اعلي من البنتو نوفا(Racer الفوانيس القديمه) واكيد ده بيفرق في الثبات
متابع.....

أوكتافيا مييييييييييييييييييييييين يا بشر

دة الأوكتافيا عليها عضم ربنا ما يوريك دة بتفكرني بالبولونيز

مرة كنت بتفرج عليها في المصرية مقدرتش ارفع الكبوت بإيد واحدة

ربنا يعوض عليك بافضل منها ويجازيك بها كل خير فى ميزان حسناتك..والاهم ان حضرتك سليم فى داهية الحديد ياباشا

اقتباس:

---

المشاركة الأصلية كتبت بواسطة eng_ahesham

اكيييييييييد البونتو مش زي الاوكتافيا
والاوكتافيه علي فكره وزنا 1650 كجم مش 1200
والبونتو 970كجم مش 900
وانا طبعا مبقارنش بس اقصد اقلك ان يعني كل واحده ثابته علي قد حجما
ووالله قبل ما اكلمك بنص ساعه من دلوقتي كنت راجع علي الدائري 160 وماشي لذيييييذ
واكيد انا مواريش مصلحه علشان اقلك الكلمتين دول ولا هبعلك العربيه
ولا انا شغال في اوماترا مثلا انا بحكيلك تجربه
وعلي فكره البونتو كلاسيك (الفوانيس الجديده) اعلي من البنتو نوفا(Racer الفوانيس القديمه) واكيد ده بيفرق في الثبات
متابع.....

---

اقتباس:

---

المشاركة الأصلية كتبت بواسطة eng_ahesham

اكيييييييييد البونتو مش زي الاوكتافيا
والاوكتافيه علي فكره وزنا 1650 كجم مش 1200
والبونتو 970كجم مش 900
وانا طبعا مبقارنش بس اقصد اقلك ان يعني كل واحده ثابته علي قد حجما
ووالله قبل ما اكلمك بنص ساعه من دلوقتي كنت راجع علي الدائري 160 وماشي لذيييييذ
واكيد انا مواريش مصلحه علشان اقلك الكلمتين دول ولا هبعلك العربيه
ولا انا شغال في اوماترا مثلا انا بحكيلك تجربه
وعلي فكره البونتو كلاسيك (الفوانيس الجديده) اعلي من البنتو نوفا(Racer الفوانيس القديمه) واكيد ده بيفرق في الثبات
متابع.....

---

motafek m3aak tamaman l2ny bardoh bamshy beha keda wa-zay el-fol

انا معاكو كلكو انها تمشي زي الفل على 170 كمان و مبترمش خالص ولا كانك ماشي فوق 100 اصلا
بس هو عيبها انك لو لمست حجر كبير شوية او عربية تانية او اي مؤثر خارجي العربية بتتأثر جدا عن اي عربية تانية وزنها اتقل
و دي حقيقة

طيب كويس لأن ده مش موجود في اللي زيها أو في حجمها وكما هي لو ركبت جنة حلو كده ونزلت شوية للارض هتبقى 100100 ولا إيه

إنا لله وإنا إليه راجعون

الحمد لله إن إنت طلعت منها بخير يا باشا

بس قول : "اللهم أجرنى فى مصيبتى واخلفنى خيرا منها"

وربنا يعوضك خير إن شاء الله

اقتباس:

---

المشاركة الأصلية كتبت بواسطة hibbsa

انا معاكو كلكو انها تمشي زي الفل على 170 كمان و مبترمش خالص ولا كانك ماشي فوق 100 اصلا
بس هو عيبها انك لو لمست حجر كبير شوية او عربية تانية او اي مؤثر خارجي العربية بتتأثر جدا عن اي عربية تانية وزنها اتقل
و دي حقيقة

---

أيوا , هوة دة
على فكرة أنا كان نفسى أروح اجتماع أصحاب فيات, بس متعوضة المرة اللى بعديها ان شاء الله

شكرا لكل الأعضاء اللى قالولى ربنا يعوضك و كدة , و الحمد لله

ربنا يعوض عليك وأهم حاجه انك سليم

يا ريس Moe86 انا تحت امرك اخدك من تحت البيت وارجعك تاني والله العظيم
ظبط نفسك ورد عليا في الموضوع بتاع المقابله

اقتباس:

---

المشاركة الأصلية كتبت بواسطة eng_ahesham

يا ريس Moe86 انا تحت امرك اخدك من تحت البيت وارجعك تاني والله العظيم
ظبط نفسك ورد عليا في الموضوع بتاع المقابله

---

الله يخليك يا باشا والله بسطنى:M_yes[1]: , بس أنا من طنطا للأسف:mahf(5):

المرة الجاية ان شاء الله أكون صلحتها و ظبتها (أنا كنت بدأت بالزينون)

إن شاء الله يا باشا

يا تري ايه اخبار البونتو مع اصحابها؟ و خصوصا موضوع الثبات؟

انا معايا 60 الف و جديد في السواقة و كنت بافكر في اختيارات منها البونتو مع العلم اني باسافر بين القاهرة و كفر الشيخ مرتين اسبوعيا - و البونتو كنت مبسوط علشان فيها ايرباجز لان الأمان اهم حاجة بالنسبة ليا

لكن موضوع عدم الثبات قلقني

ايه رايكم دام فضلكم ؟:satelite:

أنا أديها فى الثبات 5 من 10
على فكرة يا جماعة أنا شغال فى تصليح العربية بعد أجازة العيد بتاعة الصنايعية (اسبوع)
و ان شاء الله حاعمل تقرير كامل بثمن قطع الغيار و كدة فى خلال اسبوع