عملت حادثة بالبونتو(ربنا يحفظكوا)

**Moe86** · 27-10-2009 04:23 PM

كنت فى اسكندرية على الكورنيش و ماشى على 90, بعدى بين عربيتين, اللى على يمينى خبطت فى و خلانى خبطت فى اللى على شمالى , العربية عومت منى و مشيت يمين فى شمال (ثباتها مش حلو و كنت عارف كدة لأنها هاتش باك و خفيفة وكمان عالية عن الأرض) لحد ما رشقت فى الرصيف اللى فى النص و الاير باجز فتحوا

الخساير كتير طبعا, من مقصات و سكاترا و خلافة (كفاية الاير باجز لوحدهم) . على فكرة أنا كنت لوحدى ساعتها و بصراحة الاير باجز ملهومش أى لازمة لأنى كنت رابط الحزام الحمد لله, بالعكس الاير باج عورونى فى يدى الشمال لما طلع! (حاجة بسيطة)
العربية فيات بونتو كلاسيك 2008 . نقلتها على كساحة لحد تحت البيت و لسة مش عارف حاعمل فيها اية.
أنا بس نفسى أعرف حاتتكلف كام ؟ لسة ما جبتش حد يشوفها لأنى خايف أتصدم من الرقم
العربية مش مأمن عليها للأسف و مافكرتش أروح التوكيل أساسا لأن أسعارهم فلكية!
بصيت على شوية حاجات فى ebay.co.uk و لاقيت الأسعار هناك غير هنا خالص , بس المشكلة فى الشحن و الجمارك , دة غير انها مش مضمونة 100% لأنى مش شايف القطع بعينى.

شكرا

**Hamdy Masria** · 27-10-2009 04:40 PM

ربنا يخلف عليك ان شاء الله ..... فداك اى حاجة الحمد لله انك سليم

**fouady** · 27-10-2009 05:29 PM

فداك أي حاجة اهم حاجة إنك كويس

**ma7oo** · 27-10-2009 07:47 PM

الحمدلله على كل شىء وان شاء الله ترجع احسن من الاول

**Moe86** · 28-10-2009 03:00 AM

الله يخليكوا, شكرا
عايز أبقى أروح الحرفيين أشوف اية النظام هناك و كدة , و حابقى أقول الأخبار أول بأول

**xAMAN** · 28-10-2009 03:13 AM

ياساتر يارب الحمد لله ان انت كويس وكله جه في الحديد طمنا عليك وقولنا تصلحها عامل ايه معاك

**Karim_Mohy** · 28-10-2009 03:19 AM

حمدا لله علي سلامتك وربنا يعوض عليك انشاء الله

**amrbakly** · 28-10-2009 03:56 AM

مش انت زي الفل تغور العربية و كل قرش راح يتعوض يا صاحبي المهم انت بخير

انا كنت حعمل واحد شبهها كدة برضة في اسكندرية واحد جحش بنوبيرا رمي عليا في الشمال في الحتة اللي بتتصلح في الكورنيش و كان حيلبسني في الحديد بس ربنا ستر

**semsem_uno** · 28-10-2009 03:57 PM

يا باشا ربنا يعوضك خير ان شاء الله و الف حمد الله عالسلامة
انا من رأي ان التأمين بيغلي الحاجة جداااا يعني انا دخلت في الرصيف بالأكسيل جابت مساعد و بطاحة و مقص و كوبلن داخلي يمين و المفروض ال الأكسل حاجتها رخيصة جدا
اه زائد لحام في فردة الشاسيه اليمين بيقولولو 8000 جنيه لييييييييه يعني
فحضرتك ادامك حل من دول
يا تشوفلها الحاجات ديه استيراد عند الكيلاني او تشوف اسعار الجديد كام
يا اما تبيعها حوادث و انا مفضلش كده
و روح لسمكري محترم او محطة بنزين معروفة زي موبيل الأوتوستراد اللي جنب نادي الزهور و يتكشف عليها بالكامل و من تحت

**SharpArrow** · 29-10-2009 09:10 AM

حمدا لله على السلامة يا باشا
و ربنا يعوض عليك احسن منها ان شاء الله
و ان شاء الله في ميزان حسناتك
هي فعلا العربية خفيفة و ده عيبها ان لو عربية تانية عادية خبطتها هتتأثر بسهولة جدا
انا كمان كان هيحصلي نفس السيناريو بس على الطريق الصحراوي و انا راجع من اسكندرية
كانت ميتسوبيسي لانسر و طبعا اللانسر تقيلة اوي
خلاني اعوم جامد و العربية عرضت مني في نص الطريق بعد ما لمتها بصعوبة و بحمد ربنا ان مكنش حد ورايا

انا رأي لو لقيت ان تصليحها صعب عليك فككها و بيعها قطع غيار لوحدها
و طالما هي 2008 يبقى مش هتكون قديمة اوي فا هتجيب سعر معقول ممكن تكمل عليه و تجيب واحدة جديدة
بس لو الموضوع ملموم و تقدر تصلح يبقى طبعا اهرب من التوكيل تماما بس الخوف انه اللى يصلحهالك ميرجعهاش زي الاول و خصوصا العفشة

ربنا يوفقك يا رب و بجد زعلتلك اوي
بس الحمد لله ان انت سليم الحمد لله

الموضوع: عملت حادثة بالبونتو(ربنا يحفظكوا)

LinkBack

أدوات الموضوع

عرض

-

-

-

-

المواضيع المتشابهه

عملت حادثة بالميجان و دى الحكاية .. ربنا يرحمنا من سواقين النقل الاغبياء ..

عملت حادثة بالبونتو و محتاج مساعدة

عملت حادثة بالبونتو و محتاج مساعدة فى شوية حاجات

ربنا يحفظكوا انا عملت حادثه ومش عرف اترف ازاي ومش عايز يضحك عليا

عملت حادثة ! ربنا يحفظنا جميعا

الكلمات الدلالية لهذا الموضوع

المفضلات

المفضلات

ضوابط المشاركة