مشكلة فى 128 فهل من مغيث

**skipper35** · 27-10-2009 08:25 PM

السلام عليكم ورحمة الله وبركاته أنا كنت ماشى على سرعة 40ثم فرملت فجأة لتفادى حادثة المهم إن العربية بعدها بقت تطفى وأنا ممور حتى والعربية ماشية لازم أكون دايس بنزين على طول ولازم أرمى علشان تدور وبعدين تبرجل وتطفى لوحدها فما رأيكم دام فضلكم

**aymansaad** · 27-10-2009 09:50 PM

مشكلة فى البيكات او ضبط كهربا

**newhansol** · 28-10-2009 01:43 AM

بيك السلانسية يا ريس فى حاجة لانة هوة المسؤل عن ظبط سرعة العربية على السلانية
لان حضرتك بتقول لما بتشيل رجلك بتطفى ولازم تبقى دايس على طول
وممكن يكون الخرطوم الى طالع من الماستر بتاع الفرامل بيسرب لانك لو شلت الخرطوم دة من الماستر ومركبتوش مش هاتدور على السلانسية وهاتبطل لوحدها

**sobhysm** · 28-10-2009 11:17 AM

شيك على كابلات البوجيهات ممكن يكون فيه كابل فك لما فرملت جامد حصلت معايا قبل كدة

**HATEMHANY** · 28-10-2009 03:31 PM

بالظبط كده فيه كابل من بتوع البوجيهات اتهز و علشان كده بيخلى العربيه تقطع بس انت لازم يكون عنك اذن موسيقية لتحديد العطل لان السلندر المفصول عن العمل بيكون له توقيت معين يعنى لما تكبس بنزين تحس ان عند نفس الزمن القطع بيحصل و ده لما يجى الدور على البوجيه الخاص بيه انه يدى شرارة و ده اللى مش بيحصل طبعا
روح لميكانيكى و قولنا لاقيت ايه

**skipper35** · 28-10-2009 06:13 PM

انا متشكر يا جماعة على الإهنمام ده كله ودى حاجة مش غريبة على أعضاء المنتدى الكرام وأنا رحت للميكانيكى وسايبه شغال فيها دلوقتى وهو قالى حاجة من اتنين يا وش سلندر يا صبابات كفاكم الله من هذه المصائب