اية رأيوكو فى السيننا

**kiroo** · 27-10-2009 09:01 PM

دة اول موضوع ليا فى قسم الفيات ,,, و على فكرة انا مكرر الموضوع دة فقسم الدايو ازيادة الفائدة
انا عايز اعرف اية رأيوكو فيها من حيث

-قطع الغيار اسعارها اية مناسب و لا غاليا و يارييت بعض من هذة الاسعار لمقارنتها بالدايو؟؟؟؟؟؟؟؟؟
-الصيانة يعنى الميكانيكيا بيفهمو فيها ولا مش اى حد؟؟؟؟؟
-سعر اعادة البيع ... يعنى لما اجى ابيعها حلاقى حدممكن يشتريها و لا لاْ و السعر حيخسر و لا لاْ ؟؟؟

و كل دة عشان انا اتقالى كلام زعلنى اوى : ان سعر اعادة بيعها بيخسر كتيير و لاكن انا سمعت ان قطع غيارها فى المعقول ماعادا الحاجات الاصلية اللى فيها( دة لو انت عايز تجيبها اصلى يعنى) و الصيانة معرفش حاجة عنها

فييييارييييت يا جماعة بجد ال يعرف حاجة عن السيننا يقولى عشان انا داخلا دماغى اوى العربية دى و سعرها فوق الممتاز ......يعنى سواء يعرف معلومة او مجرب العربية دى و طبعا انا بتكلم عن 1400cc و مش حاطط فى اعتبارى خالص ال 1600cc .. لان انا قدامى و حدة ممتاااااااااااااااااااازة و سعرها ممتااااااااااااااااااز ,فقولولى رأيوكو
و اسف للأطالة
و شكرا لكل من سيساهم :verygood:

**FunnyMickey** · 31-12-2009 07:21 PM

انا كمان عاوز اعرف
لاني بقارن بينها وبين لانسر 99
مين احسن

**kiroo** · 01-01-2010 12:29 AM

بصوا يا شباب أنا لسة برضوا شارى سيينا من أسبوعين (1400 مودييل 2000 فبريكة برة وجوة حالة نادرة فعلا بشهادة كل الناس والحمد لله وب 39.5)

المهم انا طبعا جديد فى العربيات بس هقولكم على تجربتى

أنا حصل مُشكلة عندى فى الماتور (جاب جوان فرن) وروحت أشتريت جوانين ب 7 جنية (هما هما بتوع 132)
ولما جبتلها فلتر الزيت كان بتاع الشاهين ب 15 جنية
(يعنى والحمد لله حتى الآن هى هى نفس قطع غيار الفيات الرخيصة والحمد لله)

بخصوص الميكانيكية فأنا لما روحت لواحد بتاع ضايو قالى أنها رخمة شوبة فى الفك (مش مسألة مبيفهموش بس مُتعبة فى فك بعض القطع فى الماتور على كلامهم) وكان فى واحد كهربائى قال لواحد زميلى أنها علشان يصلح الدينامو لازم يفك العفشة (معرفشى هل الكلام ده على كل العربيات ولا أية) يعنى اللى بيفهم فيها كتير بس شغلها غلس (على كلامهم وممكن يكونوا بيقولوا كده علشان يزودوا المصنعية لأنى كنت رايح أعمل شغل)

وفى الأول والآخر طالما بتوع الفيات بيفهموا فيها يبقى خلاص (صعبه بقى ولا سهلة هما اللى هيشتغلوا)

بخصوص أعادة البيع فده لو جديدة لكن مُستعملة مش هتفرق (يعنى أنت هتجيبها مُستعملة واللى بعديك هيشتريها منك برضوا أية الفرق يعنى)

على العموم صلى أستخارة برضوا وباقى الأخوة هنا هيفيدوك أكتر وممكن تدخل على موضوع الرابطة الخاصة بمُلاك السيينا هتستفيد أكتر

مبرووك يا باشا و شكرا على افادتك