ممكن اعرف اسعار الحاجات دى لل 128

**misoalex** · 27-10-2009 10:38 PM

انا رحت للعفشجى عشان عندى هزه فى العربيه لما بدوس فرامل العربيه كلها بتترعش والمكانيكى قالى مش طنابير دى عاوزه كاوتشات اكبليزر
المهم رحت للعفشجى عملى حوار وقالى العربيه عاوزه الاتى
جوز مقصات
اسكاترا
كاوتشات الاكسبلايزر
مساعد امامى شمال
وقالى الاحسن كل دول يتغيرو عشان تبقى ظبط العفشه
الى قالقنى بقى ان الراجل ده عنده حاجات استعمال فممكن يكون عاوز يبع كام حاجه من الى عنده وخلاص عشان يدفعنى
قلولى يا جماعه اسعار الحاجات دى ايه جديده او استعمال عشان ميضحكش عليا
انا لسه جديد فى 128

**memononos** · 28-10-2009 12:03 AM

انا برضو لسه جديد فى 128 وعندى نفس المشكله
بس انا نزلت جبت جوز مقصات استعمال عملو بعد الفصال 60جنيه
وجديد تقريبا 170 جنيه او اقل قليلا
وسالت على جوز المساعدين عاملين 400 جنيه جديد الالمانى
واستيراد 200 جنيه بس لسه هورح اجبهم بكره استيراد وهشوف كده اخرهم كام

**misoalex** · 28-10-2009 01:08 AM

انا برضو لسه جديد فى 128 وعندى نفس المشكله
بس انا نزلت جبت جوز مقصات استعمال عملو بعد الفصال 60جنيه
وجديد تقريبا 170 جنيه او اقل قليلا
وسالت على جوز المساعدين عاملين 400 جنيه جديد الالمانى
واستيراد 200 جنيه بس لسه هورح اجبهم بكره استيراد وهشوف كده اخرهم كام

طب انت فعلا لما بتلمس الفرامل وانت ماشى بسرعه بتلاقى العربيه بتترعش والدريكسيون يعوم ويترعش معاك
وهو المساعد قالى عنده ب 90 جنيه والمقصات ب 80 جنيه والاسكاترا حوالى 120 جنيه دول استعمال من عنده وانا خايف يكون بيشتغلنى وفيه حاجات سليمه وهو عاوز يغيرها وخلاص هو ده الى خابف منه و قالى لو مشيت بالعربيه كده الشاسيه حيتشرخ ويقرفك

**Abdo_Eldesokey** · 28-10-2009 02:41 AM

بص يا باشا بالنسبة للمقصات ممكن تجبها مستعمل عادي ، بس العفشجي يبص عليهم معوجين ولا لأ والجلب بتاعتهم متاكلة ولا كويسة

أما بالنسبة للمساعدين منصحكش تجبهم مستعمل أبداً لأنهم عاملين زي البطيخة ، ممكن المساعد تشتريه النهاردة ويضرب تاني يوم ، خليك في الجديد أحسن

والاسكترا ميضرش تجبها جديدة لأنها مش غالية ومش هتفرق كتير في السعر عن الاستيراد ، وغالباً الي موجود تايواني

أما كاوتش الاكسبلايزر .. أنا أول مرة أسمع الكلمة دي ؟؟!!

**sobhysm** · 28-10-2009 01:46 PM

أنا جبت مقص أمامى جديد تركى من سنه كان ب160 جنية ولسه مركب علبة دركسيون إستيراد من عند العفشجى حسب العلبة ب80 جنية والتركيب ب20 جنية وأخذ العلبة القديمة أما كاوتش الاكسبلايزر أول مرة أسمع عنه

**NIGHTMOON** · 28-10-2009 01:52 PM

اخرط الطبانبير
هزة السيارة عند ضغط الفرامل من الطنابير (تآكل أو علامات محفورة على الطنابير) يجب ان تكون ملساء

**misoalex** · 28-10-2009 04:01 PM

طب انا سمعت انه فى مساعدين صينى فى حدود 200 جنيه هل دى كويسه وتقضى الغرض
وبالنسبه لكاوتش الاكسبلايزر ده ممكن اكون كاتب الاسم غلط بس هو حاجه تشبه نفس الاسم بالظبط وهو قالى الكاوتش فى حدود 20او 30 جنيه

**gbeshay** · 28-10-2009 04:22 PM

يا باشا هو مفيش احسن من الجديد طبعا في كل الاحوال
بس الي انا اعرفه انك مينفعش تغير مساعد واحد بس لازم الاتني مع بعض علشان تبقي نفس الجوده و خصوصاً لو مساعدين قدام علشان دي بتشيل قاعده الموتور.
و موضوع المساعدين انا جبت الالماني ده وكان اغلي واحد فيهم من سنه تقريباً وجديد كمان لاكن للاسف معمرش كتير انا سيبه ومغيرتوش لاكن مش حلو بصراحه فيه ميكانيكي قلي الالماني ده مش حلو وواحد تاني قالي ممكن الجديد يكون حظوظ شويه يعني بتبقي فيه فلاتات

لاكن بقيت الحاجات معرفش بصراحه

**HATEMHANY** · 28-10-2009 05:02 PM

اولا بلاش المستعمل فى ال 128 لانه مش حيفرق كتير عن اللى عنك

ثانيا كاوتش الاستابيليزر ده سعره حوالى 12 جنيه للطقم و بيكون تايلندى
الاسكاترا مش بتتغير غير لما تكون معووجه او فيها شرخ انما غير كده يبقى عاوزه حشو و بيستون و دول حوالى 15 جنيه
المقصات اوعى تجيبهم مستعمل
الجديد مش بيعيش يبقى المستعمل حيكون ايه
المساعد ممكن تجيبه استعمال بما انك اصلا حتغير واحد بس
الكلام ده عن خبره مع ال 128