1 مرفق
المصرى اللى على حق يقول(للجاموسه لأ)
مين فينا مشافش اعلانات السكه الحديد
الي بتوصف المصرين علي انهم مخربين ويتمتعوا بقدر عالي جدا من اللا مباله
وان كل الحاجات الوحشه الي في السكك الحديد احنا السبب فيها
وللي مشفش الاعلانات دي اشتهرت بجمله
(المصري الي علي حق يقول للغلط لا))
اكيد موضوعي مش عشان افكركم بالاعلان انا عايز احكي لكم تجربتي مع السكك الحديد بعد التطوير
فالسكه الحديد ليها دور كبير معانا
الاسبوع الي فات كنت مسافر في قطر تروبيني 10.15
باليل ده المفروض يعني يوصل 1 الا ربع
المهم ده محصلش قبل كدا بس كنا بنقول لو علي نص ساعه مش مشكله القطر وصل كام بقي يومها 4 الفجر
وكان قطر تاني يومها وصل قام 9مساء ووصل 6 الفجر
طبعا انا قلت يعني معقول ده بس حادثه فرديه دول بيقوالوا جابوا جرارات جديده
المهم امبارح بقي كنت انا في القاهره وبما اني من الأقاليم فكان القطر احسن مواصله ليا
فركبت قطر توربيني مباشر الي هو يقوم7 ويوصل 9وربع
كل ده كويس جدا بس المشكله بقي اني عرفت وانا في القطر ان الجرارات الجديده ده مش شغاله كويس وان القطر ممكن يقف في اي مكان وان المسؤلين عنها محدش عارف بتعامل معاها كويس
وان الاعلانات بتاعه التلفزيون دي متكلفه عليهم ميه مليون
طبعا انا الرقم صدمني
عاملين اعلانات بالمبلغ ده وسايبن العربيات مكسره الكرسي وازاي الشبابيك مكسر كله يعني في اي وقت ممكن يقرفع في الناس
وكمان التكيف مش شغال كويس في ظل الظروف الصحيه و انفلونزا الخنزير
كل ده وقطر درجه تانيه
امال القطر العادي ده يبقي حاله ايه
طبعا وصلت ساعه متاخره
اصلا
شوفوا ميه مليون جنيه عشان اعلانات وكل الكماليات ناقصه
ياتري ده اسمه ايه؟
وياتري بقي لسه المصرين هما الي عندهم لا مباله وانهم السبب في كل حاجه؟؟؟؟
ولا ده بقي قدارنا ان اي مشكله نبقي احنا السبب الشعب الغلبان وخلاص
اسف طولت عليكم بس الموضوع نرفزني جدا
احبكم في الله
ممنوع الكتابه باللون الاحمر حيث انه مخصص للمداخلات الاداريه فقط لا غير
مشرف عام 3