ازيكم يا شباب انا صنيعى كمليات و بقول ان دا موضوع جامد جداا بس المقابل غالى جداا عندنا فى المنصوره فاميه ممتاز جداا و الباب ب 10 جنيه و الازاز الخلفى ب 25 جنيه بس موضوع انو بيجيلك لحد البيت دى مختلفه شويه شكراا
عرض للطباعة
ازيكم يا شباب انا صنيعى كمليات و بقول ان دا موضوع جامد جداا بس المقابل غالى جداا عندنا فى المنصوره فاميه ممتاز جداا و الباب ب 10 جنيه و الازاز الخلفى ب 25 جنيه بس موضوع انو بيجيلك لحد البيت دى مختلفه شويه شكراا
أنت راجل محترم
فى انتظار الصور ياكريم باشا
واوعى تنسانا
سؤال صغير يا جماعة
هوه الفميه ده ممكن يكون أي لون ولا بس أسود وهل فعلا العربية لو إتفيمت ووقفت في الشمس مش هتسخن من جوه ؟
وشكرا
عايز بس اعرف الدرجة المسموح بيها فى المرور وفى نفس الوقت تقلل من حدة الشمس
عشان خاطر عيون اعضاء نايل موتورز
وبعد الاتفاق مع أكرم
تم تخفيض سعر تركيب الفاميه الى 80 جنيه للعربية بالكامل اي درجة لونية يختارها العضو
فقط العرض ده داخل نطاق شرق القاهرة فقط
يعني مصر الجديدة ومدينة نصر وما حولهم الى العباسية تقريبا
اي مسافة بعد كدة يتم عمل حساب المواصلات وكل عضو حسب ذوقه
خاصة ان اكرم مش بيتاخر على اي عضو من اعضاء نايل موتورز
تحياتي وتمنياتي بالتوفيق للطرفين
شكرا يا استاذ كريم على الموضوع الجامد ده و ان شاء الله هابقى اكلمو واربط معاه بس يارب يرضى يجي للهرم :Ka_che1[1]:
100 100 ... انا مستني بس أغير مكن الإزاز عندي لما أفضى شوية وبعدين أفيم خفيف عشان الحر مع الشماسات
فعلا خلال يومين الحر دول عرفت قيمة الزيرو وان
العربية بتكون اهدى كتير
ومع شماسة من قدام
درجة الحرارة بتقل 10 درجات عن من غير فامية
طيب ممكن نشوف صور للزجاج وهو متفيم اول درجة عشان نعرف بس حتى :stink[1]:
ياريت صورة للفامية الزيرو وان على العربية
؟؟؟؟
على فكرة انا اكرم جه ركب لى الفاميه فى عربيتى وانا من المعادى
الراجل شغله حلو اوى وهو محترم جدا وبعدين اتفقت معاه انه هيجى يعملى زجاج المكتب عندى
زيرو وان انا مركبه ازاز ورا بس ب 50 جنيه
دا سعر هايل علي فكرة
لكن نصيحة الي عايز يفيم خليه فال 00 اضمن
100% يا باشا
لو سمحتو هو أيه الفرق بين الفاميه ده وال V Cool
درجات الفامية مستحيل تظهر في تصوير على منتدى بالدرجة الكافية
لازم تشوفها راكبه بعينيك
كريم باشا الراجل جالي فيصل مرتين وشغله زي الفل وممتاز ربنا يكرمك يا كريم
مالها الستاير الكابس يا رجاله
انا اتصلت باكرم وجيه الراجل علي طول بعد صلاة الجمعة وهو راجل محترم فعلا... وانا اخترت الدرجة 02 عشان يبقي فيه فرق حقيقي...
بس انا عندي سؤال دلوقتي بعد ماركب الفاميه... وانا بركبه عشان كنا في الشمس او عشان كنت قريب من العربية فمكنش باين انه غامق اوي... دلوقتي بعد مابعد عن العربية شوية والشمس راحت شوية باين من بعيد انه غامق...
ومش عارف مقلق من القصة دي مع اللجان !!
ايه رايكم ؟!؟
الموضوع بسيط
لو في لجنة سخفت معاك
شيلة وانت واقف
وابقي فيم تاني زيرو وان
بس وانت داخل اللجنة نزل الزجاج بالذات الاتنين قدام عشان تكون واضح ليهم
جزاك الله خيرا يا ا/كريم
خير الناس انفعهم للناس
انا مش عارف فى مصر نظامه ايه لكن أعتقد إنها شركه عالميه فبالتالى هيكون شغلها واحد ، على العموم هنا فى السعوديه مجموعة شركات متخصصه فى المجال ده أشهرهم هما v cool & zebart & coolite طبعاً فرق شاسع عن العادى اللى حته ممكن يكون ب 450 ريال لإن الماركات دى بألاف وطبعاً الغالى تمنه فيه إحساس تانى خالص انت بالتفييم ده فعلآ بتتحكم فى الجو وكمان معلومه صغيره الفرق بين التفييم الرخيص والتفييم الغالى بيبان فى الزجاج الخلفى التفييم الغالى حته واحده اما الرخيص اكتر من حته وكمان التفييم الغالى منظره تحفه وشوفت كتيرر مفيم العربيه كلها بمعنى الكلمه ومش بتعرف ان العربيه متفيمه إلا من العلامه على الإزاز بتاع الباب الخلفى .وأسف لو كررت كلام باقى الزملاء فى شكر الأستاذ كريم على تعريف حضراتكم بالشاب المكافح أكرم وكمان تعريف أكرم بشباب المنتدى الرائع ده
وطبعاً مش منْ لاسمح الله على الراجل لكن بمساعدتنا له وللى زيه هنساهم فى حاجات كتير قوى من غير ما نحس وممكن يبقى باب رزق ليه فى القاهره ويبقى فيه ايمن فى الجيزه ومسعد فى كفرالشيخ واسامه فى المنيا .......... وهكذا ومش بتاع فاميه بس ممكن تلاقى واحد تانى بينضف العربيه بالشمع ويغسلهالك غسله محترمه بره وجوه (زى التلميع الساطع فى السعوديه) ليه لأ الشباب عندنا كتير ومحدش لاقى شغل وهيبقى الفيصل الأمانه فى العمل وإتقان العمل
وده كان رأى متواضع وعن تجربه شخصيه انا لما بنزل مصر اجازه بأحرص كل الحرص انى آكل من على العربيات اللى فى الشارع طبعاً مش كلها لكن بأحرص على كده لإن ده ربنا سبحانه وتعالى بيساعده فى رزقه ان حاجاته ليها طعم مختلف
وده مجرد رأي وآسف على الإطاله
الف شكر يا نجم
يمكن يكون الموضوع قديم شويه لكن الشكر واجب لل ceo بتاعنا الكريم المنير جزاه الله خيرا وبارك له فى رزقه وعمره
والشكر للأخ صاحب اقتراح ان يكون هناك اكثر من فنى جزاه الله كل الخير على اقتراحه
وانا مع هذا الاقتراح بان يكون هناك اكثر من فنى بناء على ترشيحات اصحاب الخبره فى منتدانا الغالى وهم اهل ثقه ونقوم بتكوين قاعدة بيانات بهم - والاستفاده مشتركه
شاب عنده خبره فى حرفه ما يسعى وراء تحسين دخله
واخر يحتاج الى هذه الحرفه او المهاره ولا يوجد لديه الوقت الكافى للبحث ولا الخبره الكافيه للاشراف
الاول استثمر وقته واستفاد بمهارته ونماها والثانى وفر وقته وانجز ما يريده بتكلفه معقوله وبجوده عاليه يضمنها من قام بتجربتهم ومشرفى منتدانا الغالى
جزاك الله كل خير
تسلم ايديكم
فعلا موضوع ممتاز
و يا ترى لسه الاخ ده شغال و ممكن ييجى يفيم لى العربية؟؟
يا ترى لسه الاخ اللى بيركب فاميه بيشتغل و بيعمل للناس فى اماكنهم؟؟
ايوة لسه شغال
انا ساكن فى النزهة الجديدة هى دى تبع شرق القاهرة ةللا ايييييييييييييييه؟؟؟؟
هاها
ايون طبعا النزهة الجديدة تبع شرق القاهرة
وهو شغله في المطار يعني جنبك
لو محتاجه كلمة ونسق معاه
يا كريم معلش ليا سؤال
انا عايز افيم البابين اللي قدام بس
يا ترى تتكلف كام
تقدر تكلمه تعرف التكلفة