بكلمه بقالي يومين مش بيرد و مش عارف اوصله
عرض للطباعة
بكلمه بقالي يومين مش بيرد و مش عارف اوصله
جزاك الله خيرا
يا جماعه يا شباب
موضوع الفامية ده رخيص جدا واسهل منه مفيش
وسها انك الى تركبه بنفسك
انا ركبته فى كذا عربية وسها جدا
ومركبه عندى فى كذا مكان الموضوع بس
محتاج شوية وقت هو بياخد فى العربية حوالى ساعه بس
وشويه مجهود وعلى فكرة تمن رول الفاميه انا بجيبة ب 15 جنيه والعربية بتاخد رول او 2 رول بالكتيير اوى
لو العربية تاخد رول ونص وانت اشتريتهم ب 30 جنية واللي هايتبقي مش هاتستعملة
وبياخد في ايد المحترف ساعة شغل وده شوفته بعيني او اكتر كمان
ولو مش محترف ممكن 3 ساعات ولا 4
وتبهدل العربية ويهدر منك فامية
وكل سنة عشان نوفر مبلغ ممكن نحتسبه مساعدة لشخص محتاج عمل اضافي عشان ما يمدش ايده !!!!
انا مش بتكلم فى الفلوس او مساعدة الناس
انا بتكلم بدال تقدر تعمل الموضوع بنفسك فلية متعملوش انت
وكمان الموضوع بيبقى طعمه لذيذ اوى وانت الى بتعمله واكيد كلنا عندنا وقت فاضيين فية
زى موضوع غسيل العربية
انا بحب اغسل العربية بنفسى طول ما انا فاضى وعلى فكرة بغسلها احسن من المغسلة ودة عادى يعنى
الموضوع مش توفير فلوس
وربنا يساعدنا ونساعد كل الناس
قولوا امين
السلام عليكم
كنت عايز أعرف .. بعد الثورة و"المصري الجديد" وحرق الأقسام والشرطة اللي بتحاول تحسن صورتها
...
إيه نظام الفاميه دلوقتي ؟؟
إيه الإجراءات القانونية عشان ينزل على الرخصة؟
وإيه الدرجات المسموح بيها؟
ولا هو مافيش مسموح وكله غير قانوني :Oc_sun1[1]:
!!!
الف الف شكر يا كريم باشا على الموضوع الجميل دا وى المعلومه الجميله دى وى متشكر على الردود الجميله جدا وى بجد معلومات مفيده وى ربنا يكرم الشاب دا وى يكتر من أمثاله
انشاء الله هكلمه
أنا كلمته و قالي 120 جنيه !!!
بما إن كده استهبال أنا نزلت جبت 3 رول بـ 40 جنيه و ركبت خلاص 3 زجاج جانبي فاضلي واحد و الخلفي
أنا شخصيا شايف إن إحساس جميل إنك تعمل حاجتك بـنفسك و أكيد مفيش حد في الدنيا هيخاف على حاجتك (عربيتك, الفرش , الزجاج) قدك
هو انت ممكن السعر مايعجبكش وممكن تعمل حاجتك بنفسك
لكن ممكن كمان ماتهينوش
اشمعنى هو اللي مش هايغلي
وبعدين معرفش نطاق سكنك ايه
لان الكلام ده لمصر الجديد وشرق القاهرة بس
ممكن تكون ساكن في منطقة تضيعلة وقت كبير
أنا في مصر الجديدة
ياريت حضرتك تكلمه تسأله بدل الدفاع الشديد بدون معرفة التفاصيل
و بعدين لما يبقى ابراهيم اللي هو اسعاره في السما اصلا يقولي 80 عشان العربية شغلها سهل و اسمه عنده صنايعية و ضرايب و كهرباء و و ....... والتاني مش دافع الا ثمن الرول و الباقي في جيبه و كمان يقولي 120 يبقى فعلا لا تعليق
عامة أنا بنقل تجربة لوجه الله عشان محدش يتخم انما مش هنافسه في شغله يعني بس أنا شخصيا مبحبش ينضحك عليَّ
أكيد إني احب أساعد واحد بيكافح بس هو برده لازم يشدني
أنا مش هعلق تاني خلاص على الموضوع, اللهم بلغت اللهم فاشهد
انا مابدافعش ولا حاجة
عامة انا كاتب من اول الموضوع اني بحاول اساعده
لان في ناس وقتها اهم من الفلوس ودول اللي الخدمة دي تنفع معاهم
وهو لا بيعلن معانا ولا يعرف انترنت ولا عمره هايشوف الكلام ده اصلا
تحياتي
عندنا العربية بتتفيم ب 35 جنية وشغل اكتر من ممتاز مش عارف اية الارقام الى بتتكلموا عليها دى
ولو انى مكنتش حابب ارد على اللى بيتقال ..لكن بصفتى واحد جربت اكرم و شفت شغله و بما انى برضه حاسبته على 120 من كام يوم احب اقول للجميع ان دى ارزاق....فيه بيت و اسره مفتوحين بسبب كده
انا وجهه نظرى ان كل واحد بياخد نصيبه ولو هنتكلم على النصاحه و الاستهبال....تعالوا نسال نفسنا اشتغلنا كام مره عند ميكانيكى او كهربائى حمار و اخد فلوس على الرغم من انه بوظ مصلحش و رحناله لحد عنده
كلامى مش مرتب بس ارجو من كل واحد ممكن يجرح حد ....فليقل خيرا او ليصمت
قرأت الموضوع من أوله لآخره عشان أشوف صورة واحدة بس ..... لكن ما لقيتش :crying2:
انا برده كنت عاوز اقول اني فيمت الجولف قبل ما ابيعها ب 40 جنيه في الهرم شارع ترسا خدت ربع ساعه شغل وكان كويس جدا بس برضه دى ارزاق والراجل مابيفرضش نفسه هو بيعرض خدمه معينه بسعر معين الى عاجبه يكصل بيه والى مش عاجبه ينزل يفيم براحته فى اى حته نتاسبه اسعارها هي فين المشكله اساسا
100 جنيه ايه ؟؟؟؟؟؟؟؟؟؟؟؟؟؟؟؟؟؟ .................................................. ..
تم وقفك لمخالفه قاعده رقم 13 من قواعد وقوانين المنتدي
مشرف عام 4
يعني انت مشترك النهاردة في المنتدى عشان تدخل ترد في الموضوع ده وتقول ايه النصب ده
انت ممكن مايعجبكش السعر لكن ترد باحترام
وانا هاعمل فيك تقرير مشاركة حالا
اللي عاجبه يركب عند البيت بالسعر ده يتفضل يتصل بيه
مش عاجبة السعر ينزل يعمله عند بتاع الكماليات ب 40 ولا 60 ولا 10 جنيه محدش غصبه يعمله عنده
بتحزفوا مشاركتى ليه يعنى كل الى انا قولتو بالصباع الصغير لان حاجه المفروض بتتعمل ب 20 جنيه يتاخد عليها 80 جنيه زياده ؟؟ اعتقد يعنى المفروض اما حد يشوف حاجه مش مظبوطه ينبه الناس التانيه ولا ايه ؟؟ مش يروح يقولى هعمل فيك مشاركه ومش مشاركه ايه ده ؟؟؟؟
المشرف ماحذفش مشاركتك عشان بتقول صباع صغير ولا صباع كبير وان كان طريقة كلام غير مقبولة
حذف مشاركتك عشان بتقول عليه نصب
تفتكر مين فين اللي بينصب
انا ولا هو
20 جنية ايه اللي يتفيم بيها عربية كلها 4 شبابيك وزجاج خلفي ؟؟؟؟
تنبه الناس لماتكون بتتكلم كلام منطقي
يعني 20 جنية يجيب منها الرولات ويحسب منها الهالك والتقطيع وياخد منها مكسبه
لو نزلت عند ابراهيم في شارع دمشق هاتعرف التفييم للعربية كلها بيكون في حدود ال 80 جنية
لان في خامات سيئة وخامات جيدة
وصنايعي شاطر وصنايعي بيتعلم فيك
المفروض ان الفاميه ممنوع عشان بيخفى ما بداخل السيارة،،، مش فاهم بقى ايه المشكلة فعلا لو العربية ظاهرة بكل محتوياتها؟؟؟ هو نظام غلاسة وخلاص
[QUOTE=Merit;3872087790]مع إحترامي لكلام حضرتك فرخ الفاميه النضيف بيبدأمن 18- 22 وفيه أغلي من كدة كمان طبعا وغالبا كمان العربية بتاخد في حدود فرخ ونص يعني بيتحسب فرخين والباقي هو القيمة الحقيقية للمصنعية ، أنا شايف إن السعر هايل بالنسبة لمحلات تركيب الفاميه بالإضافة طبعا لميزة إنه ييجي لغاية عندك دي حاجة مريحة جدا ، ولو شايف السعر غالي روح شوف مثلا مكتبة إبراهيم في الكربة بيركب بكام وهتطلطع وتتعذب عنده أد إيه
انا معاك يابااشا فى الكلام دة وبعدين انت ياباشا مش عاجبك السعر بلاش تعمل عنده ( فلتكل خيرا او لتصمت ) وبلاش تقطع عيش الراجل دة بابا رزق ربنا فاتحه لية
ياجماعة انا اشتريت رول من العازل الحرارى الامريكى المهم انا عايز اكلم استاذ اكرم علشان يركب العازل فى عربيتى و عربية اخويا . الرول داه مكلفين كتير جدا و انا عايز اتاكد من الناس اللى ركبلها فامية علشان اى غلطة فى تركيب العازل الحرارى هتكلفنى كتير مش 100 جنيه او 200 لا داه اكتر بكتير فارجو من الساده اللى اكرم ركبلهم يقولولى رائيهم علشان محتاج صنايعيى شاطر يركبهملى عند البيت
طيب انا عايز اعمل فيمية اول درجة (حاجة خفيفة كدة) وتبقى علي ازرق .. ينفع؟
3la fekra el 3rabeya kolaha b 40 gneh
اللي عايز يعمل عند اكرم يعمل واللي مستغلي مايكلموش
الموضوع بسيط
ابراهيم بتاع الاستيكر في شارع دمشق بتروح وتقف ساعة على ماحد يبص على عربيتك
وبتتعمل ب 90 جنية وتسيب 10 جنية للواد
هو ابراهيم رخص اسعاره ل 90 ولا ايه يا جماعة.انا عملت عنده العربية 4 جوانب وخلفى ب 120 من حوالى 5-6 شهور وحاليا اتجرح واتبهدل وقاللى فى نوع تانى ضد الخدش ب 240 جنيه.
ايه اخر اسعار اكرم 80- ولا 120 ؟
انا ساكن فى مدينة نصر و اكرام جالى امبارح و ركبلى الفميه
طلب 130 انا دفعتله 120 (100 تركيب + 20 ليه)
بس شغله حلو و ركبه فى ساعة ونص
هل ممكن اكرم يشتغل خارج القاهرة (طنطا)
شكرا للمعلومة المفيدة
بس المشكلة فى المرور
شكرا للمعلومة المفيدة
سؤال فني ..هو سخان الزجاج الخلفي بتاع الشبورة بيأثر بالسلب على الفيميه ولا مالوش تأثير؟؟؟