اتوس الجديدة يا جماعة، ايه ظروفها ؟
العربية دي داخلة دماغي بغباء يا جماعة
النهاردة كنت في المصرية للسيارات وكنت رايح اتفرج ع العربيات الصغيرة (بيكانتو - التو - ماروتي - سبارك)، ومكنتش عارف اصلا ان اتوس لسه بتتصنع، ومندوب المبيعات اقترحها عليا ع الواقف...
سعرها 53500 بس فيها باور وتكييف وكاسيت، قعدتها عالية ومريحة وواسعة، و1100 سي سي، مكونات كوري وتقفيل هندي
بعد تفكير وتدوير انا حاسس انها افضل حاجة، يعني حرام ان الواحد يدفع 54 ألف في البيكانتو اللي مفيهاش اي اوبشنز ( ولا حتى كاسيت!)، والمقارنة مع الالتو تنتهي لصالح الاتوس بسبب فرق السعة اللترية
بس مش عارف ليه في كمية شتيمة او نقد سلبي عالي للصيانة والتوكيل هنا، وناس كتير بتقول قطع الغيار اسعارها مولعة، وطبعا انا يهمني اني مكعش نص مرتبي كل كام شهر في فانوس مثلا ...
أنا دلوقت محتار ما بينها وما بين الشيفروليه السبارك، الفرق مش كبير في الامكانيات ولا السعر، بس يهمني زي ما قلت موضوع الصيانة واسعار قطع الغيار والعربية نفسها كويسة وتستحمل ولا مطبين مثلا وحلاقيها بتشخلل؟ كمان استهلاك البنزين يهمني يبقى اقتصادي جداً لأن انا بعمل 150 كيلو يومياً على أقل تقدير
طبعا بعد الكلام ده كله الماروتي هي اسهل حل، بس انا بقول الواحد يجيب عربية فيها شوية امكانيات تريحه بدل ما يتحول لشوربة يومياً
أفيدوني أفادكم الله
