الموضوع: هل تمر مصر بأسواء فتراتها .. ؟

المشاركة الأصلية كتبت بواسطة ahmed4000

واضح ان الناس محتاجة تقرا التاريخ تانى بتمعن اكتر لان سواء اختلفنا مع الاشتراكية او اتفقنا فمفيش حد يقدر بختلف عن نزاهة جمال عبد الناصر وانه لما قاد الثور كان حاطط على نفسه حكم بالاعدام لو منجحش..اكيد مكنش بيعمل كده علشان الفلوس..كان بيعمل كده علشان اجيال طويلة بعده تيجى تتعلم وتقرا وتشتغل ويبقى متساويين مع غيرهم ويدخلوا على الانترنت يقولوا كنا نبقى فلاحين فى عزبة الباشا احسن

كما بستغرب اوى التبسيط فى معالجة قضاينا...يعنى الناس تقول يارب كارثة تيجى تهد البلد علشان تتبنى صح من اول وجديد..ياسلام

العراق فعلا نموذج واذح لكده
اللى حصله الانقلاب والهرج والمرج اللى نفسكم يحصل وماشااء الله شوفوا وضعه ازاى النهاردة...حاجة تفرح فعلا..:b4_388:

ده دايما نوع التفكير اللى بيستخدمه المجموعة اللى مش عايزة تبذل مجهود للاصلاح..هى ماليزيا ولا كوريا ولا الصين ولا حتى ايران كانت جاتلهم كارثة هدتهم علشان يقوموا؟

طول الوقت عايزين نقنع نفسينا اننا اعظم شعب فى العالم..احنا الفراعنة..احنا معدنا مش عارف ايه..ومشكلتنا الوحيدة بس فى الحكومة...لو الحكومة اتغيريت حنبقى اعظم دولة فى العالم

اصل الحكومة هى اللى مخلية الشعب معندوش ذرة تحضر سواء فى اخلاق او فى مرور او حتى فى طابور

اصل الحكومة هى اللى بتقول للناس خدوا رشاوى وافسدوا

اصل الحكومة هى اللى بتقول الناس استخدموا الواسطة والعنوها فى كل وقت

اصل الحكومة هى اللى بتقول الناس متشتغلش بذمة ولا تطور شغلك

اصل الحكومة هى اللى بتقول لو لقيت اى حاجة عامة خربها وبوظها


انا مقتنع ان لو جالنا ماهتير بتاع ماليزيا ولا اى قائد دولة متقدمة ولا حينفع معانا بنكلة

أولا رأيك محترم جدا و معاك حق في حاجات كتير بس انا هرد علي نقطة عبد الناصر :
اولا : انا كنت مدمن شيء اسمة عبد الناصر و قريت عنو كتير و كنت بحبة بمعني كنت بحبة
لكن من خلال الكتب اللي كنت بقرأها عنو سواء كانوا مؤيدين لية او لا " الكتاب "
استنتجت ان كل ما كان يفعلة عبد الناصر كان دافعة الأساسي " حب عمل مجد شخصي لية أولا "
ثم اي شيء ثاني شوف كام مرة هدد اليهود و قال اسرائيل لازم ميكونلهاش وجود وفي المقابل المرتين اللي حاربنا فيهم كانت اسرائيل هي البادئة بالهجوم و بتغلبنا سواء في 56 " و اسأل اي رجل عسكري " و في هزيمة 67
حتي سبب الإنقلاب " لثورة " اساسا مكنش علي حاجة غير بسبب إلغاء نتيجة انتخابات نادي الظبط ثم تطور الأمر حتي سموها ثورة
طبعا غير الحاجات الغير ادمية اللي كانت بتحصل في المعتقلات و اللي عملة في محمد نجيب و .. إلخ
بلاش كدة شوف المهازل اللي حصلت في اليمن و دهب مصر تاني دهب مصر اللي ترمي هناك
حاجات كتير
ياراجل دا انا لما قرأت كتاب مصطفي امين كنت هعيط من الي كنت عمال اقرأة
و كل دة شيء و الرجالة الي حطهم في اماكن حساسة شيء تاني خالص و كفاية كدة لأني محتاج سطور اكتر بكتير

لكن انا معاك في انوا كان لة كاريزما عالية جدا

المشاركة الأصلية كتبت بواسطة hegazio

أما موضوع الشعب ولا الحكومة .. فبصراحة الاتنين أضل من بعض
نحن شعب بكاء ( بتشديد الكاف ) يفضل ان يولول علي مصيبته علي ان يعمل علي حلها

لو اقتنعنا بالكلمة دى حنحل نص مشاكلنا
لكن نعيش نفسنا فى وهم اننا اعظم شعب لكن حظنا وحش جابلنا الحكومة الوحشة ده غير الغرب الوحش اللى مبيعملش حاجة غير يتآمر علينا ....يبقى حنفضل فى حالنا ده وحنتهدور اكتر واكتر

شوف كام مرة هدد اليهود و قال اسرائيل لازم ميكونلها

عبد الناصر لم يهدد اسرائيل بأي شئ


بعد حرب 67 وانتشار اخبار ان عبد الناصر سيلقي باليهود في البحر أمر بفتح تحقيق لمعرفة من اطلق هذا التصريح الذي في الغالب اطلقه اليهود من اجل الدعاية لكسب تعاطف العالم كما يحصل الان مع ايران


عبد الناصر لم يكن متسرعا و لا يفعل شئ من اجل زعامة بل كان يفهم جيدا كيف ننتصر خلاف للاخوة الاخريين الذين كان اخرهم صدام حسين صاحب مقولة الطريق الي القدس يمر بالكويت !!!

يمكنك الاطلاع علي اقوال و افكار عبد الناصر عند ملاقته وفد سوري في نهاية عام 66 جاؤا يبحثوا معه كيف يردوا علي الاستفزازات الاسرائيلية لسوريا

جمال عبد الناصر بيقول لهم أنا أول واحد فيكم يرى شراسة الاستعمار الأميركي وشراسة قوته وأرى أن كل اللي بتتكلموا عليه ده صحيح وبعدين وأنا أعلم أن إسرائيل تتصيد الفرص وليس صحيحا أن الغارات اللي عملوها عليكم في سوريا هي بسبب الفدائيين هذه العمليات أنا أراها ليست بسبب الفدائيين في نشاط فدائي من عندكم ولكن لأنهم يريدون جركم إلى معركة والموضوع أكبر، ألاقي أنه أنا مش عاوز أنكم تقولوا لي القضاء على إسرائيل لأن هذه القضاء على إسرائيل موضوع قدامه ده موضوع طويل قوي وموضوع للتاريخ ولا يستطيع جيلنا أن يتكلم في هذا الموضوع، نحن ما نريده هو واحد أن نستطيع أن نحقق قدرة دفاعية عندنا قدرة دفاعية تستطيع أن تردع إسرائيل قوة دفاعية تستطيع أن تصون حقوق الشعب الفلسطيني تعبئة عامة وشاملة نستطيع أن نحاصر بها إسرائيل ولكن بدري قوي لا بد أن تكون أهدافنا واضحة وأن يكون المدى الزمني أمامنا فسيحا، أنا سامع تصريح للملك فيصل أول إمبارح بيقول سوف أحارب أنا وأولادي بالسيوف، هذا كلام قد يكون له رنين كويس قوي لكنه لا يجدي هنا، وبعدين بيقول الأردن أنا عارف أن الأردن موجودة وأن الأردن موجودة كقاعدة عسكرية أميركية وأن فيها.. لكن في أوضاع لا بد أن من أن نكون نتنبه لها وأن تكون لدينا خطط على مدى طويل، هذه معركة لما نخش في حرب لا بد أن يكون العالم العربي كله جاهزا لتقبل معركة فهل أنتم واثقون أن العالم العربي موجود جاهز لتلقي معركة؟ واجبنا أن نعمل على تقوية جبهة شرقية يكون فيها العراق بيلعب دورا مهما جدا، أنا شايف الأوضاع في العراق والعراق في نظام صديق وعبد الرحمن عارف صديق جدا لنا ولكن السؤال ليس أن يكون ناس أصدقاء لنا ألاقي مش مسألة نوايا هنا مسألة قدرات العالم العربي أوضاعه كذا.. طيب، تعالوا نتصور سيناريو اللي بيحصل هل تتصورون.. تعالوا النهارده أزمنا أنتم أزمتم موقف في سوريا وأنا جئت مشيت وراكم في تأزيم موقف في سوريا ثم أنتم بتقولوا قوات الطوارئ واقفة حاجزا، حنشيل قوات الطوارئ مش مشكلة وبعدها نستطيع إلى أي مدى نستطيع أن نتقدم والجبهة المصرية بهذه الطريقة وأوضاعها الحقيقية كده وإحنا مشغولون في حرب في اليمن بعيد كمان وأنتم آدي أوضاعكم كده، سيبكم من كل الكلام اللي أنتم ممكن تقولوه والحرب الشعبية لأنه عاوزكم تعرفوا أن الحرب الشعبية على الطريقة الفييتنامية في أحوالنا إحنا، إحنا قدام إسرائيل، إسرائيل سوف تحولها إلى حرب نظامية، أنتم بتشوفوا -هو بيقول لهم- أنتم بتشوفوا دي مش قوة إمبراطورية جاية من بره بس كده بعيد هذه قاعدة موجودة وقاعدة مستقرة وعندها مدد باستمرار ثابت، أنا آه نحن سوف نواجهها نحن نقدر ونحن نقرر موعد المواجهة

هذا هو فكر عبد الناصر متي في اواخر عام 66 قبل النكسة و حديثه هذا هو عن توتر اخر بين اسرائيل و سوريا غير التوتر الذي نشب في مايو 67 و ادي الي النكسة

يقوله لمن?!

لمن يرونه الزعيم و القائد الملهم

و الاقوال ثابتة في محاضر الدولة المصرية

و يمكن الاطلاع علي باقي الحوار من هنا

http://www.aljazeera.net/NR/exeres/A...8-316C862CAFB0

الغريب هناك من يتهم عبد الناصر بتطرفه الشديد في عداء اسرائيل و ان هذا هو سبب ما ال اليه الأمر ...

و اخرون ينتقدون تساهله مع غارات اسرئايل المتكررة علي الجيش المصري في غزة و اعتداءاته علي سوريا و الأردن مشيرين الي انه هذا بسبب ان عبد الناصر عميل للمخابرات الامريكية و ان الثورة اساسها امريكي !!!

سبب الهزيمة كما اري ليس سوي ان وجود عبد الناصر بهذا الفكر خطير جدا علي اسرائيل

لذا تم استدراجه في مؤامرة دولية شاركت فيها دول عربية و اجنبية اما بالتواطؤ و اما بالتحريض لجره جرا الي معركة بنص حديثه في اخر 66 هو ليس مستعدا لها

و بالتالي المؤامرة علي مصر و عليه كانت كبيرة

الا انه مخطئ تماما لوقوعه في هذا الخطأ و كان من المفترض ان يفوت عليهم هذه الفرصة

فقط هذه نقطة قد تعتبر خارج السياق عن الموضوع لكن

لماذا لا نحترم رموزنا ؟!

نابليون جر فرنسا الي حروب و مغامرات عسكرية كثيرة في اطراف الأرض و مع طوب الارض كما نقول و انتهي به الامر مسجونا منفيا و البعض يؤكد انه قتل بالسم

ومع ذلك تفخر فرنسا به و تعتبره رمزا من رموزها

شارل ديجول

ماذا فعل لفرنسا

لا شئ سوي انه وقت ما كان النازي يحتل المانيا كان يتزعم جيش المستعمرات الفرنسية

لم يحرر فرنسا و لم يفعل الكثير

الا انه عد رمزا و طنيا واجب الاحترام و حينما تولي الرئاسة الفرنسية ذاع اسم فرنسا الديجولية

تستطيع نقده لكن تشويهه لا

انا مقتنع ان لو جالنا ماهتير بتاع ماليزيا ولا اى قائد دولة متقدمة ولا حينفع معانا بنكلة

أعتقد ان هذا غير صحيح

التغيير يأتي من القمة

هب أنك و مجموعة من الناس قررتم اصلاح امر ما من لامور الكثيرة التي تحتاج لعلاج في البلد

هل تستطيع ؟!

ما هي العقبات التي ستواجهها ؟

من سيسمح لك ؟

كيف نصلح حال التعليم في مصر بالجهود الفردية؟

كيف نصلح كأفراد حال المرور و خدمات الطرق و المواصلات ؟

يا اخي لو ان لك جارا لديه كلب ازعجك بنباحه لن تستطيع ان تفعل له شيئا الا اذا كنت من ذوي النفوذ

هذا ابسط شئ ...

الانسان بصفة عامة لولم يقيد بمجموعة من القوانين الرادعة و علم ان هناك عقابا اكيدا ينتظره لن يرتدع

طبيعة انسانية بشرية في كل الخلق

هناك امور كثيرة مسؤليتها ليست علي الشعب بل علي من وكل اليه قيادة هذا الشعب

انت عندما تتهم الحكومة بالتقصير لا ترمي عليها العبء كسلا بل تطلب منهم اداء ما عينوا في وظائفهم من اجله و ان لم يكن لهم فائدة و لا نحتاجهم فليجلسوا جميعا بالمنزل

ابسط مثال

انقطعت الكهرباء مرة في تسعينات القرن الماضي عن نيويورك احدي اكثر مدن العالم حضارة و تقدم

ما النتيجة

فوضي و سرقات و نهب

امن الناس شر وسائل الحماية و اجهزة التصوير و المراقبة فاندفع الجميع لصوص و غيرهم يأخذون ما تطاله ايديهم

اذا توفرت قيادة سليمة ستصبح مصر كما نحب ان نراها

كما انك رددت علي نفسك بنفسك

طول الوقت عايزين نقنع نفسينا اننا اعظم شعب فى العالم..احنا الفراعنة..احنا معدنا مش عارف ايه..ومشكلتنا الوحيدة بس فى الحكومة...لو الحكومة اتغيريت حنبقى اعظم دولة فى العالم

اذن و بما اننا مثل باقي شعوب الارض لا نتميز عنهم بشئ اذا توفرت لنا قيادة رشيدة مثلهم صرنا مثلهم و الا لماذا نتخلف عنهم مادمنا جميعا بشر لنا نفس الامكانات و الظروف

المشاركة الأصلية كتبت بواسطة bmya

صح ياباشا الحكومه ماقلتش خودوا رشوه بس مرتباتها تعبانه ومس محتاجه تقول للناس خودو رشوه

لو منطقكك كده يبقى نسامح الحرامى معلش اصله معذور والقاتل معلش اعذروه كان متغاظ
مفيش مبررات للرشوة واظن الدين مقالش لو مرتبك اقل من 300 جنيه تجوز لك الرشوة


واكيد الحكومة لو عليها تضاعف مرتبات الموظفين عشر مرات
لكن اللى يقدر يعمل كده يقول نجيب فلوس منين؟ مش حقول ان الموظفين دول مبينتجوش حاجة اصلا ياخدوا عليها فلوس..لكن ما علينا قولى اجيب منين فلوس ازود مرتبات الموظفين؟

ياريت كلام بالارقام ومن غير هتافات..(زمان قالولنا لو حتقولى يجب ويلزم وضرورة الكلام ده كل الناس حافظاه..عايز تغير قولى برنامج بخطة جاهزة وتوضح حتموله ازاى) يعنى لو حد قالى الوزراء والفلوس اللى بيخدوها حقوله بالارقام بياخدوا 90 مليون جنيه فى السنة...يعنى لو وفرتهم مش حقدر ازود مرتبات الفين موظف حتى

لان الاجور والمعاشات بتوصل ل 40 مليار جنيه

يعنى علشان تضاعف المرتبات محتاج 40 مليار جنيه...

الحل الوحيد قدام اى حكومة -لان دخلها الاساسى بيبقى من الضرايب- انها تزود الضرايب..راجعوا كده الناس عملت ايه وقت الضريبة العقارية اللى حتخلى اللى عنده شقة بمليون جنيه يدفع 600 جنيه فى السنة

راجع التريقة اللى بتتعمل على حملات الترويج للضرايب

اومال البلد تجيب منين؟

حتقولى السياحة؟ السياحة مبيدخلش منها حاجة للحكومة ده كله للافراد برده بالارقام
هو السايح بيركب تاكسى الحكومة؟ بيتعامل مع شركة سياحة الحكومة؟ بيتغدى فى مطعم الحكومة؟ بيسكن فى فندق الحكومة؟ اقصى حاجة الحكومة بتاخدها تمن التاشيرة وده كلام فاضى او رسوم المعابد والمتاحد وبرده كلام فاضى

حتقولى قناة السويس؟ قناة السويس ايرادها 30 مليار فى السنة ...نسيت اقول ان دعم البنزين لوحده 40 مليار...علشان دايما الناس تقولك هى فلوس قناة السويس بتروح فين


اللى عنده حل عملى يقوله؟ حتى الفساد اللى الحكومة نفسها معترفة بيه مبيسرقش 40 مليار، لان كل ايرادك اصلا ميعديش 150مليار


QUOTE=bmya;3872095081]الناس مبتحترمش المرور لان مفيش مرور (حكومه) عشان الناس تحترموا
[/QUOTE]

احترام المرور علامة من علامات التحضر والناس فى الدول المتقدمة بتحترمه من غير ميبقى فى عسكرى ولا كاميرا لانهم محترمين

لكن هل هنا الحكومة بتقولك اكسر على اللى جنبك...بتقولك امشى بطء على الشمال.بتقولك...الخ
ولا المطلوب ان يبقى فى عسكرى قاعد جوا كل عربية بيراقبها؟

ابدا بنفسك واحترم المرور والنظام والنظافة وبعدين انتقد الحكومة زى مانت عايز
لكن لو مبنعملش كده منحاولش نضحك على نفسنا وتعلق عدم تحضرنا على شماعة " اصل الحكومة وحشة"