حد يعرف حاجة عن الكمان (violin) ؟

**MTAK** · 30-10-2009 11:04 PM

بصراحه عجبنى اوى الاختبار
و جبت 73 %

ملحوظه
لم امسك اله موسيقيه فى حياتى غير
الطبله الفخار اللى كانت بتتباع جنب السيده ايام المولد :)
بس بصراحه كان نفسى اتعلم عود

**A.Elsheikh.01** · 31-10-2009 01:01 PM

نصيحتى ليك
هات كمان يكون سعره بسيط
نزل فيديوهات للكمان بس للبروفات التركي
اسمعها كتير
فكر فيها نظريا
حاول تطبقها عمليا
حاول فى الفتره دي تعزل نفسك روحيا عن اى شئ الا احساسك
هتلاقى نفسك بقيت مبتدأ شاطر

**amrico** · 31-10-2009 01:11 PM

المشاركة الأصلية كتبت بواسطة eng.octooo

نتيجتك ماشاء الله حلوة
هوة سماعى يعنى بتسمع اللحن وتعزفة على طول من غير قرأة النوتة صح ؟؟؟

ايوه صح، ومع الوقت بقيت ببقى عارف الحن بمجرد السمع من أي مقام سواء كان بياتي ولا سيكا ولا نهاوند ولا راست...الخ، داغير النقلات بين المقامات والإيقاعات المختلفة.
ولحد دلوقت معرفش نوتة خالص
وكانت حاجة تضحك وانا صغير، لأني بدأت اعزف وانا عندي حوالي 8 سنين، وكنت فاكر ان كل الناس بتعرف، كان عندي أورج (لعبة) وانا صغير ولقيت نفسي كل ماسمع حاجة اعزفها، وكنت ادي الأورج لوالدتي واقولها اعزفي الأغنية دي جميلة أوي، طبعا عقل عيال
وطبعا انت بتنزل حجات ليانني في الكمان لكن متنساش احنا برضه شرقيين، وفي عندنا عباقرة في الكمان (ياسر عبد الرحمن- عبده داغر)
حاول تسمع للناس دي
اما عن اصعب مقطوعات للألة دي فلواحد اظن اسمه (بجانيني) كان اسمه شيطان الكمان.
وابقا طمنا عملت ايه.