معلومه جديدة عن الصني بمليون و نص جنيه

الي احلي منتدي حصل معايا موقف اننهارده قلبي كان هيقف منه لكن نيسان و التكنولوجيا الياباني الرائعة الخطيرة خلتني احترم العربية ديه كل يوم بعد يوم العربية نيسان صني اوتوماتيك 2009

اننهارده كنت ماشي بالعربية و اذ فجأة غظب عني ضغطت علي الزرار الشمال بتاع الفتيس لما بتيجي تنقل و اذ اجيبه علي الريفيرس "r" و طبعا كلنا عارفين ان معني ان الفتيس يجي علي الريفيرس دا معناه ان الموتور بيقلب دورانه العكس لكن لو تعرفوا ايه اللي حصل مش هتصدقوا


لاقيت الموتور محصلش منه اي حاجه خالص و مرجعش و في نفس الوقت العربية بطلت مني
فغالبا ان لما جيبته علي الريفيرس قامت العربية فصلت نفسها علشان ميخدش اشعار بالكهربا انه يرجع الموتور للعكس

بس يا ريت لو حد هنا في المنتدي متمكن يشرحلنا و ياحبذا لو الباشمهندس سبعاوي الحكاية ديه و هل فهمي للموضوع كده صح

علي العموم انا بشكر ربنا اوي اوي اوي علي اللي حصل اننهارده ده لأني كان ممكن يحصلي حاجه من حركة زي ديه لأن لما كان بيحصل معايا الحركة ديه في العربية المانيوال كانت بتقطع فيها . شوفوا بقي لو حصلت في الاوتوماتيك

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

smart gearbox
made in japan

اقتباس:

---

المشاركة الأصلية كتبت بواسطة noon_eg

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

---

ممكن اعرف حضرتك بتعمل صيانه فين عشان عندى موديل 2000 ومحتاج اتعامل مع ميكانيكى فاهم
وشكرا

كل يوم بيزيد أحترامى لأسم نيسان
الحمد لله أن ربنا حفظ ليك العربية بس خلى بالك علشان تحافظ على العربية
و ربنا يبارك ليك فيها يا رب

This is Nissan
safty
powerful
stylish

حاجة غريبة جدا
ربنا سترها مع حضرتك
بس اعتقد ان ده نظام حماية فى كل الاوتوماتيك زى ماتيجى تدور وانت على d تلاقى العربية ماتدورش
وفيه عربيات كتير اتوماتيك لما تيجى تبطلها ما ينفعش تشيل المفتاح من الكونتاكت غير لما يكون الفتيس على p

اقتباس:

---

المشاركة الأصلية كتبت بواسطة noon_eg

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

---

صح كلامك تمام هو صندوق التروس فعلا مش الموتور معلش التعبير خاني

الحساس اللي بيقرا النقله بتاعتك بعت اشاره اشاره للكنترول بتاع الفتيس انك جبت الريفيرس و الكنترول بيبقى متوصل بحساس للموتور
فرفض الاشاره و الموتور بطل
ده في رايي اللي حصل
على العموم ربنا يحفظهالك بس خلي بالك لان واحد صاحبي جاب فتيس لانه و هو بيخمس جاب من 2 ل l
عربيه لانسر شارك

انا مش قادر افسر ليه العربية فصلت، بس انا عندى فى الانترا لو حاولت اجيب مارشيدير و العربية ماشية قدام و لو على سرعة بسيطة جدا ينفضلى و يقفش و ميرضاش يخش فى الحارة بتاعة ال r الا لما اقف خالص، هو اكيد ده حماية لفتيس بس مش فاهم ليه العربية عندك فصلت.

اقتباس:

---

المشاركة الأصلية كتبت بواسطة amrnader

انا مش قادر افسر ليه العربية فصلت، بس انا عندى فى الانترا لو حاولت اجيب مارشيدير و العربية ماشية قدام و لو على سرعة بسيطة جدا ينفضلى و يقفش و ميرضاش يخش فى الحارة بتاعة ال r الا لما اقف خالص، هو اكيد ده حماية لفتيس بس مش فاهم ليه العربية عندك فصلت.

---

نفس الشئ في الياريس , لازم تدوس فرامل الاول علشان تنقل الغيار الي الوضع r لكن باقي الغيارات عادي من غير ماتدوس علي دواسة الفرامل

لكن برضه ماجربتش موضوع أني أنقل علي ال r و هي ماشية و مش ناوي لأن فيه تحذير شديد في الكتالوج من الموضوع ده

اقتباس:

---

المشاركة الأصلية كتبت بواسطة se_coralsea

نفس الشئ في الياريس , لازم تدوس فرامل الاول علشان تنقل الغيار الي الوضع r لكن باقي الغيارات عادي من غير ماتدوس علي دواسة الفرامل

لكن برضه ماجربتش موضوع أني أنقل علي ال r و هي ماشية و مش ناوي لأن فيه تحذير شديد في الكتالوج من الموضوع ده

---

ما هو انا ببقى دايس فرامل و العربية (تقريبا) واقفة، لكن بيفضل مزرجن لغاية ما تقف تماما ما عندوش تفاهم فى الحكاية دية. القصة كلها انى كنت بحاول اركن و انا مستعجل.

toyota cars do what nissan did also

انا أعتقد كنت قريت فى جرنال السيارات بتاع الاهرام ان كان فيه عربيه من خمس سنين.كان فيها نظام أمان بيقول إيه انك لو إديت غيار عكسى وانت ماشى العربيه لقدام مش حترفض ولا حاجه بس حتبتدى تقلل من سرعتها تدريجيا لحد متوصل لسرعه معينه و هناك يعكس الجير حركته..عشان ميحصلش نقر فى الجير..تقريبا كانت أوبل أو حاجه ألمانى..
غالبا طبعا الحركه دى إتعممت فى كل العربيات اللى موجوده اليومين دول

وغالبا..هى مش ميزه فى النيسان وبس..أكيد كل الأوتوماتيك كده

مش الأوتوماتك بس .. المانيوال لو حاولت تجيب الغيار العكسي و إنت ماشي مش هيرضي يتعشق أصلاَ .

السلام عليكم

اولا انا برحب بكل اعضاء المنتدى مع انى مش عضو فى منتدى نيساان لكن الاعضاء هنا قمه فى الاحترام والزوق

بالنسبه لموضوع نقل الفتيس للاخ اللى بيسأل كالاتى

اولا فى الفتيس المانوال العادى يعنى فى الموديلات الحديثه انتهى فكر حاجه اسمها غيار عكسى

تصميم الفتيس الحديث لا يسمح للسائق بنقل الغيار ما دام السرعه لا تتناسب

المعروف ان نقل او تعشيق السرعات المختلفه فى الفتيس العادى تتم عن طريق ما يسمى Synchronization gear اللى بيسموها الميكانيكيه الغوايش يعنى

زمان كانت تعتمد فكره عملها على التعشيق فقط

اما الان فان فكره عملها تعتمد على التعشيق وسرعه دوران مناسبه للتعشيق

بمعنى اخر وضعوا عامل قوه الطرد المركزى للجزء الخاص بالتعشيق فلو كان السائق يسير بسرعه عاليه تتناسب مع الترس الثالث للتعشيق واراد ان ينقل على نفس هذه السرعه للثانى فانه سيلاقى صعوبه كبيره جدا او لو فرق السرعه كبير لن يتمكن من نقل هذه السرعه





اما بالنسبه للفتيس الاتوماتيك فليس عصايه الفتيس هيا التى تنقل السرعه انما هيا فقط ترسل اشاره للكنترول يونت للغيار المطلوب فى حاله الرجوع للخلف مثلا

ولكى توافق الكنترول يونت على هذه الاشاره لابد من وجود مدخلات للتحقيق من امكانيه اجراء هذا الاجراء منهم ان تكون فى وضع ثابت او سرعتها لا تتجاوز حد معين


فيقوم بارسال الاشاره لتغير مسار الزيت من وضع التعشيق الثانى الى وضع التعشيق الخلفى


ملاحظه ( الفتيس الاوتوماتيك ليس هناك تعشيق للتروس ولكن التروس جميعها معشقه دائما ولكن يحدث اختلاف نسبه التخفيض من اختلاف ضغط الزيت على الكلاتشات الموجوده بالفتيس فيكون هناك اكثر من نسبه تخفيض)



وشكرا

شكرا للتوضيح

كلام زى الفل بصراحه..الله ينور عليك..

السلام عليكم ورحمه الله وبركاته
انا عضو جديد كنت اتابع فقط اسئلتكم والردود عليها وفعلا انا بعتز باراء هذا المنتدى لوجود افراد لديهم الخبره الهائله فى السيارات ولن لدى سؤال ارجوكم الرد عليه:
انا شارى سياره حديثه نيسان صنى 2010 من حوالى شهرين ووجدت بعض العيوب الغير مؤثره وعيوب مؤثره على وهى صوت عالى للموتور بعد سرعه 120 كيلو وهذا سبب لى ازعاج بالاضافه الى الفتيس مانيوال به اهتزاز وانا واقف بالعربيه وكذلك مع المطبات وسالت مركز الخدمه نيسان قال لى هذا طبيعى للسياره حيث بها نظام اهتزاز فى الفتيس وهذا الكلام لم يدخل دماغى واريد منكم الرد على هاتين المشكلتين
اما المشاكل البسيطه فى حلها سمعت صوت فى الكرسى ال بجانب السائق لما يكون الوزن زياده وكذلك صوت فى الازاز السائق عن فتحه وجعله فى منتصف الشباك اما باقى السياره فهى ممتازه من ناحيه العفشه وادار الموتور فبرجاء سرعه الرد على فى موضوع صوت الموتور واهتزاز الفتيس المانيول وكيفيه حلهم فى مركز خدمه نيسان بالاضافه الى عيب الكرسى ال بجانب السائق والازاز ال جنب السائق
لكم جزيل الشكر
اخوكم احمد على
ورجاء الرد على فى الايميل ahmed_aly78@hotmail.com

شكرا على المعلومات القيمة دي يا شباب

شكرا على المعلومات

انا حصلت معايا نفس الموقف في صني 2009 موديل خليجي بالسعودية وكنت علي الطريق السريع وسرعتي تعدت 120 وفاجاة وقفت السيارة وكانت هتحصل مصيبة لان السيارة اللي كانت خلفي ماشية بنفس السرعة ودة عيب خطير في الصني لا مش من المفروض ان الفتيس يتحرك من الدي الي الار بالسهولة دي ودة متحقق تمام في التيدا اللي معايا في مصر مستحيل تقدرتغير من الدي الي الار وانت ماشي حتي لو بالخطا
وشكرا

اقتباس:

---

المشاركة الأصلية كتبت بواسطة noon_eg

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

---

ياباشا لاى معا حضرتك اليابانى
مش المصرى لاى كلها عبوب تجميع

شكراً على هذه المعلومة الهامة

شيئ طبيعي في اي عربيه اوتوماتيك ان الفتيس مينقلش على r اصلاً وانت ماشي !
كون ان العربيه نقلت وبطلت دي مش ميزه دي ممكن تعمل كارثه لاقدر الله

انا عندى تفسير صغير للموضوع ده ..

هو اصلا الفتيس الاوتوماتيك بيشتغل عن طريق كنترول ينيت وكل حساس بيبعت لل كنترولر الخاص بيه و بعديها بيحصل الفعل المراد بس فى الاصل بيكون فى اشارة تانية اسمها ريفرنس او ديزيرد

طبعا لو الاشارة الى جايه من السينسور تنفيزها يؤثر على الموتور او على العربية فده لايقوم الكنترولر بتنفيذة وده لان هوه متبرمج على كدة .

ولكن انها تقف دى يبقى هى عملت نصف المشوار

لان الموتور علشان يغير من اتجاه من امام الى خلف دة بيتعمل عن طريق توقيف الحركة اى مثلا يعمل الى الامام ثم لازم يقف ثم يعمل للخلف.عن طريق ميكانيكل انتر لوك(مانيول) او اليكتريكل انتر لوك(مانيول او اوتوماتيك) او سوفت وير انتر لوك(اوتوماتيك)عن طريق الكمبيوتر او ميكرو كنترولر بداخل السياره

وده الى بيفسر ان فى العربيات المانيول حتى لازم الغيار الخلفى ياتى من حالة السكون او بعد عمل فرملة .

وان كانت فى الاوتوماتيك لايكون هذا الشىء ملحوظ لان كله كمبيوتريزد.

معلش طولت عليكم شويه



ملحوظة : اعتقد ان صندوق التروس هو المتحكم فى نقل السرعة وليس فى اتجاه الحركة . ودة لان صندوق التروس بيجيلوا اشارة واحدة فى لانوع مع اختلاف فولتها لكى تتناسب مع السرعة

بصراحة 100% يا باشمهندسة ... كلام ممكن نقول انه واقعي و صح
و فعلا انا بشكر كل اللي ردوا علي الموضوع ده بالذات لأنه موضوع مهم جدا و كانت هتبقي مشكلة لو مكنتش التكنولوجيا ديه موجوده في الفتيس الاوتوماتيك للصني
كانت هتبقي كارثه حقيقية

و الله اوبشن جميل

طيب مانا عندي فالسويفت مانيوال ولو كنت ماشي اكتر من 20 كم فالساعة مبيديش رجوع والفتيس مبيديخلش الحارة بتاع الرجوع من اساسه

على فكرة نفس الموقف حصل معايا في التيدا على سرعة 90 ضغطت على الزرار ونقلت من d الى r بس خدت بالي قبل ما اسيب الزرار ورجعته تاني ومحصلش أي حاجة غير إني قلبي قفل العداد بتاعه

والله نيسان تكنولوجيا عريقة واسم له وزنه بين شركات السيارات العالمية
وربنا يستر على الجميع

دة عيب مش ميزة المفروض من الاساس مينقلش اصلا ...

على فكرة الموضوع حصل معايا والعربية بطلت ... لكن المشكلة مش فى دى المشكلة وفرضا انت ماشى على 100 وساند ايدك على الفتيس الأتوماتيك .. الفتيس هينزل معاك الى 2 ودى مشكلة طبعا من نقلة سرعة 100 الى تقلة فتيس تانى .. الموضوع حصل معايا فعلا لكن على سرعة بطيئة الحمدلله.

دى على كده يبقى عيب خطير مش ميزه خالص والمفروض عصايه الفتيس ماتجبش من ال d الى 1 او 2 الى من الثبات, ياريت لو حد فاهم يفهمنا معاه

اقتباس:

---

المشاركة الأصلية كتبت بواسطة abo_anas

دى على كده يبقى عيب خطير مش ميزه خالص والمفروض عصايه الفتيس ماتجبش من ال d الى 1 او 2 الى من الثبات, ياريت لو حد فاهم يفهمنا معاه

---

تيجي عادي جدا من الd لل للنقلات الأقل علشان لو عايز تقرص على النقلات أو طالع مطلع جامد أو نازل برده منزل جامد تعمل أنجن بريك علشان أمن من الفرامل لوحدها