كمين فى المقطم .

**Terrible_DaRsH** · 30-10-2009 01:47 AM

كنت واقف عند مستشفى تبارك للاطفال فى المقطم النهارده و لاقيت كمين اتعمل فجاة قدام المستشفى .

مكون من 2 ظباط و عساكر و 2 امناء .

بيوقفوا اى حد مخالف ( حزام - فاميه - كشف رخص ) و بيوقفوا الميكروباصات و ينزلوا منها اى حد شكله مش عاجبهم .

تمام لحد دلوقتى و انا سعيد ان فى حركة انضباط موجودة .

فجاة الظابط وقف واحد بيلف و قالوا انت ماشي عكس و نزله اخد منه الرخصة و عمل له مخالفة و الواد بيحلف انه ميعرفش انه عكس و فعلا مفيش لوحة او اى حاجة محطوطة بس لبس مخالفة و مشي .

شوية و شاب راكب جولف و مركب فاميه اسود غامق جدا و قافل الشبابيك كمان و بيتكلم فى الموبايل و مولع سيجارة و معلى الكاسيت ! تخيلوا !

انا قلت ده هيتحبس النهارده خلاص :) , دخل عليه الظابط و قاله رخصك و اركن على جمب , بدل ما يطلع الرخص طلع كارنيه معاه راح الظابط قاله اتفضل يا باشا

بعدها واحد عدى بلانسر و مشي عكس و كان مفيم هو كمان و الله :) طلع الظابط يعرفه قاله اتفضل يا باشا و خلاه يمشي عكس و الدنيا لذيذة جدا ..

بجد ده يبقي اسمه ايه ؟؟ انا لو مكنتش فى المنتدى كنت قلت كلمة وحشة و الله :( .

ذنبهم ايه الناس دى تدفع فلوس وتتسحب رخصهم و ناس تانية بيتضرب لهم تعظيم سلام!!

ليه الفساد ده ؟؟ هو على راى المثل حاميها حراميها !!

و الله لا املك سوى حسبي الله و نعم الوكيل .

**Mohamed.Ramah** · 30-10-2009 02:11 AM

بردو الحركة الزبالة بتاعنت الكارنية والواسطة دى بتتعمل هما امتى حيطبقوا القانون عن الكل وفالحين بس يصورو بوكس متكلبش ويقولك احنا بنطبقوا على الكل صباح الكوسة حسبى الله ونعم الوكيل ناس معدومة الضمير