هما ليه مش فاهمين إنهم هما اللي جايين عندنا !؟
كل ده ضد مصلحتهم يعني ! لأن ده هيشحن المصريين ضدهم أكتر
عرض للطباعة
هما ليه مش فاهمين إنهم هما اللي جايين عندنا !؟
كل ده ضد مصلحتهم يعني ! لأن ده هيشحن المصريين ضدهم أكتر
لم اتصور ان تصل بهم الوقاحة وقلة الادب والسفالة الي هذه الدرجة ابدا
لابد من احتجاج رسمي عنيف من السفارة المصرية واستدعاء السفير الجزائري في القاهرة وابلاغه الاحتجاج الرسمي وتحذيره من تكرار هذه الافعال الصبيانية والا يتحملوا مسئولية ما سيحدث للاعبيهم ومشجعيهم الذين يساتون للقاهرة
الموضوع لازم ياخد شكل احتجاج دبلوماسي
دا غير جهود من وزارة الخارجية لتأمين المصريين الموجودين في الجزائر، الناس دول اتجننوا، وحتى الكلام بتاع قلة منحرفة او شرزمة ضالة لازم مايناموش عليه،
التعصب ممكن يخلي القلة القليلة دول يدبحولهم واحد مصري ويلبسوه فانلة ابوتريكة
فعلا الكورة ببساطة ممكن تفرق الشعوب
الله يهدينا وشباب المسلمين
بدل ما نكون مع بعض وننصر بعض
اقول يعنى
خلاص فعلا
حالنا بقى حال
وخناقة على المونديال
يا اخى ملعون المونديال اللى يخلى العرب يعملوا كدة
عادي شوية مجانين ... والموضوع ولا يستاهل انه يتقال في الإعلام ولا تدخل دبلوماسي ولا اي كلام من ده
بس لو رجاله بصحيح يعملوها هنا في مصر ويستحملو اللي هيحصلهم بقى
بس اتمنى مايطلعش من عندنا مجانين برضو ويحرقوا علم الجزائر وخلونا احسن منهم
معلش شباب وعندهم شوية حماس
ونفسهم يطلعو كاس العالم زينا تمام
بس ازاي يعني يعملوا كدا
الناس دي عقلها فوت خالص
وفيوزاتها ضربت خالص
بس فعلا فعلا اللي بيقدم البرنامج ده مش فاكر اسمو ايه
موراهوش حاجه غير انو كل يوم يتكلم عن مصر والجزائر
كل اما اعدي من ادام التلفزيون الاقيه شغال وبيتكلم عن مصر والجزائر
بدل اما بيطفيها بيولعها
يلا ما علينا انا مليش في الكوره اصلا:36_6_3[1]:
تخلف ..............مع احترامي للمتخلفين
بس التخلف انواع
فيديو مفبرك من مدحت بيه شلبي. الفيديو سنة 2004 وتم حرق الفانلة المصرية بتاعت الكورة...وليس العلم المصري. وهتلاقي الفيديو فيه شوية عيال مش أكتر وشكلهم مخمور كمان!
هو ليه الناس بتنسى بسرعة ان الجزائر دي بلد المليون شهيد و إن الجزائر دي هي اللي حطت 100 مليون دولار في حساب مصر مع السوفييت ايام الحرب مع الصهاينة؟ وليه الناس بتنسى ان لولا مصر لما قامت ثورة جزائرية أصلاً؟
تركيا لعبت مع أرمينيا ماتش كورة رغم مابينهم من خلافات فظيعة تاريخية ومذابح و الكورة قربتهم من بعض. اما احنا فلله الحمد زي كل حاجة بنستخدمها غلط الكورة بتفرق بينا وبين شعب كان بيننا وبينهم دماء مشتركة!!
اموت واعرف مين اللي بيستفيد من تذكية فتنة زي دي مش هتفيد حد ابدا لان العلاقات مع الجزائر عميقة جدا جدا
يا جماعة فككوا من الحوارت دي.. الملعب هو الفيصل.