الفتوات كلهم بيشجعوا مصر واحنا معاهم
عرض للطباعة
الفتوات كلهم بيشجعوا مصر واحنا معاهم
الموضوع انا حسيت إنه بقي مستفز أوي لدرجة إن فيه ناس نسيت إننا عايزين نكسب عشان نصعد كأس العالم!
و بقي الموضوع إنتقام و تأديب الجزائر و خلاص .. و ده هيخلينا نبعد عن هدفنا كتير و طبعاَ مش كويس.
هما عصبيين و بيحبوا منتخبهم فوق كل شيء خلاص حقهم لكن التصرف ده من مجموعة شباب عمرها ما تعبر عن دولة زي اللي بنشوفه من مجموعات من الناس مثلا الاسمعلاوية .......يعني انا كنت بأشتغل على طريق النصر و يوم ماتش الأهلي و الأسماعيلي من الصبح نلاقي مكروبصات الأسماعيلية جاية محملة عالأخر و كله على نغمة واحدة غنا و شتيمة عيني عينك للأهلي و كله في نفس واحد و خاصة شتيمة الأم المشهورة و بعدها يا أهلي!!!!!!
لكن الفيصل كان الملعب دائما و أبدا و في الأول و الأخر لما بنشوف شوية الناس دي ما بنقولش اي واحد من الأسماعيلية يبئى ارهابي و مجرم لأ بالعكس دول حتة من بلدنا و أهلنا و أخواتنا مهما عمل قلة منهم...
و كذلك الانجليز لما بيروحوا يخربوها في أوروبا في أي بلد و يكسروا و يضربوا و الشرطة تعتقلهم و تبهدلهم حد مشي يحرق في علمهم و لا قال انجلترا دي عدونا و لا حرامية و متخلفة......كلنا لازم نفرق بين التعصب و البلد اللي ينتمي لها المتعصبين.......
و ان شاء الله الرد في الملعب و كله هيأخد نصيبه اللي ربنا كاتبهوله......
و رجاءا ما نلاقيش في الاستاد غير الرجالة.........مش بنات و جماهير الأيس كريم و جماهير بورتو مارينا ..........ده ماتش مصر مش حفلة تامر حسني يا أنسة انتي و هيه...............
الجزائر مش عدوتنا على فكرة!
لا ماتقلقش جماهير بورتو مارينا تلاقيهم دلوقتى فى بورتو غارب مش فاضيين لماتش الجزائر
اما بقا الانسات فمحدش يقدر يمنعهن من الحضور
الا الخوف من اى انهيار عصبى نتيجة اى صدمة ممكن تحدث من نتيجة المباراة ربنا يستر
ياريت نركز فى تدريبات اللاعبين للاستعداد للمباراة بدل ما نفكر فى الجزائر بيعملوا ايه وما بيعملوش ايه
دى مبارة وهتخلص لصالح احد الفريقين وفى النهاية لن نخسر عروبتنا من اجل مبارة ولا من اجل كأس العالم فى كرة القدم
انا مش متفائل ب 14/11
قلبي حاسس ان فيه مصيبة هاتحصل..
و الدم هايبقى للركب
ربنا يستر!
:120146bانا مش هشوف المتش هيبقى صابح عليا لمتحنات ميد تيرم:120146b
دعوتكم لبا وللمنتخب
مش عارف أبقى عاقل
لو شفت واحد منهم هضربه وبعدين أزعل إنى ضربته!!!!!
وأظن فى الملعب سواء فزنا أو خسرنا لازم الفريق بتاعهم يتروق قبل وأثناء وبعد المباراة
شكل المبارة هتتلغى بسبب الشغب!!!