الموضوع: حرق العلم المصري في الجزائر (الشقيق)

يا جماعة بلاش الطيبة و المجدعة الزايدة دي
هما طيبين بس عصبيين في الكورة بس
علي عيني و علي راسي
بس هما مبيعملوش كده غير مع الفرق المصرية
طب ماشي الفيديو متفبرك و قديم ( هوا و لا متفبرك و لا قديم )
افتكروا سنة 78 دورة الألعاب الأفريقية بالجزائر
مباراة في سنة 82 و في القاهرة دوروا الضرب في اللعيبة و في الأمن
سنة 89 بلومي فقع عين دكتور مصري
احداث عنابة 2002 مكنشي عندهم أمل و رموا طوب و شماريخ و اللاعيبة معرفتشي تسخن و الماتش اتوقف تلت مرات منهم مرة تلت ساعة و الطوب اترمي من كل حته كل ده عشان تصعد السنغال علي حساب مصر
اللي حصل لفريق الاسماعيلي في الجزائر
اخر مباراة في البليدة
و مفيش فريق مصري بيسلم
اخر حاجة رئيس الاتحاد الجزائري كان في مصر بيقولك احنا أخوة و حبايب طلع منها علي جنيف فقع وشاية في مصر نتيجتها تهديد من الفيفا لمصر لضمان سلامة اللاعبين و الجماهير الجزائرية
بتقولوا دي كورة و بس
ماشي لما تسمع الفاظ في المواقع الجزائرية زي مصرائيل و منتخب ليلي علوي و حاجات تانية مقدرشي اقولها لاتوقف
يا جماعة البادي أظلم
عايزين أخوة و روح رياضية
علي عيني و علي راسي
يوم 15 نوفمبر الكورة في ملعب الجماهير الجزائرية
أول لقاء لفريق مصري في الجزائر تثبت العكس و تثبت انها مش كده
رغم اني واثق انه هيكون نفس السيناريو بتاع كل مرة تصفير اثناء النشيد ، شماريخ ، طوب ، تكسير الاتوبيس ، شتيمة
احنا مش هنوصل لمستواهم بس متوصلشي للطيبة دي تضرب علي قفاك و تقول انا الكبير ،، كبير ايه بقه ؟؟

معلش بس البنات بيدوا منظر حلو للاستاد ازاي بأه؟ و هو المطلوب التشجيع و الحماسة و لا المنظر؟ انا عموما مش بأيد خالص إن البنات و السيدات تروح الاستاد خصوصا في الماتشات الحساسة اللي زي دي

عموما الاختلاف في الرأي ميغيرش فكرة ان كلنا عايزين مصر تكسب البنات راحوا او مراحوش مش ده موضوعنا
بس صدقني انا كبنت ليا في الكورة او مليش حماسي وتشجيعي ميقلش عن اي ولد