الصيانة القادمة للعربية يا جماعة مصيرية! لأن العربية فيها مجموعة مشاكل تقشعر لها الأبدان .. و هي :

1- علبة الدركسيون عايزة تتغير
2- كمبروسر التكييف عايز يتغير
3- الدركسيون معووج (زوايا)
4- الإنذار اللي مركبه في التوكيل باظ و مبقاش يقفل
5- صوت تكتكة من الدركسيون عند الحركة في خط مستقيم من الثبات
6- صوت صرير عند الحركة الخلفية في أي إتجاه (غالباَ رولمان بلي العجلة اليمين قدام)
7- الباب الخلفي يمين بيزيق .
8- كل الكارتيرات مفكوكة!
9- الفرامل خفت و شكلي كدة هغير تيل .

ده إلي جانب الصيانة العادية اللي هي روتيشين و زيت و فلتر و بتاع .
انا كدة عايز روقان في الصيانة دي و مساحة من الوقت عشان المشاكل تتحل لأن بصراحة حاسس لو رحت التوكيل و قلتلهم كل ده ممكن يقولولي بيتها مثلاَ و ده مينفعش معايا أو مش كل المشاكل تتحل .. هل الموضوع يستاهل أروح أعملها في مركز الرزق ولا إيه رأيكم ؟ عشان يبقي عندي مساحة أتابع و أجرب و كدة قبل ما أمشي .