الموضوع: فرش السيريون من التوكيل ولا بره ؟

انا اشتريت الكسوة الجلد دي من التوكيل بـ 330 جنيه وركبتها برة.
ميزة اللي هاتجيبه من التوكيل عن بتاع عزبة سعد إن بتاع التوكيل عليه لوجو دايهاتسو وموديل العربية
انا بصراحة مش عاجباني خالص بس ولادي كانوا ابتدوا يبهدلوا العربية جامد ومكنش فيه استطاعة اني أفصل فرش كويس فاستسهلت واسترخصت حل الكسوة ده.
لما قريت تجربة الأستاذ أسامة علام هنا عملت زيه بالظبط وركبت عند نفس المحل كمان.
في الأزاريطة قريب جداً من سان مارك.
تجربة الأستاذ موجودة على الرابط

اقتباس من كلام الأستاذ أسامة

بالنسبة للسروجي الموضوع ده مش محتاج سروجي شاطر اوي لأنه مجرد تلبيس فرش مش اكتر. انا عملته في اسكندرية عند سروجي اسمه ايمن مكانه فالشارع اللي بيطلعك من كبري الجامعة للبحر حتلاقيه علي شمالك بعد ما تعدي شارع بورسعيد هوه اخد 280 جنيه كالآتي :
50 جنيه تلبيس الفرش (150 فالتوكيل)
200 جنيه فرش ارضية (400 فالتوكيل)
30 جنيه فرش شنطة

بس اتهيئلي ممكن تفاصل شوية

المشاركة الأصلية كتبت بواسطة osama_alam

ابو حمزة مكنتش عارف انك ركبته مبروك عليك بس سيبك انته الجلد في العربية مع بهدلة العيال حاجة تانية فوطة مبلولة كده وكله يبقه تمام وبعدين ملمع جلد يخليه كانه لسه جديد مبروك عليك وربنا يباركلك ان شاء الله

ربنا يبارك فيك يارب
وكفاية مساعدتك في الموضوع ده.
وأنا لو كنت أعرف إن ذكر اسمك هايرجعك بعد الغيبة الطويلة دي كنت كتبت من زمان :)

المشاركة الأصلية كتبت بواسطة wamaonline

ألف شكر يا رجالة على الكلام المفيد ده

بس هى ف سؤال .. أنا معايا ورقة أسعار قطاع غير و حاجات التوكيل لل سريون ٢٠٠٩ . فيها سعر الفرش الجلد بي ٣٠٠ و الفرش ماتيريال عامل ٣٥٠ ! هو إيه ماتيريال ده ؟ و ليه بيكلف أكتر .. هل شكل أفضل ؟

و كان ف واحد صاحبي بيقولي إن فرش الأرضية بيخلي شكل العربية وحش .. هل الكلام ده سليم و حصل معكم ؟

و أخر حاجة .. بتاخد وقت أد إيه علشان الفرش عند السروجي ؟

انا معنديش فكرة بصراحة عن الفرش ماتيريال ده.
بس هو معروف إن سعر الفرش في التوكيل كان 300 جنيه غير شامل الضريبة
يعني 330 بالضريبة.
مسسالة شكل الأرضية ده نسبي وبيرجع لك إنت لأن ممكن يكون عاجب حد وميعجبكش والعكس.
بس بصراحة هو بيحمي أرضية العربية من لزق التراب فيها.
لو تحب شرفنا في المقابلة وأوريك اللي عندي في العربية أهلاً وسهلاً بيك.
أما الوقت فانا اللي ركبت عنده الفرش والأرضية أخد فيها وقت 5 ساعات متواصلين.