الله يبارك فيكم .. ان شاء الله بكره أخلص موضوع الفرش .. السروجى هيفصل فرش جلد أسود فى رصاصى وهيفرش الأرضية والشنطة ، وربنا يسهل يا رب ويطلع حلو ولو عجبنى هاحط صوره برضه.
عرض للطباعة
الله يبارك فيكم .. ان شاء الله بكره أخلص موضوع الفرش .. السروجى هيفصل فرش جلد أسود فى رصاصى وهيفرش الأرضية والشنطة ، وربنا يسهل يا رب ويطلع حلو ولو عجبنى هاحط صوره برضه.
فعلاً فيه فرق كبير وواضح
يعنى أنا حتى الآن مازلت فى مرحلة اختبار لنصف الشنطة المتشمع والنص اللى مش متشمع ، وهاستنى على كده شوية لغاية ما أعرف امتى مفعول التشميع بيروح.
أولاً : لما بانزل الصبح وأشوف التراب على الشنطة بألاقيه أكثر كثافة بشكل واضح جداً فى النصف الغير متشمع عنه فى النصف المتشمع ، لأن الجزء المتشمع مش بيسمح للتراب ان يلزق عليه فالهوا بيطيره ويكون التراب طبقة رقيقة على عكس الجزء الغير متشمع
ثانياً: عند مسح التراب بالفوطة ، يكفى جدا انك تهش التراب مش مسح بالمعنى المفهوم علشان النصف المتشمع ينضف ، أما النصف الآخر فبالمسح تلاقى التراب بيتنقل من مكان للتانى وتحس انه لازق ، ولازم تمسح مرة ، وبعد كده تنــطــر الفوطة عشان تشيل التراب اللى عليها وتمسح تانى ..
(ملحوظة : الفوطة عادية مش زفرة)
أما استخدامه فمافيش أسهل منه ..
هو بيبقى برطمان فيه الشمع زى الكريم كده وبييجى معاه سفنجة ، بتحط السفنجة فى الكريم وتمسح بيها العربية فى حركة دائرية لغاية ما تغطى الجزء المراد تشميعه ، وبعد كده تنتظر عشر دقائق لغاية الشمع ما ينشف على العربية ، وبعد كده بفوطة قطن ناعمة (ممكن فانلة داخلية قديمة مثلاً) بتمسح الشمع الناشف ، هتلاقى لمعان مبهر للجزء المتشمع عن الأجزاء الأخرى.
وفيه أنواع كتيرة فى السوق وكله شغال ..
شوفوا الموضوع دة وادعولى
http://www.nilemotors.net/Nile/23055-a.html
موضوع عظيم والصور ممتازة .. بس أنا شايف ان بما إن عربياتنا لسه زيرو وبخيرها ، فالبوليش والكومباوند مالهومش لازمة علشان هيبقوا حاميين عليها وكفاية الشمع فى البداية ..
بصراحة موضوع الكاميرا والشاشة ده تحفة .. إختراع بصراعة ربنا يباركلك في العربية ويديك خيرها ويكفيك شرها ويمتعك بيها في الخير إن شاء الله
شكراً يا آش على تشريفك الموضوع ..
وفعلاً يوم بعد يوم بأدرك قيمة الكاميرا الخلفية ومش عارف من غيرها كنت أعمل ايه خصوصاً وأنا طالع من 128 ومش واخد على العربيات اللى مابتشوفش أولها من آخرها.
الفرش يا جماعة طلع تحفــــة ..
أنا كنت حاطط ايدى على قلبى ، خصوصاً ان السروجى أخد منى فقط الخطوط العامة فقط واتصرف بعد كده من دماغه ، بس الحقيقة طلع فنان ، وكويس انى سبته يتصرف ..
احنا كنا متفقين على فرش أسود فى رصاصى ، قام راح لف على أسود يكون فيرانى غامق مش أسود غطيس علشان يبقى نفس لون تابلوه العربية ، وكمان التحبيبة اللى فيه هى نفس التحبيبة اللى فى التابلوه ، فتحس ان الفرش فابريكه لأن هو والتابلوه حاجة واحدة ..
ده غير الاتقان فى العمل وعمل غرزة بارزة كده على الحواف مديه الفرش فخامة ..
وعمل فرش جلد كامل للأرضية ميه ميه ، وكذلك عمل فرش للشنطة فيه تجزيعة لطيفة. مع عمل حواف مرتفعة حسب طلبى.
وبالنسبة للأسعار فالسعر شامل كل حاجة (فرش وأرضية وشنطة) كان ألف جنيه فقط لا غير ، وأنا شايف ان ده سعر ممتاز على حسب ما شفت الأسعار فى القاهرة والأسكندرية.
أنا رحتله يوم التلات ، فك الكراسى والكنبة عشان يشتغل فيهم براحته ، وحطلى كرسى بتاع عربية 128 علشان أروح العربية
وجيت له بالعربية الأربعاء صباحاً عمل فرش الأرضية والشنطة وركب الكراسى من الساعة 11 صباحاً إلى الساعة 2 ظهراً.
مش هاعرف أوصف .. وهاسيبكم مع الصور ، بس تأكدوا ان الحقيقة أحلى بكتييييير ....
http://www9.0zz0.com/2009/11/13/00/119041642.jpg
http://www9.0zz0.com/2009/11/13/00/420694560.jpg
http://www9.0zz0.com/2009/11/13/00/291368794.jpg
http://www9.0zz0.com/2009/11/13/00/420694560.jpg
http://www9.0zz0.com/2009/11/13/00/684649950.jpg
http://www9.0zz0.com/2009/11/13/00/714268347.jpg
http://www9.0zz0.com/2009/11/13/00/222721443.jpg
بسم الله ما شاء الله
لذيذ اوى الفرش يا زيزو ولونه جميل وهادى
الف مبروك يا باشا وربنا يباركلك فى عربيتك