الميكانيكي قالي الاتنين بيرينج عايزين يتغيرو

**ashraf_msd** · 30-10-2009 09:09 PM

السلام عليكم ورحمه الله
كليو 2006 اوتوماتك
فجأه كده وانا ماشي لاقيت صوت فظيع جاي من ناحيه سير الماكينه
مع ريحه مطاط كأن سير بيتاكل
الميكانيكي قالي الاتنين بيرينج بتوع سير الماكينه عايزين يتغيرو
السؤال يا شباب....
هل ممكن الاتنين بيرينج دول يعملو كده ولا احتمال يبقي حاجه تانيه؟ طلمبه باور ولا حاجه؟
والاتنين بيرينج دول وظيفتهم ايه فالعربيه؟
ودول علامه علي ان العربيه بدئت تظهر فيها المشاكل ولا استخدام عادي؟
وتقريبا سعرهم كام بالتركيب؟
والف شكر مقدما

**samirayad** · 30-10-2009 10:04 PM

مهما كانت التكاليف
أسمع كلام الميكانيكى وغير السيور بالبلى اللى بيشتغل عليه السير
لأن ممكن يكون ده سير كاتينه وبكرة شداد تقلت ولا حاجه
ولو سير خارج الكاتينه
يبقى ممكن يكون سير شغال على طلمبة باور

المهم خليك واقفله وهو بيشتغل وشوفه حيعمل أيه

**ashraf_msd** · 30-10-2009 10:14 PM

الف شكر يا هندسه عالرد
والله انا في قطر مش في مصر وللاسف مش هقدر اتابعه
هوا بيقولي السير اللي بره ده اللي بيدور كزا حاجه مع بعض كده serpentine belt
بيقولي السير مافهوش مشكله المشكله فالاتنين بيرينج (بلي ) عايزين يتغيرو
انا بس مستغرب هل الاتنين دول ممكن يبوظو فجأه كده ولا ايه
ولو غيرتهم ممكن تبقي في حاجه تانيه هيا اللي بوظتهم وعايزه تتغير ولا ده استخدام
علي اساس لو بدايه مشكله هبيع العربيه وخلاص

**samirayad** · 30-10-2009 10:51 PM

لا دى حاجه بسيطه لا تستعدى بيع العربيه
يمكن تكون بلية دينامو أو بلية طلمبة باور قافشه وتقيله شويه
وغالبا هو بيلعب وعاوز يفتح فى المصاريف
وصعب أوى بليتين يبوظوا فى وقت واحد على مكونين مختلفين
آه ممكن بليتين الدينامو يبوظوا مثلا
وبرضه كل دى أسباب لاتستدعى التخلص من العربيه
وده وضع عادى جدا ووارد مع أى واحد