هههههههه انت جيت فى ملعبى
انا كان عندى سيات قعدت معايا لمده سنتين ليها اجمل ذكريات معايا
مشكلتها فى السخنيه ملهاش حل بجانب لما بتفتح فى المصاريف بتزهقك
نصيحتى ابعد عنها وادخل فى 128
عرض للطباعة
هههههههه انت جيت فى ملعبى
انا كان عندى سيات قعدت معايا لمده سنتين ليها اجمل ذكريات معايا
مشكلتها فى السخنيه ملهاش حل بجانب لما بتفتح فى المصاريف بتزهقك
نصيحتى ابعد عنها وادخل فى 128
ياااااااااااااااااااااه.... فكرتنى بالسيات......
بص يا سيدى.....
انا هقولك تجربتى وانت احكم......
السيات كانت اول عربيه اشتريها من مالى الخاص.....
عدلت كل حاجه فيها.....
الفلانشات..... كبالن.....
موتور السيات.....موتور 127....وعملتلوا عمره كامله كمان عشان خف شويه....
التبريد...ريدياتير المانى ومروحه كهربا 4 ريشه قويه جدا بزرار إضافى بجانب الترموستات....
المارش .....اتجدد تمام....والدينامو كذلك...
التابلوه.....تابلوه 127
الطاره بتاعه السيات الضخمه السخيفه دى....طاره اسبور....
الفتيس ...وضبته عند واحد مشهور جدا بتاع فتيس جنبى فى شبرا.....
وكاسيت وسماعات وفرش وكل الكماليات.....
النتيجه.......عربيه متسترش......
صحيح ارحم من التاكسى والاتوبيس والمواصلات...وإقتصاديه فى البنزين ...لكن هتقضى كل اجازاتك عند الميكانيكى وهتتعرض لكل الاشتغالات الممكنه....ووقت البيع هتخسر فيها مبلغ محترم....
أنا صرفت عليها 11000 جنيه......واتقللى فيها 5000 جنيه ...
فهى بجميع الحسابات خساره .....
انا شايف من الكلام ده ان العربية دي مقلب والحمد لله اني لسة مشترتهاش وشكرا علي مشاركتكم
بسم الله الرحمن الرحيم
من خلال تجربتى مع السيات133 ممكن اقولك انا العربيه دى زيها زى اى عربيه لها مميزات وعيوب
المميزات : سعرها رخيص بالنسبه لعربيات كتير(على شرط انك متصرفش عليها مليم عشان تجددها يعنى تشتريها من واحد عامل فيها تعديل يعنى يكون مسقط موتور 127
وضايف مروحه اضافيه128 للسياره ومعدل دوره التبريد وتكون العربيه حالتها العامه تمام
كده انت كسبت سياره تمام بسعر رخيص.
عيوبها:العيب المعروف للناس كلها (سخونه الموتور العاليه)
وقطع الغيار غليه وقليله(يعنى مره الميكانيكى قلى عايز مسمار وش سلندر لفيت عليه السوق ملقتوش فى الاخر جبت مسمار 127من محل قطع غيار مستعمله ب10جنيه المسمار الواحد الى لقيته هعمل ايه.
خلاصه الكلام عشان تشترى عربيه سيات لازم تكون حلتها تمام ودوره التبريد معدله اياك تقول هشتريها وبعدين عمل الكلام ده لا هتصرف علها كتير وفى الاخر هتخسرررررررررر
الحل التانى انك يكون عندك(صبر الجمل ومراره الفيل )عشان تقدر عليها
والله اعلم.
اية ياجماعة مفيش جديد فى الموضوع دة ولا اية
انا كان معايا 3 عربيات سيات ورا بعض
وكل واحده ليها حاله وقصه
بس انا شايف ان الردود كلها غير مشجعه انى اتكلم عنها
بس حقول حاجه لو عاوزين تعرفو العربيه دى
افتحو جوجل واكتبو رابطه الغلابه اصحاب السيات 133 واقرأو الرابطه دى وانتم تعرفو اى حاجه فى الدنيا عن السيات
ملحوظه انا مؤسس الرابطه من كذا سنه
بص يا سيدي أنا معايا سيات 133 لحد النهارده على فكره أنا من اسكندريه كل يوم باروح شغلي بيها مسافة 30 كيلو بالضبط بعد قياسها عل جووجل ارث يعني في الشهر مع كام مشوار شخصي تعمل حوالي الف كيلو
و بحوشلها كل شهر من مرتبي 100 جنيه للصيانه و كمان 100 جنيه بنزين
و اخيرا في رأيي الشخصى المتواضع ان 200 جنيه في الشهربعيدا عن بهدلة المواصلات و جشع التاكسيات أمر جيد جدا
و ربنا يرزقنا بعربيه احسن
اعلى شويه وفكر فى البيتلز
فكرة جديدة لانج اتمنى انها تناقش لانى بصراحة عايز اعملها فى عربيتى
اول اعرفكم بنفسى انا خالد الزهرة من الدقهلية ومعايا عربية سيات 133 بيضاء طقم صوت وازاز كهربا
جميلة جدا وعدلة تبريد والحمدلله لا بتسخن ولا اى حاجة من دى بسافر بيها كل يوم الحمدلله مشاء الله وخر حلاة
بس فى حاجة مضايقنى اوى منها زى عزم الموتور بتاعها بمعنى الوتر اللى فيهات بتاعها اللى هو 850 هو جميل جدا
بس انا عايز اعدلها يعنى اشيل موتورها واركب موتور تانى غير موتور فيات 127 فى ناس كتير جدا قالت مستحيل موتور تانى غير بتاع 127 فيات يركب فيها وبعد يأس من انى اركب متور جديد اكتشفت حاجة حلوة جدا لو اتعلمت وباذن الله ناوى اعملها قريب وهى انى فى عربيات حديثة فيها مواتير صغيرة اكيد ينفع تركب فى السيات مكان كنتها علشان تزود عزمها زى موتور عربيى سزوكى ماروتى -- دايهتسون شاريد 1000 سى سى موديل 2000 -- ورينو 5 موديل 1990 عزم 1100 سىسى وانواع كتير فعلا موجودة وموتير حجمها صغير جدا واكبر من متور السيات حاجة لاتذكر تنفع تتعملها قواعد وتركب وتتعدل على فتيس السيات لانى بصراحة بحب العربية دى جدا جتلى فكرة انى اجيب اكبر منه فى الموتور وكل حاجة بس كل ما اجيب خلاص ابيعها ازعل وارجع فلوسها تانى واطلع لصحابها مليون عيب واخدها تانى لحد ما قررت انى اخليها العربية اللى على مزاجى ومش بايع فانا عايز الموضوع ده يتناقش فى المنتدى بحيس لو كدا والفكرة كويسة نعملها كلنا ونتتنهى من مشكلة السخونة والعزم فى وقت واحد وتحس انك راكب عربية صح بدون مشاكل دوريه ومستمرة
وده لانى عايز انفخ واسقطها اعلمها عفشة اسبور و جنط و اشبحها واخليها عربية يتحكاى عليها فى كل حته بدل شغل التريقة اللى بناخده من الناس اللى فعلا متعرفش قيمة العربية دى لانها مريحة وصغيرة