اقتراح بخصوص سيات 133

**بوالينو** · 30-10-2009 09:11 PM

كنت عايز اشتري سيات 133 علشان سعرها ميزعلش لو قانون احلال العربيات الملاكي اطبق / خاصة اني بشوفها رايحة جاية قدامي وفي منها شكلها نظيف / المهم سألت اصحابي لقيت الغالبية بتقول ان العربية دي بتخرب البيوت يعني حتقعد تصرف عليها كتير علشان اعطالها كتير وفي الاخر حتزهق وتيجي تبيعها مش حتلاقي حد يشتريها منك وتبقي شربتها بقي يا حلو / وناس تانية قالت لي انها عربية زي اي عربية تانية وككل العربيات فيها مشاكل واشتريها وميهمكش / فقلت اخذ رأيكم في الكلام ده / واقترح عليكم اقترح عليكم لو العربية دي حلوة يكون في موضوع مثبت بعنوان سيات 133 اشتري او لا تشتري / وطبعا الموضوع حيكون شامل ويقول لنا وصاريف الصيانة بتاعتها حتعمل لها كام في الشهر الخ---- وارجو الاهتمام بالموضوع لآن في ناس ياما عايزة تشتريها وخايفة وانا منهن وشكرا .

**بوالينو** · 30-10-2009 09:14 PM

مفيش ردود ولا ايه يارجالة

**esam_comm** · 30-10-2009 09:21 PM

اقسم بالله يا اخي انا قعدت قبل كده جوه العربيه دي وبكيت بالدموع من كثره الاعطال والمصاريف والله من 8 سنين صرفت عليها اكتر من 6 الاف غير تمنها وبعتها ب4ونص بالعافيه

**بوالينو** · 30-10-2009 10:05 PM

شكرا علي اهتمامك اخي الكريم / وارجو مشاركة باقي الاعضاء للافادة

**بوالينو** · 31-10-2009 01:58 AM

هييييييييييييييييييييه انتم فين

**بوالينو** · 31-10-2009 02:29 AM

ايه مفيش حد عنده معلومات وتجارب عن العربية دي غير esam_comm ولا ايه --------

**sobhysm** · 31-10-2009 02:24 PM

نصيحة بلاش العربية دية ممكن تجيب عربية 128 زاستافا أو عادة سعرها دلوقتى ممكن يوصل ل7500 أو 8000 وبرده أنتظر رد باقى الأعضاء ويا ريت اللى كان عندة سيات 133 يرد ويقول عيبها ومميزتها بالتفصيل

**medo_4** · 31-10-2009 02:58 PM

الموضوع حلو ويفضل مشاركة كل الأعضاء الذى لديهم خبره أو معرفة بهذه السيارة

**gigo** · 31-10-2009 03:16 PM

يا أخى الكريم
العربيه السيات 133 زيها زى اى عربيه تانيه قديمه
ان كنت مش بتسافر و مشاويرك قريبه توكل على الله و اشتريها لانها هتكون اوفرلك بكتير من مصاريف التاكسى و المواصلات بس تاكد من حاله الموتور هو اهم حاجه و اغلى حاجه فيها و على فكره ده موتور حمال اسيه مفيش عربيه تانيه ممكن تتعرض لدرجه الحراره اللى بتتعرضلها السيات و تفضل ماشيه .
اولا و اخيرا عليك بالاستخاره
هناك موضوع عن الاستخاره الشرعيه فى منتدى البيع و الشراء.