كنت وعدت انى لما امشى بالزيت شوية احكى عنه عشان يبقى عن تجربة حقيقية مش كلام اعلانات
1. تم تغيير الزيت عند الكيلو 199630 و العربية دلوقتى عامله 200815 يعنى حوالى 1185 كم و ده فى رأى مسافه كافية لبداية اعطاء احكام
2. انا كنت قريت عنه هنا فى المنتدى و ناس شكرت فيه و كان ميعاد التغيير حل عندى قلت اجرب مش هاخسر حاجة جبت زيت فيسكو 3000 من محطة غاز اللى عند كوبرى العمرانية و كان مختفى بقاله اكتر من 6 شهور ربنا وفقنى كان لسه بيرصوه خدت جركن و هو ب 115 جنيه
3. الزيت انجليزى مصنع او معبأ فى الأمارات و على كلامهم و مقدرش اصدق عليه انه نصف تخليقى بيمشى لغاية 7000كم فى الصيف و يوصل 10000 فى اشتا و اكتر لو الموتور سليم
4. انا بطبعى بغير الفلتر مع الزيت رحت جبت الفلتر و غيرت الزيت عند الميكانيكى عشان عندى الطبة كان فيها ترشيح بسبب الورد النحاس غيرتها ب 1.5 جنيه و الحمد لله
5. الأنطباع الأولى عن الزيت
---- الزيت تقيل مش خفيف زى موبيل و شل فى نفس الدرجة اللى هى 20w50
---- تغليف الزيت مبالغ فيه شوية بس يدى اطمئنان يعنى مغلف من بره ببلاستيك تقيل - الغطا مبرشم جامد قوى و محفور علية Bp - البرشام اللى بعد الغطا ارزذل من الغطا نفسه طبقتين واحده عاملة زى الفيل و التانية الومنيوم و الأتنين محفور عليهم العلامه
---- الجركن نفسه من بلاستيك تقيل و فيه مقاس دقيق اوى من على الجنب لدرجة المللى متر
---- الزيت لونه فاتح قوى و نقى قوى انضف من زيت كريستال دره و افتح من عباد الشمس
6. بعد وضع الزيت دوارة العربية اهدى بس اى زيت جديد كه مش هو ده اللى خلانى اتأكد منه
7. بعد 1200 كم تقريباً و ده المهم
--- معدل التبخير قليل قوى
--- الزيت لزوجته لم تتغير نهائى حتى مع المشاوير تطلع المقاس تلاقى الزيت تقيل مش حالل من بعضة ميه يعنى
--- الزيت بوجة عام لونه اغمق شوية لأنه بيعمل عملية تنضيف واسعة المجال للموتور
---- الرجة اللى فى العربية خفت كتير
--- حرارة العربية افضل شوية فى ظروف التشغيل الشاقة لأنه بيعمل بتكنوجيا اسمها الدرع الحرارى
--- الزيت على المقاس بعد المسافة دى قل حوالى 12 مللى تقريباً و مع العلم ان موبيل و شل بيوصل ل 30 مللى فى الألف كيلو
--- الزيت خللى حركة الكستبانات اسهل و بالتالى صوت السكسكه اللى فوق قل كتير لدرجة العربية و هى دايره لولا الأيدل مسمعش صوتها و الرجة اللى عندى انا طبعاً بسبب الأيدل غير كده الصوت احسن بكتير
8. التقييم العام
------ الزيت من افضل الزيوت التى قمت باستعمالها حتى الأن و فى انتظار انى اوصل بيه ل 3000 كم عشان يبقى التقييم كامل
اسف على الأطاله و مرفق بعض الصور للبيان و التعريف و التوضيح و انا اسف لأنى مصورها و انا سايق
و يا رب يكون فى الموضوع افاده للجميع و اللى عايز يسأل على حاجة من عينى