الحمد لله علي كل شيء..........التيجو اتخبطت يا جماعة

العربية واقفة في امان الله علي كوبري الجامعة الساعة 3 العصر و الطريق زحمة و الكوبري واقف و واحد ابن حلال دخل في العربية من ورا بسرعة !!!!!!!!!!!!!!!!!!!!!!!
الباشا مشفش ان الطريق واقف ولا سرحان ولا ايه !!!
الحمد لله علي اي حال
غطاء الاستبن اتكسر و الاكصدام اتشرخ شرخ بسيط يعني
بس اللانسر بتاعته وشها باظ و الكبوت
ربنا يستر و الباب اللى ورا للتيجو ميكونش اتبهدل من جوة مكان ردة الاستبن فيه
لما افضي ان شاء الله هروح التوكيل يفكوا قلب الباب و اشوف

اهم حاجة ان مراتي بخير و الحمد لله يدوب بس صداع شديد يومين من جمودية الخبطة.... و ربنا يستر علينا جميعا يا رب و يكفينا شر الطريق و العين و الناس و اللانسر و غيرها :ask:
الحمد لله انها جت علي قد كدة و ان السيارة عالية
و ربنا يستر

"فالله خير حافظا و هو ارحم الراحمين"
صدق الله العظيم

ربنا يسلم طريقنا و طريقكم جميعا

و الله الموفق
و السلام عليكم

حمد لله على سلامة زوجتك يا شامل باشا
العربيات دى بالذات عليها عين جامدة
و واضح من كلام حضرتك ان الخبطة مش جامدة اوى و كويس ان العربية عالية و قوية
ربنا يستر طريقنا كلنا

ألف سلامة على سلامة زوجتك
الحمد لله اللى جت على قد كدة

قدر الله وما شاء فعل وان شاء الله العربية ترجع احسن من الاول

الف سلامه ليكوا والحمد لله انها جت علي قد كدة

الحمد لله انها جت على قد كدا وان شاء الله العربيه تبقى تمام تانى

الف سلامة
والحمدلله على كل شيئ
الي يجي في الريش بقشيش
وهي دي مصر

حمد الله على السلامة يا باشا و اي حاجة تيجي في الصاج مش مشكلة و ان شاء الله خير

حمدا لله علي سلامتك يا دكتور وربنا يعوض عليك في اللي اتخبط

ربنا يكرمكم جميعا يا اخواني
و يحفظ الجميع
و الحمد لله علي كل شيء
قدر الله و ما شاء فعل

في حفظ الله
و السلام عليكم

حفظك الله من كل سوء

الف سلامة علي المدام اولا و علي التييجو ثانيا و ربنا يحرسكم من العين و من شر الطريق

حمد لله على سلامة الاسرة

حمداللة على السلامة وفداك وكان ممكن يبقى الموضوع اكبر من كدة

طب الحمد لله انكو تمام
ابقي طمنا علي العربية بقي

الحمدلله على سلامتك وسلامة الأسرة وربنا يوفقك فى تصليح العربية.

الحم لله على السلامة اولا
ثانية كدة انت كسرت العين وكويس انها جت فى الحديد مش فى بشر
انا خالى جاب اوكتافيا a5 تانى يوم خبط واحد وكانت مشكلة كبيرة وبقالو فترة مش عايز يركبة وعارضها للبيع
فالحمد لله على اد كده وبأذن الله ميكنش فى خبطاط تانى

ربنا يكرمكم جميعا
و يسلم طريقنا جميعا يا رب
و يهدينا للخير دائما

حمدآ لله على سلامه حضرتك وزوجتك وإن شاء الله تكون سليمه ...
ويارب تكون آخر الحوادث ويحفظك من كل شر .

الحمد لله حصل خير وربنا يفديك انت واهلك ولا راكم الله سوءا ابدا

حمدآ لله على السلامه يا باشا بس سؤال بايخ هو اللانسر طالت غطا الاستبن ازاى دة عالى قوى (اكيد فوق وش اللانسر) !!!!

ممكن يكون كبوته اتفتح ودة اللى طاله مش لاقيلها تفسير تانى

الف سلامة اللي يجي في الحديد ميهمش يتعوض اهم حاجة نفسيتك تكون تمام

انا نفسيتي تمام طبعا !!
من عرف الله يا سيدي و رضا دائما بقضاءه لازم يبقي تمام
مهما كان انسان و بيخطيء و يذنب و لكن طالما ربنا بداخلك يبقي اكيد راضي و مبسوط حتي لو بموت
و ربنا يكرمنا و يحفظنا جميعا

اما بخصوص اللانسر.....انا مكنتش موجود و مشفتش ...بس اللي شفته في خبطة السيارة بعد كدة و اللي فهمته من زوجتي ان السيارة اللانسر نزلت تحت الاستبن عشان كدة كسرت الرفرف بتاعنا و اعلي الكبوت بتاعه اتخبط في الاستبن و كسر غطاء الاستبن

و الف حمد و شكر لله علي كل شيء

و السلام عليكم

الف سلامه

الف سلامة يا باشا
ربنا يحفظك ويعافينا كلنا

ارجو انك ما تغيرش رايك فى العربية لانى حجزت العربية بعد ما سمعت ارائك عن العربية
هى اخبارها اية دلوقتى.....ماشية كويس والا السحب فى مشكلة زى ما سمعت من بعض الناس
شكرا

انا واحد قريبى معاه تيجو واتخبطت منه مرتين من ورا برضه مره عربيه نقل والمره التانيه ميكروباص المره الاولى صرفت 17000 والمره التانيه 14000 على التامين
ونصيحه هو قالى ان التوكيل اللى صلح فيه المرة التانيه افضل وهو اللى فى جسر السويس لانه جرب الفرع الرئيسى فى الحادثه الاولى وقالى انهم مش كويسين
وموضوع ان الحادثه بسبب العين طبعا لو كانت العين هى السبب يبقى العربيه هتتخبط كل يوم ربنا يسترها معانا جميعا

الحمد لله على سلامتكم و قدر الله و ماشاء فعل و المهم انكم بخير و اللى يجى فى الريش بقشيش زى ما بيقولوا

ربنا يحفظنا جميعا
دايما تقولوا دعاء الركوب عند دخول السيارة وبالذات الناس اللى لسه جايبه عربيات
ودايما تحمدوا ربنا انكو راكبيين عربيات لان غيرنا متشعبط يا اما فى مكروباص او اتوبيس:ma:
موضوع العين ده طبيعى ( لان اللى قدامك مايعرفش حاجه عن الدين لما بيبص لك اوبيبص على عربيتك ) والكلام ده لينا كمان لما نشوف عربيه كويسه نقول بسم الله ماشاء الله اللهم بارك
فيقول لك الملك ولك بالمثل

اقتباس:

---

المشاركة الأصلية كتبت بواسطة attiahf

ارجو انك ما تغيرش رايك فى العربية لانى حجزت العربية بعد ما سمعت ارائك عن العربية
هى اخبارها اية دلوقتى.....ماشية كويس والا السحب فى مشكلة زى ما سمعت من بعض الناس
شكرا

---

يا باشا انا حبيت العربية اكتر بعد الخبطة لانها و الحمد لله صانت زوجتي و حمتها و لو كانت سيارة سيدان كانت هتكون الاصابة في السيارة كمن اكتر من كدة:36_7_4[1]:......الحمد لله
و السحب مممممتاااااز و الحمد لله........السيارة وحش كاسر:verygood:ربنا يبارك فيها

و انا بقول تاني: اللي مش هيلحق يشتريها يبقي يقابلني لو عرف بعدين يجيبها لانها افضل سيارة بالامكانيات دي و السعر ده شافها السوق المصري

و اللله الموفق

الحمدلله على كده
الخبطة بسيطة جدا مجرد شرخ بسيط في غطاء الفيبر بالاستبن

كسر غطاء الاستبن و كسر الاكصدام الخلفي
يعني محتاجة غطاء و اكصدام (الجزء المنتصف) جديدين
بسيطة اوي !!!!!!!!!!
الحمد لله يا اخي و لكن لا تعلق كأنك رأيتها و تري انها بسيطة اوي........و لو كنت رأيتها يبقي دقق اكتر فيها
و لو شايفها بسيطة اوي تعالي ادفع انت التكلفة
و كمان يا سيدي ولا يهمك...كدة كدة اتخبطت العربية تاني النهاردة و اتكسر الفانوس الامامي و الاكصدام الامامي عشان حضرتك لما تشوفها المرة دي تكون الخبطة علي مزاجك !!!!!

الحمد لله يا رب علي كل شيء
و ربنا يعوض علينا يا رب و يحفظنا من شر العين و شر الاخوة اللي يظهر ساكنين حوالينا و كل شوية يبعتوا تعليق لطيف كله الغاز و شطارة كدة عشان يقولوا احنا اهو !!!!!!!

و الحمد لله

كل مقصدي اننا نحمد الله على كل شيئ
والي يجي بالريش بقشيش
وربنا يسترها مع الجميع انت او انا او اي شخص اخر
لا احد يتمنى لاي شخص الخسارة
والله يحفظنا جميعا سالمين
وتقبل تحياتي

حمدلله على السلامة