السلام عليكم و رحمة الله و بركاته

من مده كنت بدأت أسأل عن فيكترا 1999 عشان عايز اشتري بس بصراحه خوفت من كمية المشاكل الي سمعتها عنها و من الآخر العربيه دي عايزه صيانة و متابعه جد قوي و ممكن تكون مكلفه جدا جدا لو فالتوكيل, المهم انها عايزه واحد بيتابع الصيانه و يغير اول بأول اي حاجه عايزه تتغير و كده تفضل ماشيه بإذن الله كويس قوي بدون أي مشاكل و بما انها عربيتي الأولى فبطلت افكر فيها عشان مش متأكد ان اقدر اعمل كده (و رجعت افكر فميتسوبيشي تاني)

إمبارح نزلت اشتري ميتسوبيشي من سوق الجمعه (انا اصلا من اسكندريه) و كان معايا واحد صاحبي (من مدينة نصر) فاهم ولاقينا اوبل كورسا 2006 حاله كويسه قوي قوي فأعد يزن عليا خدها خدها قولتلو يا حبيب (هوا إسمه حبيب) كل الي بسمعو عنها انها عربيه ممتازه و قطع غيارها عاليه قوي قالي ليها قطع غيار استعمال خارج نضيه و رخيصه قولتلو خلينا فالميتسوبيشي, فضل يزن عليا و يقولي قطع غيارها رخصت مش زي الأول و معمره و كده و العربيه مش ماشيه كتير (كان في كذا حاله نضاف) لحد موافقت بس كان فات الأوان لأن العربيه اتباعت طبعا

دلوقتي انا بختار من اتنين اوبل كورسا 2006\2007 أو ميتسوبيشي لانسر 1999\2000 انا عارف ان الاوبل احسن مفيش كلام بس عشان انضم للعصابه و مخونهاش لازم تقولولي قطع الغيار ظروفها إيه (اسعار) و الي معاه العربيه دي يقولي إيه الكلام, واحد ميكانيكي ثقه قالي عندو 3 منها جايبه وش سلندر هل ده عيب فيها ؟ و هل موضوع الإسطوانه و الديسك بيتغيرو فعلا على كل 40 أو 60 ألف ولو كده بكام؟

انا عارف اني طولت عليكو بس انا عايز انضم للعصابه و محتاج مساعدتكم فموضوع قطع الغيار ده ضروي عايز انضم للعصابه بقه

يا رب وفقنا كلنا