الموضوع: استشارة - اى السيارات يحقق احتياجاتى - عاجل للشراء

السلام عليكم

موضوع جميل

استشارة من فضلك

انا مبتدئ فى موضوع السيارات - لا اعرف حتى القيادة
لكن لظروف عملى اسافر يوميا من الشرقيه الى القاهرة و اعود كل يوم - لذلك احتاج سيارة
و طبعا هتبقى سيارة ذات مواصفات خاصه:
- تتحمل السفر يوميا ( المسافه بالسيارة الاجرة من الشرقيه الى شبرا 50 كيلو و الى نادى السكه بعد ذلك)
- موفرة فى استهلاك البنزين ( عشان المرتب ميخلصش بنزين)
- حالتها جيدة
- سعرها مناسب ( عشان مش هقدر اجيب حاجة تقسيط )
- و كمان تنفع يركبلها غاز طبيعى عشان توفر البنزين و فى نفس الوقت تعمل بكفاءة مع الغاز

يا ترى فيه حاجة تقدر تلبى الاحتياجات دى
مع العلم انا بقالى حوالى اسبوعين بس بادئ بحث و معرفه بموديلات السيارات المختلفه
ولقيت باه حاجات تلخبط كتير
مثلا سيات 133 على 5000
او بيتلز موديل 70 على 6000
و ساعات بيتلز على 15000
و فيات 128 من 14 الى 20
و لادا
و ساعات مرسيدس خنزيرة 74 على 18000

انا اتخلبطت خالص و مش عارف ايه الانسب للاحتياجات دى فعلا

ارجو الرد و الافادة من خبراء عالم السيارات اللى انا جديد فيه لسه

انسب حاجة البيتلز بس موضوع الغاز دة مش عارف ينفع ولا لا وعن تجربة احسنهم البيتلز