الموضوع: Frv بعد 30 الف كيلو متر رأيي بحيادية كامل

اخوكم مهندس مدني وساكن في الشرقية واعمل في القاهرة ومتزوج من دمياط
يعني لفيت مصر كلها في بالعربية

1- متوسط استهلاك العربية للبزين 10 من عشرة يعني 280 كيلو في الصفيحة لو ماشي علي سرعة 90 كم ولو اتهفيت في عقلك ومشيت 140 او 150 متوسط استهلاك البنزين يصل إلي 190 كم

2- وفي المقابل الموتور تسارعة مش عالي ولازم تنقل السرعات لمة يكون الrbm اكبر من 2500 ممكن نديلة 7.5 من عشرة اضعف من الهيونداي والكيا

3- صوت الموتور عالي في التسارع وكمان لمة العربية بتزيد عن 135 كم

4- الكراسي والجلسة في العربية مريح جدا جدا وافضل من الهيونداي و اللنسر
5-الصوت والسماعات ممتازة 9 من عشرة
6- انا كنت بقطر عربية ريجاتا علي الطريق لمسافة 90 كيلو متر مكنتش حاسس بيها خالص ولمة ركب في العربية 5 افراد وشنط وشغلت التكييف علي 2 حسيت ان سحب العربية ضعف كتير

7- الشكل انسيابي وجميل جدا يا 9 من عشرة

وانا ماشي بالعربية علي سرعة 120 كم وقع قالب طوب من السيارة المقابلة يعني سرعتة بالميت 200 كم رشق في الزجاج وللعجب الزجاج شال الصدمة وعمل خرم صغير نص قطرة 2 سم وحماني من قالب الطوب وباقي الزجاج سليم ؟؟؟؟

8- اما العفشة فهية ممتازة تاخد 8 من عشرة ثبات وقوة بس في المطبات نشفة حاجة بسيطة مش زي الجالينا الجالينا نشفة اوي وبترزع في المطبات

انا باكل بيها مطبات ربنة يكرمكو ومتشفوهاش وممتازة

الصيانة في التوكيل متوسطة إلي ارتفاع حسب كل مرة

ام اسعار قطع الغيار و التركيب فهية غلية زي اي عربية جديد يعني الزجاج الامامي 1200جنية وبتركب يصل إلي 1700 جنية ماكينة رفع الزجاج الامامي شمال 600 جنية

الموتور تكنولوجيا متسوبيشي تقفيل صيني بس كويس لو حدة عايز حاجة او استفسار يبعتلي