اقتباس المشاركة الأصلية كتبت بواسطة karim_monir مشاهدة المشاركة
لاء يا طارق
انت اغفلت جزء مهم جدا
ان في ناس حالها ومصالحها بتمشي بالارقام السهلة
واما ماكنوش عملو الرقم المختصر للمحلات والصيدليات والمطاعم
ماهو نفس الرقم بالظبط بيادي وظيفة لصاحبها
يعني لما يكون تاجر لا يفقة اي شيء ومش بيعرف يكتب بس هو تاجر شاطر جدا لو شال موبايل 1100 ب 150 جنية مايصحش مع مركزة
وهاتلاقية مثلا جايب موبايل ب 4000 الالاف جنية لزوم الوجاهة الاجتماعية
ماتقوليش ده نقص ثقافة
احنا في واقع
زمان كان تاجر الفاكهة مايقدرش يدخل على جنية فاكهة الا وهو راكب مرسيدس
وده اللي عمل ثقافة المرسيدس وارتباطها القوي بالتجار في مصر
نفس الكلام
انا اعرف ناس كتير جدا مش بيردو على اي ارقام
طبعا انا بتكلم عن ناس كبيرة ومهمة مش عيال صغيرة
واقسملك بالله اني فضلت اكلم واحد منهم عشان مصلحة اكتر من اسبوع ومش بيرد من رقمي العادي
ولما كلمتة من رقمي الخاص (وهو مميز شويتين تلاتة) لقيتة رد من تاني جرس
ده غير طبعا ان ارقام الموبايل السهلة دي بتستخدم في الشركات التجارية بشدة
حتى ارقام الدخول على الانترنت من تليفون البيت
جرب كدة تفتكر كام رقم
هاتلاقيك بتفتكر اشهرهم واسهلك
07770666
07775000
وهكذا
ده علم نفس بيستخدم في التسويق وليه اصول وقواعد وانا واخد في كورسات كتير
وفي النهاية الاختلاف في الراي لا يفصسد للود قضية
كلام جميل و كلام معقول ماقدرش اقول حاجه عنه
طيب يا عزيزى انا بتكلم فى نقطه و الظاهر انى عممت كلامك
انا اقصدى اللى بياخد نمره للمنظره يعنى نمرتى الشخصيه 0100100100 عشان اديها للناس و ابقى متباهى بالنمره و الناس عارفه ان النمره ب 10000 جنيه هوه ده اللى انا ضده