الموضوع: مشاركات منقوله من موضوع بيع رقم مميز

المشاركة الأصلية كتبت بواسطة hondawy_2008

بصراحة متزعلوش مني الموضوع هايف أوي واللي يشتري خط بأغلى من تمنه يبقى سفييييييييييييييييييييييه

ماهو انت لو كنت قرأت الموضوع ماكنتش رديت بالشكل ده
بس انت ريحت دماغك ووجعت دماغنا بردودك المستفزة
لانك ما احترمتش الناس اللى شاركت فى الموضوع

مش ده برده كلامك

المشاركة الأصلية كتبت بواسطة hondawy_2008

6000 جنيه !!!!!!!! أنا بصراحة عايز أعمل حاجة بس أكيد هآخد حظر عليها فبلاش أنتوا أكيد فهمتوني هههههههههههههههههه

بما انك من الناس اللى بتخاف على عضويتها اعنا هعمل مشاركة مخالفة

المشاركة الأصلية كتبت بواسطة mohamedezat

على فكره اعتراضى فى بداية الامر او سبب المجادله بالنسبالى انه مش 010 او 012
بصراحه من دون زعل اى رقم لا يبداء بيهم بالنسبالى ولا يسوى
حضرتك كتبت رقم اسلام مشهور انا لو شايف انه من حقى استعرض ارقام صدقنى هاوريك حاجات خياليه لو جاتلك الفرصه تختار رقم استحاله يجى فى بالك (مش تقليل منك لاسمح الله) انما ارقام غريبه ومميزه جدا بس كلها بتبداء 010 و 012 وانا عن نفسى رقمى 010 ولما واحد من شركة موبينيل حب يهادينى بخط قولتله لو غير 012 مش هاقدر استخدمه رغم انه هديه الا انه جابه باردو 012

الكلام ده كان فى 2007 بالتحديد فى رمضان ولو تفتكر التوقيت ده اتحدى اى محل كان فيه 010 او 012 لكن مع احترامى لكل حاملى الارقام الاخرى حتى لو مميزه انا شايف انه مش ميزه

ده رأيك ولك الحرية

____________

الراجل ده عينة من الناس اللى بتهتم بالارقام بس هو بيهتم بالكود فقط
وهكذا هتلاقى ناس تانية تهتم بالرقم والكود وعندها استعداد تشترى وتدفع فى الخط اكثر من ثمنه

المشاركة الأصلية كتبت بواسطة أبـو آســـــر

الحركة دي يعني مؤيد

الله يباركلك يا شيخ اخيرا لاقيت حد يرفع معنوياتى ههههههههههه
وكريم طبعا مش ناسيه

المشاركة الأصلية كتبت بواسطة Terrible_DaRsH

اساسا كل الارقام دى زمان كانت برخص التراب و كان معايا رقم مميز زمان كنت جايبه رخيص جدا و رميته فى الاخر و لو اعرف انه هيجيب كتير كده كنت بعته احسن :) .

على فكرة لما خلصت الثانوية العامة من كام سنة اخدت رقم فيه 5 خمسات و للاسف لانى مابحبش موبينيل و لا خدماتها من الاصل رميت الخط بعدها بفترة .

بصراحة لو كان الرقم اللى معاك ده 010 كنت وافقت على مبلغ 6000 الاف جنيه مع بعض الاستغراب شوية لكن 016 مش مقتنع بيها . و مرة تانية ربنا يحسن لك بيعه .

ده زمان يا درش
على فكرة عندى 010
نورت يا جميل

المشاركة الأصلية كتبت بواسطة ehab

طيب معلش محدش رد علي سؤالي
كنت بسأل لو عايز اجيب رقم من فودافون الي هما ب 100 و 250 و 650 اجيبه منين او لو عايز ارجع خط اتسحب مني هل ينفع يرجعهولي لو مكانش اتباع و ادفع اي مبلغ ؟

معلش يا باشا
بالنسبة للارقام اللى ب 100او 250 او 650
لازم يكون عندك خط فاتورة وتتصل بخدمة العملاء وتقولهم عايز اغير رقمى وعرفهم انك عايز تدفع فلوس
انما بالنسبة للخط المسحوب اعتقد انه مش بيرجع
بس فيه روتين ممكن تعمله انك تكلمهم وتعمل طلب وغالبا مش هيردو على الطلب