-
ايه سبب تقل الدبرياج؟
العربية 128 موديل 1986
الدبرياج تقيل بحيث انى مش باعرف اجيب آخره بكف رجلى ، لازم يكون فيه عزم أكبر بحيث لازم أرفع رجلى واضغط عليه جامد .. الميكانيكى غير سلك الدبرياج والمشكلة مازالت موجودة ..
يا ترى ايه الأسباب وازاى تتحل أحسن رجلى الشمال وقفت خصوصاً لما أكون راجع من مشوار فيه زحمة.
-
المفروض الميكانيكى يحط زيت باكم فى الجراب بتاع سلك الدبرياج
-
انا كانت عندي نفس المشكلة ولما غيرت الاسطوانة لقيت المكانيكي بيحط شحم عند البلية ولما سالتو ألللى دا علشان الدبرياج يخف مع أنني مش مقتنع بالكلام دا بس الدبرياج بقا فابريقا زي العربيات الجديدة تمام
-
عيب ديسك مش عيب اسطوانه الاسطوانه علشان سحب العربيه الديسك والبليه علشان الدبرياج
-
المفروض إنى رحت لميكانيكى شاطر جداً ..
ولما جرب قال لى كده كويس بالنسبة للـ 128
قلت له بس العربية التانية الـ 127 دبرياجها خفيف جداً
قال لى دى حاجة ودى حاجة وفيه فرق فى التصميم وقال تقريباً ان دسك الـ 28 كبير ودسك الـ 27 صغير عشان كده دبرياج الـ 28 خفيف .. حاجة زي كده يعنى ..
ومازال الدبرياج ثقيلاً .. ومازالت ركبتى الشمال بتنقح عليا .. :(
-
ياريت الأعضاء المهندسين يعرفوا المشكلة ايه لأني بواجه نفس المشكلة
-
انا برده الدبرياج عندي تقيل من اول لما جبت العربية زيرو فيكترا وده بالمقارنة بدبرياج اللانسر البومة
-
بالنسبه لل128 ده عيب أسطوانه
حاول تكشف عليها
-
انا بقى ركبتي و مشط رجلي و السمانة و الحوض كلهم بينقحوا عليان من دبرياج البياكنتو...و كل يوم أتقل من اللي قبله
مش عارف أعمل إيه خصوصاً اني مغير الطقم كله من 30000 كيلو بس
-
عندما يصبح الدبرياج ثقيلا
ويظهر هذا بوضوع فى نظام الدبرياج الذى يعمل من خلال الدوس على البدال وتنتقل الحركة خلال واير ثم فورش الدبرياج الذى يضغط على البلية ثم الديسك ومما سبق نكشف اولاد على
1- البدال بدون الوير اى على بنز البدال حيث ان البدال يعتمد على فكرة الرافعة ليشد الوير بسهولة
2- الوير ويعمل فى جيراب ويفضل تغيرة اذا كان تالفا ويجب مراجعه وضعة بحيث ان يكون سلس فى الحركة
3- الفورش وفى الغالب لا توجد مشاكل من ناحيتة
4- الرولمان بلى وطالما لا يصدر منها صوتا فهى صالحة ولكننا نغيرها فى حالة تغير الاسطوانة والديسك
5- الاسطوانة واذا تاكلت فيقل سحب السيارة بالمقارنة بسحبها عند نفس عدد اللفات ( اى يكون صوت المحرك عاليا والسرعة اقل من ذى قبل )
6- تلف الديسك لضعف الريش الخاصة به اى اصبح غير صالح
مما يجعل قائد السيارة يبذل جهدا كبيرا بالقدم ليحقق الفصل ( فصل الحركة ) وفى هذة الحالة الاخيرة يفضل تغير الاسطوانة والديسك وبلية الدبرياج وكذا بلية عمود الدريك الموجودة بالفولان ) وشكرا
Content Relevant URLs by
vBSEO 3.6.0 PL2