ايه سبب تقل الدبرياج؟

**Egyzizo** · 02-11-2009 12:31 AM

العربية 128 موديل 1986

الدبرياج تقيل بحيث انى مش باعرف اجيب آخره بكف رجلى ، لازم يكون فيه عزم أكبر بحيث لازم أرفع رجلى واضغط عليه جامد .. الميكانيكى غير سلك الدبرياج والمشكلة مازالت موجودة ..

يا ترى ايه الأسباب وازاى تتحل أحسن رجلى الشمال وقفت خصوصاً لما أكون راجع من مشوار فيه زحمة.

**sobhysm** · 02-11-2009 12:39 PM

المفروض الميكانيكى يحط زيت باكم فى الجراب بتاع سلك الدبرياج

**amplifier** · 17-11-2009 04:50 AM

انا كانت عندي نفس المشكلة ولما غيرت الاسطوانة لقيت المكانيكي بيحط شحم عند البلية ولما سالتو ألللى دا علشان الدبرياج يخف مع أنني مش مقتنع بالكلام دا بس الدبرياج بقا فابريقا زي العربيات الجديدة تمام

**أبو إياد** · 17-11-2009 10:12 AM

عيب ديسك مش عيب اسطوانه الاسطوانه علشان سحب العربيه الديسك والبليه علشان الدبرياج

**alhourriah** · 17-11-2009 12:58 PM

ياريت الأعضاء المهندسين يعرفوا المشكلة ايه لأني بواجه نفس المشكلة

**bedo13** · 18-11-2009 12:34 AM

انا برده الدبرياج عندي تقيل من اول لما جبت العربية زيرو فيكترا وده بالمقارنة بدبرياج اللانسر البومة

**ahmedsamir79** · 18-11-2009 12:03 PM

بالنسبه لل128 ده عيب أسطوانه
حاول تكشف عليها

**NaderNabil** · 18-11-2009 12:17 PM

انا بقى ركبتي و مشط رجلي و السمانة و الحوض كلهم بينقحوا عليان من دبرياج البياكنتو...و كل يوم أتقل من اللي قبله
مش عارف أعمل إيه خصوصاً اني مغير الطقم كله من 30000 كيلو بس

**future_aya** · 19-11-2009 02:01 AM

عندما يصبح الدبرياج ثقيلا
ويظهر هذا بوضوع فى نظام الدبرياج الذى يعمل من خلال الدوس على البدال وتنتقل الحركة خلال واير ثم فورش الدبرياج الذى يضغط على البلية ثم الديسك ومما سبق نكشف اولاد على
1- البدال بدون الوير اى على بنز البدال حيث ان البدال يعتمد على فكرة الرافعة ليشد الوير بسهولة
2- الوير ويعمل فى جيراب ويفضل تغيرة اذا كان تالفا ويجب مراجعه وضعة بحيث ان يكون سلس فى الحركة
3- الفورش وفى الغالب لا توجد مشاكل من ناحيتة
4- الرولمان بلى وطالما لا يصدر منها صوتا فهى صالحة ولكننا نغيرها فى حالة تغير الاسطوانة والديسك
5- الاسطوانة واذا تاكلت فيقل سحب السيارة بالمقارنة بسحبها عند نفس عدد اللفات ( اى يكون صوت المحرك عاليا والسرعة اقل من ذى قبل )
6- تلف الديسك لضعف الريش الخاصة به اى اصبح غير صالح
مما يجعل قائد السيارة يبذل جهدا كبيرا بالقدم ليحقق الفصل ( فصل الحركة ) وفى هذة الحالة الاخيرة يفضل تغير الاسطوانة والديسك وبلية الدبرياج وكذا بلية عمود الدريك الموجودة بالفولان ) وشكرا

-

الموضوع: ايه سبب تقل الدبرياج؟

LinkBack

أدوات الموضوع

عرض

ايه سبب تقل الدبرياج؟ - انشر الموضوع فى :

-

-

-

-

المواضيع المتشابهه

لو الدبرياج فصل

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

هوا الدبرياج ليه كدا؟؟؟

صوت تكة مع الدبرياج

الدبرياج

الكلمات الدلالية لهذا الموضوع

المفضلات

المفضلات

ضوابط المشاركة