رد مع اقتباس
نكمل .....
الحلقه التالته......
فتح الشنطه من الداخل......
معروف أن الهاف اوبشن مفيهاش شداد فتح الشنطه من الداخل.....شداد غطاء تنك البنزين وبس....
أكتر من مره أبقى عايز أطلع حاجه من الشنطه والعربيه دايره ومنسجم مع سى دى او درس أو خطبه ووصلت لأكتر من نص الدرس....وأضطر أفتح الشنطه لاى سبب .....عايز أجيب حاجه أو تفتيش.......زى كارفور كده لما تيجى تنزل الجراج يقولك إفتح الشنطه للدواعى الامنيه......
أقوم مضطر أخرج المفتاح من الكونتاكت وأنزل من العربيه عشان أفتح الشنطه...واللى ورايا طبعا شغال تيت ....تيت ....تيت
أقوم متنرفز عليه......أصبر يا ابن التييييييييييييييت.....
وكمان الاغنيه أو الدرس بعد ما خلص نصه يرجع يعيد من الاول....حاجه تخنق.......
طب أيه الحل....
الاول...قلت هركب شداد استيراد بالمقبض بتاعه وأوصله بكالون الشنطه...
بتاع الكوالين لاقيته بيشتغلنى وحسيت ان الحوار مش تمام...كمان صعب قوى تلاقى الوير كامل وسليم لانه بيقطع العربيه الاستيراد من النص فبيضيع الوير ده مع القطع بالصاروخ.....ولو لاقيته بيبقى مبالغ قوى فى سعره....
فى حل اسهل واشيك وارخص.....
تحول فتح الكالون كهربا....يعنى عمل وحده سنتر للشنطه....وزرار فتح وقفل فى التابلوه وممكن تزود خاصيه الفتح بالريموت بتاع الانزار للشنطه.....
أولا تروح لواحد كهربائى او فنى تركيب سنتر وإنذار....
وتركب سنتر للشنطه.....
الفنى هيقولك بس ده صعب قوى...عشان يشتغلك فى المصنعيه والبقشيش....
الموضوع أسهل ما يمكن....
بيفك الكالون اللى فى الشنطه من فوق....
الكالون بيبقى محمى بطبقه بلاستيك للحمايه من الصدأ والميه وكده...
بيفك الكالون ببيبه طويله زى حرف التى كده....
بيكسر طرف البلاستيك ده عشان يوصل الشوكه بتاعه السنتر بلقمه القفل....اللى المفروض تبقى متصله بالوير بتاع الشداد......
بيعمل شوكه او سلك رفيع او وير لتوصيل الكالون بوحده السنتر...
بيركب صباع السينتر بصوره موازيه للكالون وعلى مسافه على قد طول الوير المتصل بكالون الشنطه وبيثبت وحده السنتر..(صباع السنتر ) بالبرشام او مسمار بريمه.....
بيعدى بقى سلك ...فرده واحده بس لان الارضى بيتوصل بجسم الشنطه وبيعمل ارضى..
السلك بيمر من خلال الفتحات اللى فى جسم الشنطه ومن تحت الفرش ورا الكنبه ...
بيفك الفيبر بتاع العتب ويعدى السلك من تحته لغايه علبه الفيوزات اللى بتبقى تحت الدركسيون.....
أقولك على حاجه حلوه.....
خليه طالما هيوصل فرده للسنتر يوصل فرده تانيه يعنى فردتين بدل واحده.....
طب ليه؟
عشان الفرده التانيه نخليها لتشغيل لمبه فتح الشنطه فى العداد الموجوده فى التابلوه جنب علامه البنزين.....لكن عم غبور استخسر يحط 5 متر سلك ومشغلهاش....
بعد كده...إختار المكان اللى تحب تحط فيه زرار الفتح للشنطه....وبيفك الفرش بتاع المكان ده ويركبلك المفتاح فيه.....
بس خليه مكان ما تخبطش فيه ولا تدوس على الزرار بالخطء فتفتح الشنطه وانت ماشى لا قدر الله..... وتبقى ليله يا عمده....
كده يبقى عندك زرار تدوس عليه يفتح الشنطه من غير ما تنزل ولا تطلع المفتاح من الكونتاكت....
وكمان ممكن تزود خاصيه فتح الشنطه بالريموت على جهاز الانزار......
بيكلف كام الموضوع ده؟؟
بص...
هو الوحده بتاع السنتر دى من 20 الى 25 ...
الباقى من ال60 جنيه ما بين مصنعيه وحركات من مقدم الخدمه.....
يعنى تروح على بتاع كوالين وضبط ابواب ......أو كهربائى نظيف....او حد بتاع سنتر وإنذار.....
تقوله عايز اعمازرار وأفتح الشنطه من الزرار والريموت......
وهو هيتعامل .......ويقولك 60 جنيه وده عشان خاطر انت زبونى وحاجتك كلها بتعملها عندى وكده.......حاول ما تدفعش اكتر من 50 جنيه.....شامله وحده السنتر (الصباع ) والاسلاك والفيوز والتركيب....
كده خلصت حلقه تحويل الشنطه الى كهرباء بدلا من الشداد.......
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
hasad">
المشاركة الأصلية كتبت بواسطة nile_storm
ربنا يخليك يا ابو حميد....أخجلتم تواضعنا يا دكتره...أما بالنسبه للصور فهحاول وربنا يسهل..
سعيد بمشاركتك...نورت الموضوع......
المشاركة الأصلية كتبت بواسطة blackverna
ربنا يخليك يا أستاذ محمد.....كلك ذوق والله....سعيد بمشاركتك ونورت الموضوع برضو....
يافندم ربنا يعزك ...... المشاركة الأصلية كتبت بواسطة nysma
المشاركة الأصلية كتبت بواسطة successcre8or
هههههههههههه.......فعلا مجتش فى بالى دى....هبقى أجيبها من التوفيقيه والزقها على الشنطه وبالمره أجيب اسبويلر جلد للشنطه......
المشاركة الأصلية كتبت بواسطة nadernabil
طالما أ.نادر هيتابع بنفسه فعمرى ما هخلص وهخليها زى مسلسلات رمضان 80 حلقه وعشر اجزاء كمان....
سعيد جدا بمشاركه حضرتك...نورت الموضوع....
آآه جيت على الوجيعه.....الساعه والاستوب هما أرخم حاجه فى الليله دى ...بس هييجى وقتهم ..متقلقش...... المشاركة الأصلية كتبت بواسطة pedooooo
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
-
رقم العضوية : 23065
تاريخ التسجيل : 24Oct2008
المشاركات : 6,831
النوع : ذكر
الاقامة : Egyptian highways
السيارة: -------
السيارة[2]: Hyundai Verna 2007
الحالة :
-
انا عملت فتح الشنطة من الريموت بدون زرار داخل العربية نفسها..
بضغط على الزرار بتاع فتح الأبواب لمدة ثانيتين كدا .. فتفتح
بس فيها حركة رخمة اوي اني حتى لو مدور العربية و عايز افتحها و الريموت في الكوناكت.. بتصفر صفارة الإنذار كأني بفتح الباب..
غير كدا الحل دا شغال معايا بقاله اكتر من سنة و تمام الحمد لله و هي الطريقة اللي حضرتك وصفتها فعلاً بخصوص تركيب وحدة السنتر في الشنطة :)))
منتظرين الباقي يا باشا :)) و شكراً مرة تانية
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
مهو حضرتك أنا عملت الاتنين...يعنى لو عايز افتح بالريموت من بعيد بفتح ولو عايز افتح من جوه العربيه وانا مدور باستخدم الزرار اريح واسهل واسرع..... المشاركة الأصلية كتبت بواسطة successcre8or
-
رقم العضوية : 32619
تاريخ التسجيل : 10Feb2009
المشاركات : 2,217
الاقامة : El Haram
السيارة: ___
السيارة[2]: Golf 1
الحالة :
-
مجهود ممتاز احييك عليه
-
رقم العضوية : 30629
تاريخ التسجيل : 20Jan2009
المشاركات : 1,577
النوع : ذكر
الاقامة : El-Haram
السيارة: Rabena yesahel
السيارة[2]: Chevrolet Optra 2010 A/T
دراجة بخارية: No
الحالة :
-
معلومات هابلة
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
نكمل.....
تركيب السنتر والانذار.....
بعد لف ودوران وسؤال الأهل والاصحاب وذوى الخبره من المنتدى وخارجه.....
وصلت لنتيجه واحده......
كله زى بعضه.......
يعنى .....
واحد يقولك على النوع الفلانى ممتاااااازوزى الفل......
التانى يقولك ركبته ورميته بعد اسبوعين وجبت نوع كذا......ممتاااز وزى الفل....
التالت يقولك يا عم كذا ايه دا كان راكب فى عربيه والدى وكان قارفنا وبيعلق السنتر وزهقنا لغايه ما غيرناه.....
وهكذا.....وناس تقولك بلاش الصينى خليك فى التايوانى وناس تقولك التايوانى اساسا صينى بس مكتوب عليه تايوانى....
والدنيا أخر لخبطه....
طب ايه القول الفصل فى الموضوع ده.....
السنتر والانذار ....نصيب...
ممكن اتنين يشتروا نفس الماركه ويركبوهم عند نفس المكان وواحد يقول فل وواحد يقول زفت.....
خلاص يبقى سيبك من الماركه...
أجيب 2way ولا عادى.....
سألت صديقى أحمد إسماعيل بصفته من الرواد المستخدمين للإنزار ال 2 way
لاقيته فعلا حلو ...بس انا العربيه دايما بتبقى بعيده عنى بمسافه كبيره...فالمدى بتاع ال 500 متر دول مش هيفرق معايا فى حاجه....
فتوكلت على الله ووقع اختيارى على انى اركب سنتر وإنذار وولف....
إشمعنى؟
لان الماركه دى بتتصنع فى مصر وليها وكيل ومركز خدمه وبتاخد على الانذار ضمان 5 سنوات والسنتر سنه...
وعندهم كمان خدمه التركيب وبيزود على الضمان ضمان ضد أخطاء التركيب وليس فقط عيوب الصناعه....
يعنى لو ركبت عندهم مينفعش تروحلهم عشان تصلح حاجه فى الضمان يقولولك دا عيب تركيب.....
دا موقع الشركه...
www.wolfegypt.comا
التكاليف....
السنتر تمنه 60 جنيه بضمان سنه وبالتركيب يبقى 100 جنيه
الانذار ب 175 جنيه وبالتركيب 200 جنيه
وحده الرفع لرفع اتنين زجاج بالضمان 70 جنيه بالتركيب
وطبعا لو عايز تركب وحدتين لرفع ال 4 زجاج ب 140 جنيه بالتركيب...
أما السماعات والكاسيتات والدى فى دى فشكلها مش عاطفى خالص....
نيجى بقى للتركيب......
وصلت للمركز بتاعهم اللى فى سوق القنال وطلبت تركيب سنتر وانذار الساعه حوالى 4 او 4 ونص...
إخترت الشكل اللى عجبنى فى اشكال ريموتات الانذار...
ولاقيتهم فى ثوانى فضوا مكان للعربيه وجابولى الفنى والمساعد بتاعه ..
فك الاربعه فرش بتاع الابواب.....
رفض يستخدم الضفيره اللى كانت متقسمه بالفعل فى الابواب عشان أخد الضمان بالتركيب.
(كنت عملتها عند الراجل اللى عملت عنده الزجاج الكهرباء على اساس انى مفكش فرش العتب والفيبر تانى..) .
قسم الضفيره ......يعنى قسم مجموعه الاسلاك الملونه اللى بتبقى ملفوفه فى العلبه الى مجموعات...وكل مجموعه خاصه بباب بالطول المناسب ويقص الزياده ويلف المجموعه بشريط لحام.....(أثناء ما كان المساعد بيفك الفرش بتاع البيبان).
جاب شاكوش وحته حديده من بتوع السمكرى واستعدل الطرف الايمن العلوى لكل باب فى الناحيه الداخليه المقابله لأكره الباب....وده عشان الصباع لتاع السنتر بيركب على السطح المستوى وليس البومباى....
لف عليهم باب باب وركب وحده الينتر ووصل الكتاوت بتاعته وبعدين جابوا الإنذار....
وبدأ يشتغل فى الضفيره تحت الدركسيون ...طبعا المنظر مخيف جدا..بس لانى شايف الفنى فاهم جدا وحافظ هو بيعمل ايه زى ما يكون ريبوت شغال...قلت إتطمن.....(شكلك فاهم يا نصه !!)
طبعا كعاده الصنايعيه فى مصر..بمجرد ما المهندس الكبير بتاعهم مشى الدنيا بقت فرى خالص....
والحاجه التانيه أن البقشيش او الشاى بلغتهم أهم عنده من اى شغل...
ولو لقى الزبون طيب ومبيتكلمش كتير مفيش مانع من إشتغاله صغننه.....
يعنى لفت انتباهه ان الشنطه عندى كهربا وعايز افتحها بالريموت ....
قام قللى دا هيتطلب نزود كتاوت تانى وهيدفعوك عليها 50جنيه...
أيه ....ليييييييييييه؟
بلاش منها
طب انا ممكن اتصرفلك فى كتاوت من عندى فى الحنين كده..عشرين جنيه ...ماشى؟
لأ مش ماشى.....متعملهاش كفايه الزرار افتح واقفل بيه....بص يا فلان..انا محبش اللى يشتغلنى ....خد اللى انت عايزه بس عايز الشغل الصح ...
طبعا صاحبنا بقى بيشتغل زى المكوك وشغل الشنطه على الريموت ..ومن غير كتاوت زى ما كان بيقول.......
مميزات السنتر والانذار ايه بقى؟
لو حضرتك بيركب معاك ناس فى العربيه كتير لازم تلف كل ما تسيب العربيه تراجع على الابواب المفتوحه..وكتير انسى باب مفتوح ورا وانزل..واسيب العربيه....
اللمبه بتنور لما الانذار يكون مفعل...فالحرامى المبتدئ هيخاف....
العربيه مش هتدور الا لو اتفك الانذار..يعنى لما تفتح من الريموت...
الفتح والقفل بالريموت اسهل واسرع من المفتاح...
وفى مزايا كتير ممكن تفكر فيها بنفسك...
نيجى بقى لوحدات الرفع.....
ميزه وحدات الرفه فى العربيه المتعدله زى عربيتى ...إن الزجاج الكهربائى لا يعمل الا والكونتاكت مفتوح.....
يعنى بعد ما تبطل العربيه مش هتقدر تفتح ولا تقفل الزجاج....
بينما فى الفول اوبشن بيكون فيها انك تقفل او تفتح الزجاج لمده قصيره حوالى 15 ثانيه بعد ما تبطل العربيه......
فوحده الرفع هنا تخلى الزجاج يترفع اتوماتيك مع الانذار لما يشتغل....وخصوصا لو معاك اطفال بيسيبوا الزجاج وكنت بليل ....مش هتاخد بالك وهتلاقى الزجاج مفتوح تانى يوم الصبح...وتحمد ربنا ان العربيه ما اتقلبتش او اختفت تماما.....
دا تركيب السنتر والانذار...ووحدات الرفع كمان...
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
شكراااااااااااااااااااااا اااااااا... المشاركة الأصلية كتبت بواسطة bluemaneg
أكيد قصدك هايله بس القلم خلص.....
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
بعض ما عندكم يا فندم...شكرا لمرورك.....والمشاركه الكريمه... المشاركة الأصلية كتبت بواسطة kasten
-
رقم العضوية : 3938
تاريخ التسجيل : 02Jan2008
المشاركات : 1,666
النوع : ذكر
الاقامة : cairo
السيارة: 127
السيارة[2]: Kia Picanto 2009
دراجة بخارية: لا يوجد
الحالة :
-
hasad">الموضوع هايل
بس لو فيه صور هايبقا احلى بكتييييييير
المواضيع المتشابهه
-
الفرق بين الهاف و الفول اوبشن
بواسطة keeko في المنتدى قسم خاص بالسيارة لـــوجـــــانمشاركات: 34آخر مشاركة: 27-05-2011, 11:47 PM -
طقم تحويل الفيرنا الهاف اوبشن الى فول اوبشن...للبيع..
بواسطة أشرف فتحى في المنتدى هيــونــداىمشاركات: 14آخر مشاركة: 04-10-2010, 10:16 PM -
حد فك باب الفيرنا الفول اوبشن قبل كدة؟
بواسطة mshmshm3 في المنتدى هيــونــداىمشاركات: 5آخر مشاركة: 02-09-2010, 02:02 PM -
ما الفرق فى التيدا 2009 بين الفول اوبشن و الهاف اوبشن
بواسطة sonson56 في المنتدى نيـــــــــسانمشاركات: 1آخر مشاركة: 20-05-2010, 12:08 PM -
اية الفرق بي ن الياريس الفول اوبشن و الهاف اوبشن ؟
بواسطة meyouhana في المنتدى تـويوتـــامشاركات: 4آخر مشاركة: 28-06-2007, 08:56 PM
المفضلات