الموضوع: بيعتها و أمري إلي الله..

ربنا يبارك للى اشترها

وربنا يرزقك بالاحسن ان شاء الله

الواحد يما استفاد منك بمعلومات عن الاوبل كورسا ربنا يجزك عنا كل خير

ربنا يرزقك باللي أحسن منها إن شاء الله يا أحمد

الف شكر ليكم يا رجالة علي الروح الحلوة..
بجد اكتر من اخواتي.. ربنا يبارك لي فيكم.. و يكرمكم..

بالنسبة لتفاصيل البيعه:

اتباعت علي 32 الف جنيه.. وحالتها بقي:
رشة برة.. فبريكة جوة..
كان فيها الامكانيات او المميزات التالية:

الطبيعي زجاج كهربا امامي و مرايات كهربا (فيهم واحدة مسروقة) و فتحة سقف و جنوط سبور الاصلية.. مفتاح مشفر

الزيادات بقي:
كاوتش جديد بقاله 20 الف كم بريدجستون ياباني و معمول ليه تدوير كل 10 الاف كم.. و مفتاحين مشفرين.. الاصلي و استبن
رخصة سارية لمدة 10شهور و البطارية بقالها سنة و نص

الشغل اللي كان فيها بقي:
كانت عايزة اسطوانة و ديسك دبرياج
عايزة جوز كبالن خارجي
عايزة سيرفيس سير و بلية كاتينة و طلمبة مية و سير دينامو و مراية كهربا
بس كده..
اللي اخد العربية شريك المهندس اللي باعمل عنده كل الصيانات بتاعتها.. هو عارف العربية وهو اللي كان قالي عليها قبل ما اشتريها اصلا.. و عارفها كويس جدا..

بس كده.. السعر الحمد لله انا اعتقد انه كويس بالنسبة للشغل اللي فيها..

ملحوظة اخيرة: العربية غير مكيفة.. و في السوق نزلت بيها بس كنت رايح اقابل واحد صاحبي.. مش رايح ابيع.. ناس كتير وقفتني و قفشت علي 32 و كان في ناس عندها استعداد تخلص.. حتي من غير ما تكشف عليها.

يا جماعه انا في الاصل اوبلاوي.. ولو انتسبت لأي عصابة تانية هيبقي انتساب بس.. لكن الاصل هنا.. و هافضل هنا عادي جدا.. مش هاروح حتة تانية..
بجد انا بافتح المنتدي هنا كل يوم زي ما بافتح الميل بتاعي..
و يشرفني اني اكون قدرت افيد الناس ولو حتي بحاجة بسيطة..
عشان الحمد لله هو ده الغرض الاساسي.. اننا كلنا نفيد بعض و نستفيد.. و القصد من ورا كده هو وجه الله تعالي.. و نسبة كبيرة جدا من المعلومات البسيطة اللي عندي متعلماها من المنتدي هنا.. و من المهندس اللي هو شريك الراجل اللي اخد العربية ده..

و هاقولكم حاجة اخيرة..
والله اني لأحبكم في الله..

ايه ياباشا ح تبقى مش ابلاوي يعني ولا ايه ح تجيب عربيه مش اوبل ؟؟

ألف مبروك يا باشا
و عقبال العروسة الجديدة