سلام عليكم

ببساطه انا بسمع كتير كلام مبفهومش وش السلندر البستم الصباب وكل ده المفروض انه من مكونات الموتور

وطبعآ اي صنايعي في العالم قادر تمامآ علي انه يشتغلني بما اني مبعرفش مصارين العربية اللي راكبها وانتوا عارفين مصر لو انت بتتعالج لازم تكون دكتور ولو انت بتصلح عربيتك لازم تكون ميكانيكي عشان محدش ينصب عليك

عاوز بس حد من الأعضاء الكرام يشرحلي الموتور بأجزاءة وكل جزء بيعمل ايه واعطاله واسبابها وايه اللي يتغير انا عارف ان حاجة زي كده مش سهلة خصوصآ انها محتاجة نظام في الكتابة بس انا عارف اعضاء هنا مش بيبخلوا علينا بأي حاجة

وشكرآ