الزرار ده اسمه زرار ال over drive ووظيفته انه عند استخدامه بيحبس الفتيس فى النقلة التالتة ويحرق عليها مما يعطى السيارة عزم قوى ينعكس على السرعة ايضا فالعربية تشد جامد فى وقت قليل..... وهو فى الاحوال العادية شغال..... لكن لو دوست على الزرار هتلاقى لمبة نورت فى التابلوه اسمها od/off..... و بكده انت حبست الفتيس على التالت فقط....
عمليا انا الاحظت انه مينفعش يستخدم تحت سرعة 70 لانه ساعتها ما بيكونش مؤثر، غالبا عشان السيارة لسة بتكون فى اخر النقلة التانية..... و ايضا اذا استخدمته لازم ده يكون لفترة قصيرة للخروج من موقف بسرعة او لتخطى سيارة نقل مثلا و هكذا..... يعنى استخدامه للطوارئ فقط لانه بيأثر على الموتور و بيعلى ال rpm حوالى الف لفة مرة واحدة و بكده بيكون load كبير عليه.....
ايضا استخدامه ينعكس على استهلاك البنزين و يزيد من استهلاكه.....
المفضلات