الشهامة والمروءة

**محمد المشد** · 13-05-2007 10:17 AM

الاخوة الاعضاء بالمنتدى

السلام عليكم ورحمه الله وبركاته 000
هناك امر اصبح محير بشكل واضح ،خلال السنوات الماضية 000 ألا وهو غياب الشهامة والمروءة من كثير من الناس فى الوقت الحالى !
ومثال ذلك رؤية البعض حرامى يسرق من رجل اوسيدة ويقول وانا مالى ، جلوسنا بالاتوبيس او بأى موقع ورؤيتنا لرجل كبير او سيدة مسنة ونعمل انفسنا مش شايفين ، نرفض مد العون للاقارب فى ازماتهم وكأن الامر لايعنينا ، رؤية حادث تصادم ونترك المصاب او المتوفى ونؤثر السلامة من وجهه نظرنا وهكذا الكثير والكثير ! من منعصات الحياة التى نعيشها وكأن المروءة والشهامة قد فقدوا من شعب يتميز بهما
فهل رؤيتى صحيحة ام اننى ابالغ فى الامر مع علمى ان للقاعدة شواذ ولكى كنت اتمنى ان تكون القاعدة للشهامة والمروءة وليس العكس ؟

**وائل عطية** · 13-05-2007 10:28 AM

والله ياأستاذ محمد انت نطقت بنفس الخواطر اللي بتدور في ذهني وعلقت بيها من كام دقيقة على موضوع لأحد الزملاء
بس واضح انهم مش مقتنعين
يعني أنا لما أعطل الطريق في الناحية المُقابلة لجهة وقوع حادث بدافع المرؤة والشهامة وللمساعدة، فأنا شايف إن الطريق " يتحرق " لفترة والأهم البني أدم المصاب اللي ممكن دقيقة واحدة تفرق في حياته
شكراً على موضوعك الجميل ياأستاذ محمد

**محمد المشد** · 13-05-2007 10:42 AM

الاخ وائل عطية المحترم

السلام عليكم ورحمه الله وبركاته 000
لا عليك ان يقتنع بعض الزملاء بهذا الامر فما عليك إلا ابداء الراى وان تدافع على ما انتى مقتنع به لان الامر لايعدو إلا وجهات نظر متعددة ولولا اختلاف الاراء لبارت السلع واغلقت الاسواق
فما علينا إلا السعى وليس علينا ادراك النجاح
وانتى تفكر بشكل منطقى للامور ، وان البنى ادم بالنسبة لك اهم مائة مرة من اى سيارة او موعد وتأكد إنها المروءة والشهامة ولكن ارجوا اختلاق الاعذار للجميع فقد يكون منهم من على موعد للعمل وعدم ذهابة فية اذى كبير له ولن يفهم مديرة ان هناك حادث وخلافة وقد يكون مسافر هتفوتة الطائرة وقد حدثت لى ! وقد يكون ذاهباً لمريض 000 الخ
فأختلاق الاعذار للاخرين من سيم الرجال واشكر لك شهامتك ومروءتك

**MMamdouh** · 13-05-2007 01:02 PM

السبب بسيط... تخيل لو اخدت مصاب على مستشفى و مات... انت اللى حتتهم بقتلة و تروح فى داهية

MMamdouh

**محمد المشد** · 13-05-2007 02:19 PM

الاخ الفاضل
مع اتفاقى فى بعض ما ذكرتة وتنبهى الى ما مالم اكن على دارية به 000 فأننى لااتفق معك بأننى لم اسأل نفسى مرة بأن اعلم ابنى احترام الكبار 000 فيا اخى العزيز هذا بالنسبة لى ولاولادى من الاولويات ولعلك تذكر قول الرسول الكريم (عن رحمه الصغير وتوقير الكبير وزيارة المريض واغاثة المحتاج ) فالحمد لله علمتهم بقدر امكانى الاخلاق والمروءة والشهامة ، وان كان هذا لايأتى إلا بما افعلة امامهم والحمد لله احذر فى تصرفاتى امامهم وخلفهم ، وعيب على ان انهى عن فعل وآتى بمثلة وعموما لااعتقد ان الجميع سواسية فى اخلاقهم او شهامتهم او تصرفاتهم واكرر شكرى لسعادتكم 0
اقتباس ( أما بالنسبة للقيام لكبار السن .. فهل سألت نفسك مرة .. هو أنا أهتميت أني علم أبني كيفية أحترام الكبار فما بالك بأن يقوم لهم .. ما أظنش .. ده أنا شفت بأم عيني .. الولد جنب امه في الأتوبيس علي كرسي فاضي وجاى يقوم لراجل غلبان .. راحت الست الوالدة شدته وقالتله .. خليك قاعد .. عيني عينك كده )

**3mr Farrag** · 13-05-2007 04:16 PM

انا بجد مش عالرف اقول ايه........بجد انا مستاء من كل حاجه .......الدنيا حاسس انها باظت و مابقاش في امان ولا شهامه ولا مروءه ولا تربيه.....بجد مش كلام افلام....
يعني الواحد الحمدلله بيحاول يكون كويس مع الناس في وقق الضيق ...حتي ممكن اكون مش عارفه اوي....
بس بجد بلاقي ساعات الناس مش بتقدرك.....لحد جاتلي فتره قلت لنفسي طظ في الناس و يتحرقه و يولعه في داهيه
بس طبعا ما ينفعش الواحد يعيش كده....احنا مش قاعدين في غابه....
يعني مثلا هاقول علي موقف نرفزني اوي و حسيت ان خساره الواحد يقف جنب حد....
كنت واقف علي الشارع انا و واحد صاحبي ولقيت عربيه ميكروباص خبطت عربيه سويفت القديمه...الفانوس اتكسر اللي ورا ....و كانت ست صاحبه السويفت....راحت راكنه و الميكروباص ركن ولقيتها واقفه لواحداها ....و السواق معاه كذا واحد....
قلت اعدي الشارع و اشوف الموضوع....كانت الست بصراحه رخمه اوي...السواق قلها اللي عايزاه هاعملهولك..شوفي بكام الفانوس...قالت مش عارفه....فحاولت اساعدها و قلتلها طيب ما تتصلي بي محل لو معاكي نمره و تسألي....راحت ماردتش عاليه .....مع اني كنت هتصل بواحد صاحبي عندهم محل قطع غيار(بس خساره فيها تمن المكالمه)
فراح السواق قلها ده يعملو يجي 5 جينيه :lol: ....قلت شكلوا عايز يستغفلها روحت طبعا عملت فيها الشاب الفتك و قلتلوه 5 جينيه ايه ده؟؟؟؟؟؟؟؟
لقيته اضايق و قاعد يزعق و اعدنا نبق معاه انا و صاحبي (روحت لقيت الوليه ديه عملت عبيطه و سبتنا نزعق مع بعض و ركبت العربيه و طلعت قدام شويه ....شكلها مش بتحب الدوشه).......
ياريت بقي حد يلاقي رد....مع العلم محدش يقول يمكن افتكرت اننا واقفين نظبط معاها :? ....كبيره و مش حلوه :lol:

بجد فيه حاجات كيتيره الواحد قرف منها..............
العيال اللي بيتلعب في الشارع والله زعقتلهم يجي من الصيف اللي فات و يجوا يوعدوا يلعبوا كوره و يرزعوا في العربيه و يعملوا دوشه ........وتكلم اهليهم و محدش اخد موقف و لم عياله
يعني المشكله بقت من كله...الكبير و الصغير عايز يتربي من الاول

امتي بقي الناس يبقي عندها دم؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

انا اسف جدا علي الاطاله

**Abouelela** · 14-05-2007 10:49 AM

تنويه سريع جدا .. مع الأعتذار الشديد لعدم القصد.. علي الأطلاق ..
والله مش ده إللي في دماغي خالص .. أنا بأتكلم بشكل عام علي نطاق واسع .. ومش قاصد حضرتك بشكل شخصي أبدا أبدا والله ...
ثم يكفيك يا سيدى العزيز أنك فتحت هذا الموضوع .. وهذا يدل علي التركيبة والفطرة الأنسانية السليمة ..
أنا كنت بأتكلم علي أن أوليات التربيه ( برضه علي العموم ) ..التي أسقطت الكثير مما كان يعد من أساسيات حياتنا ..
فأرجو العذر ..

فأننى لااتفق معك بأننى لم اسأل نفسى مرة بأن اعلم ابنى احترام الكبار 000 فيا اخى العزيز هذا بالنسبة لى ولاولادى

**محمد المشد** · 14-05-2007 10:53 AM

اشكرك وعذرك معك وطبعا انا فهمت حسن قصدك من البداية ولكن اردت ان اؤكد لسعادتكم ما اقصدة وعموماً الاختلاف فى اراى لايفسد للود قضية بارك الله فيك

**ايهاب** · 14-05-2007 11:09 AM

سبب الهزيمة----دورنا جميعا احياء روح الفروسية في نفوس ابناءنا حتي نجد بينهم فرسان المستقبل
وليكن شعارنا ابداء بنفسك
DR/EHABABDELHAFEEZ
اسبرانزاوي 32

-

الموضوع: الشهامة والمروءة

LinkBack

أدوات الموضوع

عرض

-

-

-

المواضيع المتشابهه

عتريس بيسال ----- فين الشهامة ؟؟؟؟

السلام عليكم المساعدة من اهل الشهامة

الكلمات الدلالية لهذا الموضوع

المفضلات

المفضلات

ضوابط المشاركة