اول ضحية لانفلونزا الخنازير و الاهمال من التلاميذ - مصطفى الله يرحمه

**Terrible_DaRsH** · 03-11-2009 02:20 AM

مرة صباعى اتفتح و ان بلعب كرة و كان فتح كبير جدا و نزيف جامد .

و كانت اقرب مستشفى ليا الهلال الاحمر برمسيس رحت و انا مغم عليا تماما و اصحابي دخلوا يشوفوا اى دكتور يلحقنى كله نفض للاسف و كانت الساعة 9 الصبح قالوا لنا مستشفى السيد جلال هى اللى هتتعامل دلوقتى ..

رحنا السيد جلال و انا برده فاقد الوعى قمة الاهمال و قلة الادب و الهمجية .

كل الدكاترة قاعدة بتبعت لبعض اغانى بالبلوتوث و دكتور كان داخل يفطر و يشرب شاي و نام شوية و دكتور تالت بيقول لصاحبي انا هشتغل كمان نص ساعة و كل ده و انا يعتبر مش فى الدنيا .

لما لاقيت نفسي بغيب بجد عن الوعى و قمة قلة الادب حواليا مسكت زجاجة صغيرة و كستر بيها زجاج شباك الاستعلامات و اصحابي قاموا بالواجب الله يمسيهم بالخير :)

فى الاخر دكتور صغير فى سنة خمسة طب قالى تفضل و اخدت 4 غرز فى صباعى و قالى لو ماكنتش لحقت كان ممكن يحصل حاجات لا قدر الله انها تحصل .

المشاركة الأصلية كتبت بواسطة kareemhisham

رايحة على فين يا بلد.

هى راحت فى 60 داهية من زمان :)

**نور القمر** · 03-11-2009 12:42 PM

انا بس عندي سؤال مهم
هل نزيف المخ من اعراض انفلونزا الخنازير ؟؟!!!!!
اعتقد لا واعتقد الولد مات بسبب النزيف مش الانفلونزا
المشكلة الازليه في مصر هي الاهماااااااااااااااااااا اااال واللامبالة
هو طفل وارتاح من الدنيا وقرفها وربنا يصبر اهله

**kareemhisham** · 03-11-2009 02:03 PM

المشاركة الأصلية كتبت بواسطة نور القمر

انا بس عندي سؤال مهم
هل نزيف المخ من اعراض انفلونزا الخنازير ؟؟!!!!!
اعتقد لا واعتقد الولد مات بسبب النزيف مش الانفلونزا
المشكلة الازليه في مصر هي الاهماااااااااااااااااااا اااال واللامبالة
هو طفل وارتاح من الدنيا وقرفها وربنا يصبر اهله

لأ هو الولد جاله انفلونزا الخنازير .. فدرجة حرارته عليت جامد .. فامه اخدته لدكتور .. قام اداله فولتارين ..

و فولتارين مينفعش للاطفال خااااااااالص (انا مش طبيب بس دة الاسمعه من كل الناس) .. فجابله نزيف فى المخ .. و دة كان سبب الوفاة